எண்ணப்பிரசவம்...

'கண்டேன் பிரபாகரனை!'- சீமான் விவரிக்கும் சிலிர்ப்பான சந்திப்பு

2009-09-17T01:09:00.006-04:00

சீமான்-முள்வேலிக்குள் மூன்று லட்சம் தமிழர் படும் துயரம் பற்றிப் பேசும்போது கூடியிருப்போரைக் கலங்கி அழ வைக்கிறார். 'பிரபாகரன் விரைவில் வருவார்!' என்று அடித்துச் சொல்லி மிரளவைக்கிறார். என்ன பேசினாலும், எது கேட்டாலும் படபட பட்டாசு பொறிதான். மதுரை, தூத்துக்குடியில் முழங்கிவிட்டு
திருப்பூர் ஆரவாரத்துக்குத் தயாராகிக்கொண்டு இருக்கிறார். சீமானின் 'நாம் தமிழர் இயக்கம்' அடுத்த மே மாதம் மாநில மாநாட்டை அரங்கேற்றுவதற்கான முனைப்பில் இருக்கிறது.

ஈழத்தின் இன்றைய நிலவரங்கள் அறிய சென்னை சாலிகிராமத்தில் உள்ள அவரது இல்லத்தில் சீமானைச் சந்தித்தேன்.

''கொடூரமாகப் பல கொலைகள் நடந்திருப்பதற்கான புகைப்பட, சலனப்பட ஆதாரங்கள் இப்போது வெளியில் வந்துகொண்டு இருக்கின்றன. இது குறித்து இந்திய அரசு விசாரணை நடத்த வேண்டும் என்கிறாரே முதல்வர்?''

''தமிழ் இளைஞனை கண்ணைக் கட்டி, நிர்வாணப் படுத்தி சுட்டுக் கொன்ற கொடூரத்தை இந்திய அரசாங்கம் இதுவரை கண்டிக்கவில்லை. ஏன் என்பதற்கான உண்மையான அர்த்தம் அவர்களுக்குத்தான் தெரியும்.''

''தமிழர்கள் தங்களுக்கு வேண்டிய உரிமைகளை வாங்கிக் கொள்ளலாம், தனி நாடு கேட்பதால்தான் இலங்கை அரசு பயப்படுகிறது என்கிறார்களே?''

''இதெல்லாம் வரலாறு அறியாத அம்மண்ணின் துயர் புரியாதவர்களின் பேச்சு. தமிழீழ மக்களுக்கு அந்தத் தேசத்தில் பங்கு பாத்தியதை இருக்கிறதுதானே? அப்படியென்றால், அம்மக்கள் கொடுமைப்பட்டது ஏன்? சிங்களவன் வைத்திருக்கும் துப்பாக்கி தமிழனை மட்டும் சுட்டது ஏன்? அவன் பேசிய தமிழ் மட்டும் புறக்கணிக்கப்பட்டது ஏன்? தமிழ்ப் பெண்ணை விரட்டி விரட்டிச் சூறையாடியது ஏன்? எல்லாம் இனவாத நோக்கம்தான். இந்த வெறுப்பும் வக்கிரமும் ஆரம்பம்தொட்டே இருந்ததால்தான் தமிழனால் அவர்களுடன் ஐக்கியமாகி வாழ முடியவில்லை. தனி நாடு கேட்டான்.

தமிழனாக இருந்துகொண்டு இதைச் சொல்லவே எனக்கு நாக்கு கூசுகிறது. ஆனாலும், அதுதான் உண்மை. தற்காலத் தமிழன் இனத்தைவிட பணத்தை மதிப்பவன். அதைக் கொடுத்து வாக்குகள் வாங்கிவிடலாம் என்பதால்தான், இந்தத் துரோகம் நடந்தது. ஆனால், கெட்ட நேரத்திலும் ஒரு நல்ல சங்கதியாக இன்றைய இளந் தலைமுறை அதைப் புரிந்துவைத்திருக்கிறது. அதை ஆக்க சக்தியாக மாற்றும் வேலையைக் கட்டளையாகப் பணித்துதான் தலைவர் பிரபாகரன் என்னை அனுப்பியிருக்கிறார்!''

''பிரபாகரனை நீங்கள் சந்தித்தீர்கள் என்று முன்பு செய்தி உலவியது... அதுபற்றி நீங்கள் இப்போதாவது பேசலாமே...''

''இந்திய ராணுவ உதவியுடன் சிங்களவன் தொடுத்த தந்திரப் போர் உக்கிரமடைவதற்குச் சில நாட்களுக்கு முன் தலைவர் பிரபாகரனை நான் சந்தித்தேன். முழுக்க முழுக்க நள்ளிரவுப் பயணமாகவே இருந்தது அது. நானும் நடேசன் அண்ணாவும் பின்னால் உட்கார்ந்திருக்க... ஜீப் எங்களை அழைத்துச் சென்றது. திடீரென்று நின்ற வண்டியில்இருந்து அதுவரை ஓட்டி வந்தவர் இறங்கிக்கொண்டார். தொடர்ந்து நடேசன் ஓட்ட ஆரம்பித்தார். சில கிலோ மீட்டர்கள் போனதும் ஜீப்பின் விளக்கு கள் அணைக்கப்பட்டன. இருட்டுக்குள் ஜீப் தனக்கு மட்டுமே தெரிந்த திசையில் பயணமானது. ஒரு மணி நேரம் கழித்து நான் இறங்கிய இடம் சாதாரண குடிசை. உள்ளே தலைவர் இருக்கிறார் என்று ஆசையுடன் போனேன். இல்லை அவர்!

அரை மணி நேரத்தில் பயங்கர சத்தத்துடன் ஒரு வாகனம் வந்தது. 'புலி உறுமிக்கொண்டு வருகிறது!' என்றார் நடேசன் சிரித்தபடி. நான் தங்கியிருந்த குடிசைக்குப் பின்னால் அழைத்துப் போனார்கள். அங்கு இன்னொரு குடிசை இருந்தது. வாசலில் நின்றிருந்தார் என் தலைவர் பிரபாகரன். பார்த்ததும் உருகிப் போனேன். பாய்ந்து சென்று கட்டி அணைத்தேன். வணக்கம் வைத்து, சின்னச் சிரிப்புடன் என்னை அழைத்துச் சென்றார். உள்ளே பொட்டு அம்மான், தமிழேந்தி இருவரும் இருந்தார்கள். வெகுநேரம் வரையில் என்ன பேசுவது என்று தெரியவில்லை. அவரேதான் நாத்திகம், கடவுள் நம்பிக்கை குறித்துப் பேச ஆரம்பித்தார். ஏன் இதையெல்லாம் என்னிடம் சொல்கிறார் என்று முதலில் புரியவில்லை. அப்புறமாகத்தான் எனக்கு மூளையில் உறைத்தது. பிரபாகரனைப் பார்க்கும் வாய்ப்பு கிடைப்பதற்கு முன்பாக, சுமார் ஒரு வார காலம் அங்குள்ள போராளிகள் மத்தியில் நான் பேசிக்கொண்டு இருந்தேன். அங்கு காசிக் கயிறு கட்டியிருந்தாள் ஒரு பெண் போராளி. 'நொடியில் சாகும் சயனைடைக் கழுத்தில் மாட்டிக்கொண்டு, ஆயுளைக் காப்பாற்றும் என்று இந்த காசிக் கயிற்றை எந்த நம்பிக்கையுடன் கட்டியிருக்கிறாய் தங்கச்சி?' என்று நான் கேட்டது அப்படியே பிரபாகரன் காதுக்குப் போயிருக்கிறது. அதனால்தான் கடவுள் நம்பிக்கை குறித்த தன் எண்ணங்களைப் பகிர்ந்துகொண்டார்.

'சின்ன வயசுல இருந்தே எனக்குக் கடவுள் நம்பிக்கை கிடையாது. ஏன்னு தெரியலை. தமிழர்களுக்குத் துரோகம் செய்த துரையப்பாவைச் சுட, முதன்முதலா ஆயுதம் தூக்கிப் போனப்ப அவர் கிருஷ்ணன் கோயில்ல சாமி கும்பிட்டுட்டு இருந்தாரு. குறிபார்க்கும்போது கிருஷ்ணர் முகம்தான் தெரிஞ்சது. 'அநியாயத்தை அழிக்க யுகம்தோறும் அவதாரமா வருவேன்' அப்படின்னு நீதானே சொன்னே என்று நினைத்துக்கொண்டே சுட்டேன். துரையப்பா செத்துட்டாருன்னு பிறகு தகவல் வந்து சேர்ந்தபோது, 'கிருஷ்ணர் என் பக்கம்'னு நினைத்தேன்.
எங்க போராட்டத்துக்கு தமிழக முதல்வர் எம்.ஜி.ஆர். அப்போது பணம் கொடுத்தார். அதை எப்படியாவது பாதுகாப்பா இங்க கொண்டு வரணும்னு கவலைப்பட்டபோது, எனக்குத் திரும்பவும் கடவுள் நினைவு வந்துச்சு. பழநிக்குப் போய் முருகனுக்கு நேர்ந்து மொட்டை போட்டேன். கிட்டு இறந்ததற்குப் பிறகுதான் எந்தக் கணத்திலும் கடவுள் எண்ணம் தோன்றாத முழு நாத்திகனா மாறிட்டேன்' என்றார்.

தமிழோடு பல வார்த்தைகளை ஆங்கிலத்தில் இருந்தே எடுத்துப் பயன்படுத்துவது குறித்து நான் போராளிகளிடம் சற்றே கேலியாகப் பேசியிருந்தேன். அதைப் பற்றியும் அடுத்து விளக்கினார் பிரபாகரன். 'தமிங்கிலீஷ்ல பேசுவதாகச் சொன்னீங்களாமே. அது உங்க நாட்டுல இருந்து இங்க இறக்குமதி ஆனதுதான். ரொம்ப நாள் வரை அப்படி இங்கே இல்லை. சமாதான காலத்துல உங்க நாட்டு டி.வி-யை இங்கே திறந்துவிட்டதன் விளைவு அது. தமிழீழம் மலரும்போது தமிழ் தமிழாக மட்டுமே இருக்கும்!' என்றார்.

அடுத்து பேச்சு, திரைப்படங்கள் குறித்துத் திரும்பியது. அடுத்து 'கோபம்'னு ஒரு படம் செய்யப் போவதாகச் சொன்னேன். 'அது சம்ஸ்கிருத வார்த்தை. சினம் அல்லது சீற்றம்னு பேர் வைங்களேன்' என்றார் தமிழேந்தி. உடனே தலைவர், ' 'கோபம்'னு சொல்ற வார்த்தைக்கு இருக்கிற உணர்ச்சி அதுல இல்லை. அதனால 'கோபம்'னே இருக்கட்டும்!' என்றார். மேலும், 'தம்பி' மாதிரியான படங்கள் தொடர்ந்து பண்ணுங்கள், 'வாழ்த்துகள்' மாதிரி தேவையில்லை என்பது அவரது எண்ணம். 'பூக்கள், பறவைகள் என்று மென்மையான விஷயங்கள் எதற்கு நமக்கு? படத்துலயும் அடிக்கணும்... நிஜத்துலயும் அடிக்கணும். அதுதான் அடிமை விலங்கை உடைக்கும்' என்றார். தமிழ் சினிமாவில் ஒவ்வொருவரைப் பற்றியும் விசாரித்தார். நம்ம போராட்டத்தை முழுமையாகப் புரிஞ்சுக்கிட்டு ஆதரிக்கிற நடிகர் சத்யராஜ்னு சொன்னேன். சந்தோஷப்பட்டார். விஜய் பற்றிப் பேசிட்டு இருந்தப்ப, 'யாழ்ப்பாணத்துக்காரரின் பெண்ணைத்தானே அவர் திருமணம் செய்திருக்கிறார்' என்று நினைவுபடுத்திக்கொண்டார். 'பாலாவும் சேரனும் நம்ம போராட்டத்தின் நியாயத்தை ஆதரிப்பவர்கள்தானே' என்று என்னிடம் கேட்டு உறுதிப்படுத்திக்கொண்டார். அமீர் பற்றி அதிகம் விசாரித்தார். அவருக்கு 'ஷிண்ட்லர்ஸ் லிஸ்ட்' மாதிரி ஈழப் போராட்டத்தை ஒரு படமாகச் செய்ய வேண்டும் என்ற ஆசை இருந்தது. எத்தனையோ பரிசோதனை முயற்சிகள் செய்து பார்த்தும், முடியாமல் போனதைச் சொல்லி வருத்தப்பட்டார். 'பாலுமகேந்திராவை மட்டும் இங்கே கொண்டுவந்து சேர்த்திருங்க. அவரை நான் பத்திரமாகப் பார்த்துக்கொள்வேன்'னு மெய்சிலிர்த்தார். திடீர்னு என்னை நினைத்தாரோ, 'சிவாஜிக்குப் பிறகு வடிவேலுவைக் கொண்டாடுறீங்க. எனக்கும் வடிவேலுதான் தமிழ்க் கலாசாரத்தின் உண்மையான கலைஞன் மாதிரி இருக்கு. நடக்கட்டும்... நடக்கட்டும்!' என்றார்.

சிங்கள அரசுடனான பேச்சுவார்த்தைகள்தோல்வி யில் முடிந்தது பற்றி அடுத்து பேசினார். 'வன் முறைக்கு அதை விஞ்சும் வன்முறைதான் பதிலாக இருக்க முடியும். சுமாரான வன்முறையை வைத்து வெற்றி பெற முடியாது. வலிமை உள்ளவன் வெல்வான். எனக்குப் பிறகும் இந்தப் போராட்டம் நடக்கும். என்னுடைய கவலை இளைய தலைமுறை இந்தப் போராட்டத்தின் நியாயத்தைப் புரிந்துகொள்ள வேண்டும். அதைப் புரியவைக்க நீங்கள் உங்களது பேச்சைப் பயன்படுத்த வேண்டும்' என்றார். 'பேசிப் பேசித்தான் காலங்கள் கரைந்து விட்டன. இனிமேல் பேசுவதில் எனக்கு நம்பிக்கை இல்லை' என்றேன். 'இல்லை தம்பி, பேச்சும் ஒரு படையணிதான். என் துப்பாக்கியில் இருந்து வெடிக்கும் வார்த்தைக்கும் உன் வார்த்தைக்கும் ஒரே அளவு வலிமை உண்டு. அதே போல் சினிமாவும் ஒரு படையணிதான். தமிழனுக்குத் தலைவனாக வருபவன் சாகத் துணிந்தவனாக இருக்கணும். சாகப் பயந்தவன் தரித்திரம். சாகத் துணிந்தவன் சரித்திரம். இந்தா இருக்காரே...' என்று ஒருவரைச் சுட்டிக் காட்டினார் பிரபாகரன். 'இவர்தான் கடாபி. என் பாதுகாவலர். சாதாரணத் துப்பாக்கியை வைத்துக்கொண்டு இரண்டு விமானங்களைச் சுட்டு வீழ்த்தியவர். உங்கள் நாட்டில் இப்படியருத்தர் இருந்தால், அனைத்து உச்ச விருதும் கொடுத்திருப்பீர்கள். எல்லாவற்றுக்கும் பயிற்சிதான் காரணம். கடுமையான பயிற்சி... எளிதான சண்டை! இது தான் இங்குள்ள தத்துவம்' என்றார்.
அவரது உடம்பு கனமாக இருப்பதாக எனக்குத் தோன்றியது. அதைக் கேட்டேன். 'குண்டாக இருக்கிறேனே தவிர, எனக்கு எந்த நோயும் இல்லை!' என்றார். நன்றாகச் சாப்பிடுகிறார். 'இங்கு நடக்கும் சமையலுக்கும் நான் தான் டைரக்ஷன்' என்றார். ராணுவம் சம்பந்தமாக ஆயிரக்கணக்கான ஆங்கிலப் புத்தகங்கள் இருந்தன. முக்கியமானவை அனைத்தையும் தமிழில் மொழிபெயர்த்து வைத்திருந்தார்.

எம்.ஜி.ஆரைப் பற்றிப் பேசும்போது எல்லாம் அவரது முகம் மலர்கிறது. அவர் அமைப்புக்குச் செய்த உதவி பற்றி எல்லாம் சிலாகித்துச் சொன்னார். அமைதிப்படையுடன் விடுதலைப் புலிகள் சண்டை போட்டுக்கொண்டு இருந்த காலத்தில், திடீரென்று ஒருநாள் கிட்டுவை அழைத்த எம்.ஜி.ஆர், ஒரு பெட்டியில் 36 லட்சம் ரூபாய் பணத்தை வைத்துக் கொடுத்தாராம். 'உங்களது நாட்டை எதிர்த்துப் போரிடும்போது எம்.ஜி.ஆர். கொடுத்தார். 'அது தேசத் துரோகமா?' என்றெல்லாம் அவர் யோசிக்கவில்லை. எங்களது நோக்கத்தை மட்டும்தான் பார்த்தார்!' என்று வார்த்தைகளில் அத்தனை நன்றி தொனிக்கப் பேசிக்கொண்டே இருந்தார்.

அவரைச் சந்தித்துவிட்டு வந்த பிறகு, என்னுடன் இருந்த சேரலாதனிடம் அதைப் பற்றிப் பெருமை பேசிக்கொண்டு இருந்தேன். அவர் அதில் ஆர்வம் காட்டவில்லை. 'ஏன்?' என்று கேட்டேன். அது உங்களுக்கும் தலைவருக்குமான தனிப்பட்ட சந்திப்பு. அது பற்றி எனக்குச் சொல்ல வேண்டியதில்லை என்றவர், 'இங்கு தலைவர் மட்டுமே நம்பிக்கைக்கு உரியவர். மற்றவரில் யாரும் துரோகியாகலாம். நான் உட்பட!' என்று கூறி நிறுத்தினார். என் இதயம் அதிர்ந்து அடங்கியது. மயூரி என்ற காயம்பட்ட பெண் போராளிகளின் காப்பகத்துக்குச் சென்றேன். 'கண்டேன் பிரபாகரனை' என்று அங்கிருந்த தங்கை யிடம் சொன்னேன். 'யாருக்கும் கிடைக்காத பாக்கியம் அது. நீங்கள் இந்த இனத்துக்கு உண்மை யாக இருங்கள்' என்றாள் அவள்.

உண்மையாக இருக்கவே போராடி வருகிறேன்.''

''இனியும் காண்பீர்களா பிரபாகரனை?''

''ஆம். காண்பேன்! 20 முறை அவரைக் கொலை செய்திருக்கிறார்கள். அவர் மீண்டு வந்திருக்கிறார். அமைதிப்படை கொன்றதாகச் சொன்னார்கள். வந்தார். சுனாமியில் அடித்துப் போய்விட்டார் என்றார்கள். மீண்டும் வந்தார். கால் கருகிப்போய், ஒரு காலை எடுத்துவிட்டதாகச் சொன்னார்கள். அதுவும் பொய். அவரது கால் நன்றாகத்தான் இருந்தது. இப்போதும் அவர்களது ஆசைப்படி இறந்திருக்கிறார். பார்க்கலாம். அவரது வருகைக்காக நாங்கள் வழக்கம் போல் காத்திருக்கிறோம்!''

நம்பிக்கையும் உறுதியுமான வார்த்தைகள்!

நன்றி - ஆனந்த விகடன்

www.naamtamilar.org

யாருக்காக பேசுகிறார் அ.மார்க்ஸ்? - பா.செயப்பிரகாசம்

2009-03-30T00:30:00.004-04:00

கருணா,
ராசபக்ஷே,
போராடும் தமிழீழ மக்கள் -
யாருக்காக பேசுகிறார் அ.மார்க்ஸ்? - .செயப்பிரகாசம்

பொதுச் சிந்தனை, எதிர்ச் சிந்தனை- என இரு வழித்தடம் உண்டு. மனிதகுல வளர்ச்சிக்காக உருவாகி காலம் காலமாய் சலித்து வடிகட்டி, சமுதாய ஆக்கத்துக்காக தொகுத்துத் தந்திருப்பது பொதுச் சிந்தனை. மனித இன மேம்பாட்டின் பொருட்டு முந்தைய சிந்திப்புகளில் எது தேவையில்லையோ அவைகளை ஒதுக்கி, புதிய தடம் போடுவது எதிர்ச் சிந்தனை. எதிர்ச் சிந்தனை எனில், அதற்கு சித்தர்களைப் போல உடைப்பு மட்டுமே பிரதானம். மாற்றுச் சிந்தனை எனில் உடைப்பின் இடத்தில், காரல் மார்க்ஸ் போல், பெரியார் போல் மாற்றை முன் வைப்பது ஆகும். எதிர்வரும் தலைமுறைகளின் ஆக்கம் பற்றியே சிந்திக்கிறவர்களாய் மேதைகள் இருப்பதால், மாற்றுச் சிந்தனை, மாற்றுச் செயல்பாடு அவர்களின் பிரதான முன்வைப்பாகிறது.

ஒவ்வொரு சிந்திப்பையும் சமுதாய ஆக்கத்துக்குத் தந்தாக வேண்டுமென்று முன் வைப்பது ஒரு வகை. ஆனால் சமுதாயத்தின் கவனக்குவிப்பு,தன்னை நோக்கித் திரும்புதல் வேண்டும் என்பதின் காரணமாக எதிர்ச் சிந்தனை பேசுவது ஒரு வகை. எதிர்ச் சிந்தனையை மாற்றுக்கானதாய் வைக்காமல் எதையும் குளறுபடியாக விதைத்து விடுதல் தன்னைப் பற்றிய கவன ஈர்ப்புக்குப் போதுமானது. இவ்வகைப் பயணத்தை ஒரு விபத்தாக, தற்செயலாக அல்ல, திட்டமிட்டு தெளிவாகச் செய்பவராக சிந்தனைத் தளத்தில் அ.மார்க்ஸ் முதலிடத்தில் நிற்கிறார்.
I
2009 மார்ச் `புத்தகம் பேசுது` இதழில் அ.மார்க்ஸின் ஈழ விடுதலைப் போராட்டம் பற்றிய நேர்காணல் வெளியாகியுள்ளது. பெருவாரியான கேள்விகள் ஈழவிடுதலைப் போரின் எதிர்ப்பை மையப்படுத்தி-விடுதலைப் புலிகளை மையப்படுத்தி எழுப்பப்பட்டுள்ளன. கேள்வி எழுப்பியவர், இடதுசாரி மார்க்சிஸ்ட் கட்சியின் நிலைபாட்டிலிருந்து நடத்தப்படும் ஒரு புத்தக வெளியீட்டு நிறுவனத்திலிருந்து- அக்கருத்துக்களின் அடித்தளத்தில் செயல்படுகிறவராக இருக்கிறார் என்பதினும், அவ்வாறான கேள்விகளை உருவாக்கச் செய்பவராக அ.மார்க்ஸ் இருக்கிறார் என்பது உண்மை. நேர் காணல், வழக்கமாகப் பல்வேறு தளங்களில் வேர் பிரிந்து செல்லும் ஒன்றாக அமையும். இது அவ்வாறு அமையவில்லை. அப்படி அமைந்தாலும், எதற்கும் இந்தா பிடி என்று திருநீறு மந்தரித்துக் கொடுப்பது போல், அ.மார்க்ஸ் தயார். கேள்வியும் நானே, பதிலும் நானே என்று ஈழத் தமிழர் இனப் படுகொலைக்கு அணைவான கரம் கொடுத்துச் செல்பவராக,விடுதலைப் போராட்டுத்துக்கு எதிரான பார்வையை வெளிப்படுத்துகிறார். இவ்வித எதிர்நிலைப்பாடுகள் மூலம் தன்னை முன்னிலைப்படுத்திக் கொள்வது என்ற நோக்கம் நிறைவேற, தானொரு எதிர்ச் சிந்தனையாளன் என்று விளம்பரப்படுத்திக் கொள்ள கண்ணும் கருத்துமாய் அவர் வளர்த்து வந்த பூனைக்குட்டி வெளியே வந்துள்ளது.

எதைப் பிரதானமாகக் கொள்ள வேண்டுமோ, அதைக் கவனிக்காமல் விடுவது அ.மார்க்ஸி ன் சிந்திப்பு முறை, இலங்கை சுதந்திரம் பெற்றதாகச் சொல்லப்படும் 1948 முதலும் அதற்கும் முன்பிருந்தே தொடர்ந்து வரும் இந்தியத் தலையீடு பற்றி அவர் கவனம் கொள்ளவில்லை. தனக்குக் கட்டுப்பட்ட ஒரு நிலப்பரப்பாக இலங்கை வாழ வேண்டும் என்ற இந்திய ஆட்சியாளர்களின் நினைப்பு பற்றி அவர் கருத்துச் செலுத்தவில்லை. தமிழினம் என்ற அடையாளமே இல்லாமல் காரியங்கள் செய்வதற்கு இந்தியா மூலசக்தியாய் இயங்குகிறது. இந்தியாவே போரை நடத்துகிறது என்பதற்கு சமீபமாகக் கிடைத்த ஆதாரங்கள் உள்ளன. இந்திய அமைதிப் படை என்ற பெயரில் நேரடியாக உள்ளிறங்கியது அன்று. இன்று மறைவாய் இராணுவத்தை உள்ளிறக்கிக் கொண்டிருக்கிறது. பயங்கரவாதத்துக்கு எதிரான போர் என்ற போர்வையில் தன் நாட்டுக்குள் எழுந்துள்ள பயங்கரவாதத்தை அழித்தால் பரவாயில்லை. இன்னொரு நாட்டுக்குள் போய் அந்த சேவையைச் செய்கிறது.

(1. இந்தியாவைத் தொடர்ந்து தோற்கடிக்கும் சிங்கள இராஜதந்திரம் 2) தமிழீழ விடுதலைப் போராட்டமும் இந்தியாவும் - மு.திருநாவுக்கரசு எழுதிய நுhல்களை அ.மார்க்ஸ் வாசிக்க வேண்டும்,) பயங்கரவாதிகளையும் விடுதலைப் போராளிகளையும் சமமாகப் பாவித்து ஈழத்து பயங்கரவாதிகளை ஒழிப்பதன் மூலம் இலங்கையைத் தனது கக்கத்துக்குள் இடுக்கி வைத்துக் கொள்ள இந்தியா எத்தனிக்கிறது. அரச பயங்கரவாதத்துக்குப் போதையூட்டும் `பயங்கரவாதத்துக்கு எதிரான போர்` என்ற முழக்கம் செப் 11, 2001ல் அமெரிக்கா வைத்த முழக்கம். சர்வதேச சமூகத்துக்கு தவறான வழிகாட்டுதலைக் காட்டிய முழக்கம்.

``அது மேற்கு உலகுக்கு எதிராக தீவிரவாதிகளை ஒன்று சேர வைத்தது. இது தான் அதனுடைய விளைவு. நாங்கள் வரலாற்றுத் தவறுகள் (அமெரிக்கா, பிரிட்டன்) செய்து விட்டோம். எல்லாக் குழுக்களையும் சமமாகப் பாவித்தது வரலாற்றுத் தவறு. தாயக மக்களுக்குப் போராடுகிற விடுதலைப் புலிகளையும் மும்பைத் தாக்குதலுக்குக் காரணமான லஸ்கர். இ.தொய்பா அமைப்பையும் வேறபடுத்திப் பார்க்கத் தவறி விட்டோம். விடுதலைப் புலிகளையும் பயங்கரவாதிகளையும் சமமாகக் கருதும் ஒப்புமை வெறுப்பைத் தரக்கூடியது. அனைத்துக் குழுக்களும் ஒரே மாதிரி அணுகப்பட்டது மிகப் பெரிய தவறு. பயங்கரவாதம் ஒரு கொலை தந்திரோபயம் (Tactics) .அது ஒரு நிறுவனமோ தத்துவமோ அல்ல ``

இவ்வாறு பேசியவர் மும்பையில் எந்த தாஜ் ஓட்டலில்` `லஸ்கர். இ. தொய்பா` பயங்கரவாதிகளின் தாக்குதல் நடைபெற்றதோ ,அதே ஓட்டலில் இரண்டு மாதத்தின் பின் நடந்த அரங்கில் பேசிய பிரிட்டிஷ் வெளியுறவுத்துறை அமைச்சர் டேவிட் மிலிபாண்ட்.

சென்னையில் சனவரி 2009-ல் நடைபெற்ற புத்தகக் கண்காட்சியின்போது பிரபாகரன், விடுதலைப் புலிகள் போன்ற புத்தங்கள் விற்கக்கூடாது என போலீஸ் சொன்னபோது அதை ஏற்றுக் கொண்டு`` இந்திய அரசு, தமிழக அரசு, இந்தியக் கலாச்சாரம், மதக் கலாச்சாரத்துக்கு எதிரான புத்தகங்களை விற்பனைக்கு வைக்கக்கூடாது என்று தெரிவித்திருக்கிறோம்.. போலீஸ் சொன்னால் அதை எடுத்தாக வேண்டும்`` என்று பதிப்பக உரிமையாளர்கள் சங்கத் தலைவர் காந்தி கண்ணதாசனைப் பேச வைத்தது வரை இந்த பயங்கரவாதக் கருத்தாக்கத்தின் தொடர்ச்சி நீண்டிருக்கிறது.

`1975/1985 கால கட்டத்தின் பின் இன்று உலகில் மிகப் பெரிய மாற்றங்கள் ஏற்பட்டு விட்டன. விடுதலைப் புலிகள் இவைகளைக் கணக்கிலெடுத்துக் கொள்ளவில்லை` என்று விமர்ச்சிக்கிற அ.மார்க்ஸ் மிலிபேண்ட் சொன்ன காலமாற்றங்களையும் கணக்கில் கொள்ள வேண்டும்.

`` 90களுக்குப் பின் ஏற்பட்ட மாற்றங்கள், நெருக்கடிகள் ஆகியவற்றைக் கணக்கில் கொண்டு எல்லா இடதுசாரி இயக்கங்களும் தம் அணுகல் முறையில் மாற்றங்களை ஏற்படுத்தியுள்ளன`` என்கிறார் அ.மார்க்ஸ். ஆனால் இலங்கை இடதுசாரிகள் குறிப்பாய் ஈழத்தில் செயல்பட்ட இடதுசாரிகள் 1983க்கு பின் ஏற்பட்ட மாற்றங்களைக் கணக்கிலெடுத்துக் கொள்ளவில்லை என்பது போலவே பின் நவீனத்துவாதியான அ.மார்க்ஸும் கணக்கில் கொள்ளவயில்லை

1980களின் பின் ஈழத்தமிழர் பிரதேசத்தில் இடதுசாரி அரசியல் என்ற ஒன்று கிடையாது. இனத்துவ அரசியல்தான் முன்னுக்கு வந்தது. இனத்துவ அரசியலிலிருந்து இன்றுள்ள இனவிடுதலைப் போர் எழுந்து வந்தது.

ஈழத்தமிழர் மத்தியில் முதன் முதலாக ஆயுதப் போராட்ட அரசியல் முறையை உண்டு பண்ணியவர்கள் இந்த இடதுசாரிகள். இவர்கள் சீன சார்பு அரசியல், போராட்டம் பற்றி பேசினர். ஓப்பீட்டளவில் இலங்கை இடதுசாரிகளை விட, முற்போக்காளர்களாகவும், புரட்சிகர உள்ளடக்கப் பண்புகள் கொண்டவர்களாகவும் இருந்த ஈழத்தின் இந்த சீன சார்பு இடதுசாரிகள் ஈழத் தமிழ் மக்கள் மீது, சிங்களப் பேரின ஒடுக்குமுறைகள் திரண்டபோது அதை எதிர்த்து நின்று முறியடிக்கத் திராணியற்றவர்களாக ஆகினர். தமிழர் என்ற அடையாளத்தை ஒடுக்கப்படும் தேசிய இன அடையாளமாக எடுத்துக் கொண்டு, அதன் சார்பில் குரல் எழுப்ப முன் வந்தாரில்லை. சீனச் சார்பு கம்யுனிஸ்ட் கட்சியின் தலைவர் சண்முகதாசன் ஈழத் தமிழர்களை ஒரு தேசிய இனமாகவே ஏற்க மறுத்தார். ( அ.மார்க்ஸக்கு முன்னரே அவர் பின் நவீனத்துவவாதியாக மாறிவிட்டார் போல)

தேசியத்துடன் இணையாத மார்க்சியத்தால் பயனில்லை. லத்தீன் அமெரிக்க இடதுசாரி அரசியல் அனுபவங்களைக் கணக்கிலெடுத்துக் கொண்டு ரெஜிரப்கே இவ்வாறு குறிப்பிடுவார். அதேபோல் சோசலிசக் கூறுகளை, பண்புகளை உள்வாங்கிக் கொள்ளாத தேசியத்தால் தொழிலாளர்களுக்கும், விவசாயிகளுக்கும், தாழ்த்தப்பட்ட மக்களுக்கும் பயனில்லை என்பார் யதீந்திரா என்ற ஈழத்து எழுத்தாளர். மாறாக தேசியத்தை உடைக்காத மார்க்சியத்தால் பயனில்லை என்ற கருத்தை பின் நவீனத்துவவாதிகள் கொண்டிருக்கிறார்கள். தேசியத்தை உடைப்பது, மார்க்சியத்தை உடைப்பது, அல்லது இரண்டையுமே சேர்ந்து உடைப்பது என்ற போக்கில் போகிவறவர்கள் தாம் இப்போதைய பின் நவீனத்துவவாதிகள். தேசியம், தேசம்- என்ற உருவாக்கத்தை ஏற்றுக் கொள்ளாதவர், அ.மார்க்ஸ். தேசியம் ஒரு கற்பிதம் என்பார். ஆதிக்க நிலையினர் தேசியத்தை கட்டமைப்பதற்கும், ஒடுக்கப்படும் மக்கள் கட்டமைக்கும் தேசியத்துக்கும் பாரதூரமான வேறுபாடுகள் உண்டு, இரண்டும் ஒன்றல்ல என அ.மார்க்ஸ் காணவில்லை.

``தேசிய இனம் என்ற பேரடையாளத்தை இறுக்கமாகவும் உணர்ச்சி பூர்வமாகவும் கட்டமைக்கும்போது வர்க்கம் உள்ளிட்ட பல்வேறு சிறு அடையாளங்கள் அதன் மூலம் ஒடுக்கப்படும்`` என்று விரிவுரையாற்றுகிறார் பின் நவீனத்துவவாதி அ.மார்க்ஸ்

இன விடுதலைப் போரின் போது வர்க்கம், சாதி, வட்டார அடையாளங்கள் ஒடுக்கப்படுதல் அல்ல, ஒதுங்கிப் போகும். மக்கள் திரளை விடுவிக்கப் பிரதானமான ஒன்றை முன்னெடுக்கையில் மற்றவைகளையும் அதே நேரத்தில் தோளில் துhக்கி வைத்துக்கொண்டால் நனைந்த பொதி சுமக்கிற கதையாகி விடும். . அதே பொழுதில் இவைகளை உள் வாங்கிய எதிர்கொள்ளல் நடைமுறையில் இருக்கும். பிரதான முரண் விலக்கப்படுகிறபோது ,ஒதுங்கியிருந்த அகமுரண்கள் முன்னுக்கு வரும். முதன்மையிடத்துக்கு வந்த அவை முன்னுரிமை அடிப்படையில் ஆய்வுக்குட்படுத்தி தீர்க்கப்படும். இது யூகமோ, அனுமானமோ அல்ல. வரலாற்றில் இதுதான் பிரச்சனைகளைத் தீர்க்கும் முறை. பின் நவீனத்துவம் பிரச்னைகளைத் தீர்க்கும் முறையை அறியாது, புதிது புதிதாகப் பேசுதல், எதையும் கேள்விக்குட்படுத்துதல்,மாற்றை முன்வைக்காது மாறி மாறிக் கேள்விகளைக் குவித்தல்-மட்டுமே பின் நவீனத்துவ வேலை.
``சிங்கள மேலாதிக்கம் தமிழர்கள் மீது ஒடுக்குமுறையைக் கட்டவிழ்த்துவிட்டபோது இவர் முதலாளி,இவர் தொழிலாளி,இவர் தாழ்த்தப்பட்டவர் என்ற வேறுபாடுகள பார்த்து தனது ஒடுக்குமுறையைச் செலுத்தவில்லை. தமிழர் என்ற அடையாளத்தின் மீதே தனது ஒடுக்குமுறையைக் கட்டவிழ்த்தது (சிங்களப் பேரினத்தை அண்டி அடிமைப் பாட்டுப் பாடியவர்கள் வாழ முடிந்தது) , சிங்களப் பேரினம் எந்த அடையாளத்தை அழித்தொழிக்க முற்பட்டதோ, அந்த அடையாளத்தை மையப்படுத்தியே அன்றைய ஈழத்தமிழர் தேசிய அரசியல் தோற்றம் கொண்டது. தமிழர்கள் மீதான ஒடுக்குமுறையின் விரிவும், அதற்கு எதிரான மக்களின் எதிர்ப்புணர்வுகளை இடதுசாரிகளால் தமது அரசியல் தளத்தில் பிரதிபலிக்க முடியாமல் போனமையும் தான் இடதுசாரி அரசியலை முடிவுக்குக் கொண்டு வந்தது ``– என்று சுட்டும் விழி இதழின் (திருகோணமலை) ஆசிரியரும்,எழுத்தாளருமான யதீந்திரா குறிப்பிடுகிறார்.
இனத்துவ ஒடுக்குமுறைக்குள்ளிலிருந்து எழுந்த இனத்துவ அரசியலைக் கண்டு கொள்ளாமல் வர்க்கம்,சாதிய ஒடுக்குமுறைகளை முன்னிறுத்திய வரலாற்றுப் பிழை அந்தக் காலத்தில் நிகழ்ந்தது. எது பிரதான முரண் என்பதைக் காணத் தவறினார்கள்.

ம.க.இ.க வினர் புலிகளைப் பாஸிஸ்டுகள் என்று சொல்கிறார்களாம் ;
மகிழ்ச்சிப் பெருக்குடன் எடுத்துப் போட்டுக் கொள்கிறார் அ.மா. புத்தகம் பேசுது இதழினுhடாக அ.மா வைப் பேசச் செய்து இன விடுதலைப் போருக்கு எதிரான நிலை எடுத்துள்ள மார்க்சிஸ்டு கம்யூனிஸ்ட் கட்சி, இலங்கை ராணுவமும், புலிகளும் ஆயுதத்தைக் கீழே போட வேண்டுமென்கிறது. `` தாக்குபவனையும் தற்காத்துக் கொள்பவனையும் சமமாகப் பார்க்கும் இக்கூற்று சிங்கள இனவெறிக்குத் துணைபோவதாகும்`` என்று பதில் கொடுத்துள்ளனர் ம.க.இ.க. வினர் .
``கிளிநொச்சி வீழ்ந்தாலென்ன, முல்லைத்தீவு வீழ்ந்தாலென்ன, வென்றதில்லை இனவெறி ஆதிக்கம் ஓயப்போவதுமில்லை தமிழீழ மக்களின் சுயநிர்ணய உரிமைப்போர். அப்போருக்கு ஆதரவாக தமிழகமே, விழித்தெழு, போராடு`` என்று ம.க.இ.க வினர் குரல் எழுப்புகிறார்களே, இதுபற்றி அ.மா என்ன சொல்கிறார்?. தனக்குள் வரைந்துள்ள குரூர ஓவியத்தை வெளிக்காட்ட புத்தகம் பேசுது இதழையும், கம்யூனிஸ்ட் கட்சியையும் அதுபோலவே, ம.க.இ.க வின் வழியாகவும் முண்டும் சூட்சுமம் புரிகிறது.

``2001 செப்டம்பர் 11- க்கு பின் மாறியுள்ள உலகநிலையைப் புலிகளும் சரி, புலிகளின் ஆதரவாளர்களும் சரி கண்டுகொள்வதும் இல்லை, புரிந்து கொள்வதும் இல்லை`` என்று மட்டையடி போடுகிற அ.மார்க்ஸ், செப்டம்பர் 11 ல் உருவாக்கப்பட்ட பயங்கரவாதத்துக்கு எதிரான போர் என்ற பிம்பத்தை உலகப் பேரரசு வாதத்தின் பக்கம் நின்ற மில்லிபாண்ட் போன்றவர்கள் உடைத்து வீசுகிறபோது அதை ஏற்கிறாரா? எதிர்க்கிறாரா? எந்தப்பக்கம் நிற்கிhர்?

``ஈழ விடுதலை, தனி ஈழத்தை அங்கீகரித்தல் என்ற முழக்கங்கள் தமிழ் நாட்டிலிருந்துதான் ஒலிக்கிறதே ஒழிய ,ஈழத்தில் இன்று யாரும் இதைச் சொல்வது கிடையாது. விடுதலைப் புலிகள் உட்பட இதுவே இன்றைய நிலை. இந்த ஆண்டு மாவீரர் நாள் உரையின் போதோ, சென்ற ஆண்டிலோ பிரபாகரன் தனி ஈழக் கோரிக்கையை முன் வைக்கவில்லை ``என்று கூறுகிறார் அ.மார்க்ஸ்

இந்த ஆண்டு பிரபாகரன் ஆற்றிய மாவீரர் நாள் உரையிலிருந்து சில வாசகங்கள்.
``இந்த மண் எமக்குச் சொந்தமானது, எமது இனவேர் ஆழ வேரோடியுள்ள இந்த மண்ணிலே நாம் நிம்மதியாக, கௌரவமாக, அந்நிய ஆதிக்கமோ தலையீடோ இன்றி எமது வாழ்வை நாமே அமைத்து வாழ விரும்புகிறோம்.
``இந்த மண்ணை ஆக்கிரமித்து அடக்கியாள சிங்களம் திமிர் கொண்டு நிற்கிறது. சிங்களத்தின் இந்தக் கனவுகள் கலையும், எமது மாவீரர் கண்ட கனவு ஒருநாள் நனவாகும், இது திண்ணம்``
``தமிழர் உலகின் எந்த மூலையில் வாழ்ந்தாலும், எந்தக் கோடியில் வளர்ந்தாலும் எமது தேச விடுதலைக்கு உறுதியாகக் குரலெழுப்பி எமது சுதந்திர இயக்கத்தின் கரங்களைப் பலப்படுத்துமாறு அன்போடு வேண்டுகிறேன்``

தனி ஈழக் கோரிக்கையை பிரபாகரன் முன் வைக்கவில்லை` என்று அபத்தமான ஒரு பொய்யை, , தன்னறிவின் நம்பகத்தன்மையை மட்டுமே கொண்டு பேசுகிற அ.மா வைத் தவிர வேறு யாராலும் உதிர்க்க முடியாது.

``தனி ஈழம் என்பது மட்டுமல்ல, கூட்டாட்சிக்குக் கீழான ஒன்றிணைந்த தனி மாகாணம் என்ற கோரிக்கைக்கு கூட ஒட்டு மொத்தமாக எல்லாத் தமிழர்களுடைய ஆதரவும் உள்ளது எனச் சொல்ல முடியாது ``என ஒரு புதிய கண்டுபிடிப்பைச் செய்கிறார். ராசபக்ஷேக்களும் கருணாக்களும் கூறுவதையே இவரும் கூறிக்கொண்டிருந்தால் என்ன செய்வது? இன்றைக்கே தமிழ்ப் பிரதேசத்தில் வாழும் தமிழர்களிடையே ஐ.நா மூலம் ஒரு வாக்கெடுப்பு தமிழ் மக்களிடையே மட்டுமே நடத்தப் பட வேண்டும் என இயக்கம் எழுந்தால், அவ்வாறே கருத்துக் கணிப்பும் வந்தால் அ.மார்க்ஸ் கண்ட கனவெல்லாம் குப்பைக் கூடைக்குப் போகும்.

சோவியத் யூனியன் வீழ்ச்சி மற்றும் 1990க்கு பிந்திய உலகில் ஏற்பட்ட மாற்றங்களை புலிகள் கணக்கில் கொள்ளவில்லை என்கிறார். சோவியத் யூனியன் வீழ்ச்சிக்குப் பிறகுதான் ஈழ விடுதலைப் போராட்டத்தின் தலைமைச் சக்திகளாக புலிகள் வீரியமாக அதிவேகம் கொண்டனர். தேசிய இனங்களின் ஒடுக்குமுறையில்தான் சோவியத் யூனியன் துண்டு துண்டாகச் சிதறியது என்ற உண்மை அவர்களுக்குத் துணையாக வந்தது. இவ்வாறு வரலாற்றுப் பேருண்மையை மறைக்கிற `நல்ல குணம்` அ.மார்க்ஸ்க்கு நிறைய உண்டு.

``வடக்கு மாகாணத்திலிருந்து முஸ்லீம்கள் வெளியேற்றப்பட்டார்கள். இன்னும் அவர்கள் நாடு திரும்ப இயலவில்லை `என்கிற குற்றச்சாட்டை வைக்கிறபோது, அவர்கள் நாடு திரும்பாததற்கு காரணம் யார்? புலிகள் அந்தப் பிழைக்கு வருந்தி திரும்ப அழைத்தபோதும் தங்களின் வாழ்விடங்களுக்கு மீண்டும் செல்ல முடியாதததற்கு வடக்கில் நிலைகொண்டுள்ள ராணுவம்தான் காரணம் என்ற நடைமுறை உண்மையை` ராணுவம் அகன்ற பின் முஸ்லீம்கள் தங்களிடத்தில் குடியேற பெருவிருப்போடு இருக்கிறார்கள் என்று அவர்களிடமிருந்து வந்த செய்திகளை ஷோபா சக்தியும் சிராஜுதீனும் அவருக்குத் தர மாட்டார்கள்.

`கிழக்கில் பள்ளி வாசலில் தொழுதுகொண்டிருந்தவர்கள் கொல்லப்பட்டனர். இன்று கிழக்கு மக்கள் அந்நியப்பட்டு நிற்பதற்கும் இதுகாறும் புலிகளில் இருந்து எல்லாவித மனித உரிமை மீறல்களுக்கும் காரணமாக இருந்த கருணா கும்பலின் சந்தர்ப்பவாதம் மட்டுமே காரணம் என்று சொல்லிவிட முடியாது` என்று புலிகளுக்கு எதிரான முகவராக தன்னைக் வெளிப்படுத்திக் கொள்கிறார்.. இங்குள்ள தமிழ்த் தேசியர்கள் புலிகளின் பக்தர்கள், புலிகளின் முகவர்கள் என்றால் நீங்கள் கருணாவின் முகவரா? இல்லை பிள்ளையானின் முகவரா என்கிற கேள்வி நம் சிந்தனைக் கதவுகளை ஓங்கித் தட்டுவதற்காக வாசலில் காத்து நிற்கிறது..

அக்டோபர் 2008, தீராநதி இதழில் பாரிஸில் வாழும் எழுத்தாளர் ஷோபா சக்தியை அ.மார்க்ஸ் நேர்காணல் செய்திருந்தார். `` இன்றைய தமிழ் இலக்கியத்தின் முக்கியப் படைப்பாளியான ஷோபா சக்தியின் இக்கருத்துக்களை வெறும் நேர்காணலாகவன்றி உடன்பாடுடன் முன்வைக்கிறேன் ``என்று அதுபற்றிக் குறிப்பிட்டிருக்கிறார். ஈழப் போராட்டத்துக்கும், விடுதலைப் புலிகளுக்கும் எதிராக தனக்குள்ளிருக்கும் கருத்துக்களை மட்டும் முன்வைத்து அதற்கு ஒப்புதலும் பெற இதுபோன்ற நேர்காணல் வசதியாக அமைந்து விடுகிறது.

இந்த நேர்காணலில் ஷோபாசக்தி `` சர்வதேச அழுத்தத்தின் காரணமாக கிழக்கு மாகணத்தில் தேர்தல் ஒன்றையும் அரசு நடத்த வேண்டிய நிலை ஏற்பட்டது. அந்தத் தேர்தலில் தமிழ்த் தேசிய கூட்டமைப்பு தவிர, மற்றெல்லா பெரிய அரசியல் கட்சிகளும் பங்கு கொண்டன. தேர்தலும் பெரிய அராஜகங்களின்றி நடைபெற்றது . அரசுடன் கூட்டணி சேர்ந்து போட்டியிட்ட பிள்ளையான் முதலமைச்சரானார். தொடர்ந்து இன்று கிழக்கு மாகாணத்தில் ஏற்பட்டுள்ள பாரிய மாற்றங்கள் குறிப்பிடத்தக்கவை. முதலில் பல ஆண்டுகளுக்குப் பின் முதன் முதலாக அங்கே போர் ஒழிந்து மக்கள் அமைதியாக உள்ளனர். கொலைகள்,ஆட்கடத்தல்கள் எல்லாம் வெகுவாகக் குறைந்துள்ளன. குறிப்பாக ஏராளமான குழந்தைகள் கடத்திச் செல்லப்பட்டு, போர்முனையில் நிறுத்திக் கொல்லப்படும் அவலம் நின்றுவிட்டது `` பிள்ளையான், கிழக்கு மாகாணத்தின் முதலமைச்சராக ஆவதற்கு முன்னும், ஆன பின்னும் என கிழக்கு மாகாணத்தில் நடப்பவைகளுக்கு மாறான பொய்களை அடுக்கிக் கொண்டு போகிறபோது அவைகளை ஏற்றுக் கொள்கிறார் அ.மார்க்ஸ் (உடன்பாட்டுடன் முன்வைக்கிறேன்)

ஆனால் கொழும்புவிலும், கிழக்கு மாகாணத்திலும் இயல்பாக நடந்து வரும் வெள்ளை வேன் கடத்தல்கள், கொலைகள், வன்முறைகள் ஆகியவற்றை அங்கு சென்று திரும்பிய, போர்ப் பகுதிகளுக்கும், யாழ்ப்பாணத்துக்கும் செல்ல அனுமதி மறுக்கப்பட்ட செய்தியாளர் கவிதா அவுட் லுக் இதழில் அம்பலப்படுத்தியிருந்தார். ` உங்கள புத்தர் இதையா சென்னார்` என்ற தலைப்பிட்டு காலச்சுவட்டிலும் (சனவரி, 2009) எழுதியிருந்தார்.

``போரினால் பாதிக்கப்பட்டுள்ள கிழக்கு மாநிலத்தில் 49,000/- கைம்பெண்களுக்கு உடனடியாக வேலை வாய்ப்பு அளிக்காவிட்டால் அவர்களில் பலர் மனித வெடிகுண்டுகளாக மாறும் சூழ்நிலை ஏற்படலாம்``

சமீபத்தில ஐ.நா அதிகாரிளின் எச்சரிக்கையை சிங்கள இதழ்களில் வந்த செய்திகள் எடுத்துச் சொல்கின்றன. 49000 – கைம்பெண்களில், 35000 பேர் 30 வயதுக்குக் கீழானவர்கள். இது தவிர போராளிகள் குடும்பத்தைச் சேர்ந்த 8000 பேரும் வேலையில்லாது தவிக்கின்றனர். இந்தக் கைம்பெண்கள், போர்ப்படையில் சேர்ந்து மனித வெடிகுண்டாய் மாறுவதைத் தவிர, வேறு வழியில்லை என்ற உண்மை நிலவரத்துக்கு, இராணுவமும், கருணா, பிள்ளையான் போன்ற துணை ராணுவக் குழுக்களும், டக்ளஸ் தேவானந்தா போன்ற அரசாங்கத்தால் ஆசிர்வதிக்கப்பட்ட செல்லப்பிள்ளைகளும் காரணமென்தை எல்லோரும் அறிவர். எல்லோரும் அறிய உலவும் உண்மைகளை உயிரோடு புதைத்து விட்டு, `எல்லாம் சுபிட்சமாக நடக்கிறது` என்று ஷோபா சக்தி சொல்வதற்கு அ.மார்க்ஸ் முழுiமான உடன்பாட்டுடன் ஏற்கிறாராம்.

ஷோபா சக்தியின் வாக்கமூலத்தையும் அ.மார்க்ஸின் ஒப்புதலையும் மறுப்பது போல, அ.மார்க்சே குறிப்பிடுகிறார் ``கிழக்கு மாகாணத்தில் சில மாதங்களுக்கு முன் சராசரியாக மாதம் ஒன்றுக்கு 24 கொலைகள் நடந்துள்ளன. ,,,,,,,,,,,,, நவம்பரில் மட்டும் மட்டக் களப்பு மாவட்டத்தில் 24 சிவிலியன்கள் கொல்லப்பட்டுள்ளதாக ஐ.நா மனித உரிமை அமைப்பு சொல்கிறது.`` (தீராநதி பிப்ரவரி 2009- பக்.47). ஆனால் ஷோபா சக்தி சொன்ன பொய்யும் அதை அவர் உடன்பாட்டுடன் ஏற்றுக் கொண்டதாக சொல்லுகிற வாக்குமூலமும் இந்த இடத்தில் அவருக்கு மறந்து போய்விட்டது போல.

உண்மையான படைப்பு மனம் கைகூடி வந்திருக்குமானால், மனச்சாட்சி நிமிர்ந்து நின்றிருந்தால் பேரினவாத அரசின் மனித உரிமை மீறல் செயல்பாடுகளை அம்பலப்படுத்துவதை நோக்கி `புத்தகம் பேசுது நேர்காணல்` நகர்ந்திருக்க வேண்டும். ஆனால் எந்த நேரத்தில் எந்தச் செயலைச் செய்வது என்ற விவஸ்தை இல்லாமல நேர்காணலை நகர்த்தியிருக்கிறார் அ.மார்க்ஸ்.

இன்று வன்னிப் பிரதேசத்தில் இராணுவத் தலைமைக்கும் கட்டுப்படாமல் ஒவ்வொரு சிங்களச் சிப்பாயும் தனதுவிருப்பத்தைத் தானே நிறைவேற்றிக் கொள்ளும் களச் சர்வாதிகாரியாக மாறியிருப்பது போல், தன் தலைமைக்குத் தெரியாமலே தன்னிச்சையான முடிவுகள் எடுத்துச் செயற்படுத்திய கருணா தன்னுடைய செயல்பாடுகளைத் தட்டிக் கேட்ட தலைமையுடன் முரண்படுதலினுhடாக ரணில் விக்கிரமிசிங்காவினுடனான நேசத்தை உறுதிப்படுத்திக் கொண்டிருந்தார்.

ராசபக்ஷேயின் கருணையால் நாடாளுமன்ற உறுப்பினராக்கப்பட்ட கருணா தனது முதல் உரையில் ``கிழக்கில் முஸ்லீம்களைப் புலிகள் கொன்றார்கள்`` என்று உரை ஆற்றியபோது ``நீர்தானே கொன்றீர் ``என்று தமிழ்த் தேசியக் கூட்டமைப்பின் இ.பி.ஆர்.எல்.எப் நாடாளுமன்ற உறுப்பினர் சுரேஷ் பிரேமசந்திரன் நாடாளுமன்றம் அதிரும்படி கேட்டார். இந்தத் தகவலையெல்லாம் ஷோபா சக்தியும், சிராஜுதீனும் அ.மா.வுக்குத் தரமாட்டார்கள். இது போன்றவர்களைத் தாண்டி இவைகளைத் தேடிப் பெறுகிற எல்லைகளையும் முன் கூட்டிய முடிவுகளால் அவரும் அடைத்து விட்டார்.

வெளிப்படையான நேரடி எதிரியை விட ஒளிந்து நின்று செயல்படும் எதிரி ஆபத்தானவன். ரணில் விக்கிரமிசிங்க அத்தகைய ஒரு எதிரி. இலங்கை அதிபராக இருந்தபோது நார்வேயின் முன் முயற்சியால் அனைத்துலக நாடுகளின் அனுசரனையோடு போர் நிறுத்த ஒப்பந்தம் 2002 சனவரியில் கையெழுத்தானது. குறிப்பிடப்பட்ட எதையும் நிறைவேற்றாமல் எல்லா ஷரத்துக்களையும் இலங்கை மீறியது.

முக்கியமானவை மூன்று
1)இராணுவம் கைப்பற்றி தங்கியுள்ள வீடுகள், பள்ளிகள்,மருத்துவ மனைகளைக் காலிசெய்ய வேண்டும்.
2)அகதிகளாக அலையும் ஒருலட்சத்துக்கு மேலான மக்கள் மீண்டும் தமது வாழ்விடங்களுக்குச் செல்லஅனுமதிக்க வேண்டும்.
3) பாதுகாப்பு வளையம் என்று பெயரிடப்பட்ட இராணுவ வளையத்தை நீக்க வேண்டும்.

அமைதிப் பேச்சு வார்த்தையின்போது கையெழுத்திட்ட ஒப்பந்த விதிகளில் எதுவொன்றையும் செயல்படுத்தாத ரணில் விக்கிரமசிங்கேயும், அதன் பின் வந்த ராசபக்ஷேயும் போர் நிறுத்த ஒப்பந்தத்தை கிழித்தெறிந்தபோது, சமாதானம் பேசிய உலக நாடுகள் ஒப்புக்குத் தானும் இதனைக் கண்டிக்கவில்லை. அமைதி ஒப்பந்தம் நடைமுறையிலிருந்த காலத்தில் சீனா, பாகிஸ்தான், இந்தியா, அமெரிக்கா என்று பலரிடமிருந்தும் ஆயுதங்களை வாங்கிக் குவித்துப் படைகளை வலுப்படுத்திக் கொண்டிருந்தார் ரணில் விக்கிரமிசிங்கே. கருணாவை வளைத்துப் போட்டார். ``நீங்கள் பெறுகிற வெற்றிகளுக்கெல்லாம் அடித்தளமிட்டவன் நான்`` என்று வெளிப்படையாக ரணில் உரிமை கொண்டாடுகிறார் என்றால், அவர் அமைதியாய் இருந்து அரங்கேற்றிய இனவெறியன்; ராச பக்ஷே கொக்கரிக்கும் இன வெறியன். தடாலடித் தாண்டவம் நடத்தும் ஜெயலலிதாவை அடையாளம் கண்டு கொள்வதினும் தடவிக்கொடுத்து கழுத்தறுக்கும் கலைஞரை அடையாளம் காணுவதுதானே தமிழகத்துக்கு கடினமாக இருக்கிறது. வஞ்சகனை வீழ்த்துவது முதற்கடமையென முடிவுகொண்டு புலிகள் ரணிலை வீழ்த்தினார்கள். உண்மையின் இந்தப் பக்கத்தை காணாமல் ``ரணில் விக்கிரமிசிங்கேக்கு ஓட்டுப்போடவேண்டாமெனச் சொல்லி ராசபக்ஷே பெற்றி பெற வழிவகுத்தனர் புலிகள்`` என ஓட்டாண்டித்தனமான வாதத்தை முன்வைக்கிறார் அ.மார்க்ஸ்

``பிற இயக்கங்களை அழித்தது, கருத்துரிமையைப் பறித்தது, கிழக்கு மாகாணத்தவர் எல்லோரையும் அந்நியப்படுத்தியது, ராஜிவ்காந்தி கொலை மூலம் இந்திய அரசை நிரந்தரப் பகையாக்கிக் கொண்டது`` - புலிகள் மீது அ.மா.பட்டியலிடும் குற்றங்கள் இவை..
இந்தச் சகோதரக் கொலைகள் பற்றி நான் நிறையவே விளக்கியிருக்கிறேன்.

``போராளிக் குழுக்களுக்குள்ளே மோதலையும் சாதலையும் ஏற்படுத்திய இந்தியப் புலனாய்வுத் துறையான ரா (சுஹறு) மாநிலஅரசுகளுக்கும் மத்திய அரசுக்குமிடையில் மோதலை உண்டாக்க முயற்சிகள் செய்கிறது`` என 1990-ல் சட்டமன்றத்தில் முதலமைச்சர் கருணாநிதி பேசினார். சட்டமன்றப் பதிவு பொய் பேசாது. அதை ஒருபக்கம் தள்ளிவிட்டு சகோதரக் கொலை என வாயிலும் மாரிலும் அடித்தபடி கலைஞர் புலம்புவதை புரிந்து கொள்ள இயலும். அவர் அரசியல்வாதி. அதே பாணியில் அ.மார்க்ஸ்ம் பேசினால் அவரை எந்தக் கணக்கில் சேர்ப்பது?

இந்திய அமைதிப் படையிடம் புலிகள் ஆயுதங்களை ஒப்படைத்துக் கொண்டிருக்கிற நிகழ்வு நடந்துகொண்டிருக்கிற போது, இன்னொரு பக்கத்தில் டெலோ, ஈ.பி.ஆர். எல்.எப் ஆகிய இயக்கங்களுக்கு ராணுவம் மூலம் ஆயுதங்கள் வழங்கும் நிகழ்வை `ரா` (RAW) நடத்திக் கொண்டிருந்தது. புலிகளின் ஆயுத ஒப்படைப்பு தொலைக்காட்சிகளில் காட்டப்பட்டபோது, `இ.பி.ஆர்.எல்.எப்` `டெலோ` போன்ற இயக்கங்களுக்கு ஆயுதங்களை வழங்கி ரா(RAW) நடத்திய இன்னொரு கூத்து ஒளிபரப்பாகவே யில்லை. சில நாட்கள் கடந்து புலிகளிடமிருந்து பெற்ற ஆயுதங்களையும் டெலோ, ஈ.பி.ஆர்.எல்.எப் போராளிக் குழுக்களுக்கு ரா வழங்கியது. சுயமான நிலைபாடுடைய புலிகளை அமுக்கி அழித்து விடுவதும், சரணாகதி நிலையுடைய பிற குழுக்களுக்கு ஆதரவு தந்து வளர்த்து விடுவதும் ராவும் இந்திய ராணுவமும் அன்றைக்கு பிரதான பணிகளாக மேற்கொண்டன. இந்திய அமைதிப்படையின் தளபதி கர்னல் உறர்கரசத்சிங் Intervention in Srilanka என்ற நூலில் இதை தெளிவுபட எழுதியுள்ளார். இதையெல்லாம் அ.மார்க்ஸ் போன்றவர்கள் படிக்க வேண்டும் . இது போன்ற நூல்களை மனச்சாட்சி அறியவே ஒதுக்கி வைத்து விட்டு, மற்றைய செய்திகளையெல்லாம் எடுத்து மடியில் வைத்துக் கொள்கிறார்கள்.

.அகமுரண்பாடுகளைத் தீர்த்துக் கொள்ளும் அனைத்துக் கதவுகளையும் அடைத்தது விடுதலைப் புலிகள் மட்டுமேயல்ல. மற்ற போராளி இயக்கங்களும் தான்.

`` போராட்டம் உக்கிரம் அடைந்த ஒருகால கட்டத்திலே ,ஒரு பக்கம் போராட்டம் உக்கிரமமாக நடைபெற்றுக் கொண்டிருக்கிறபோதே இன்னொரு பக்கம் இந்திய அரசுக்கு இந்த இளைஞர்கள் முழுமையாக அடிபணிந்தார்கள். ஒட்டுமொத்த இயக்கங்களின் ஆயுதபலத்தை மட்டுமல்லாமல் அவர்களின் போராட்ட நெறிகளையும் தீர்மானிக்கும் சக்திகளாக `ரா` (RAW) அதிகாரிகளும் இந்திய ராஜதந்திரிகளுமே விளங்கினர். அனைத்துப் பெரிய இயக்கங்களுமே அப்பாவி மக்களைக் கொலைசெய்தனர். எல்லோரும் எல்லோரையும் கொலை செய்தனர். சுகோதர இயக்கங்கள் மீதும் படுகொலை நிகழ்த்தினார்கள்.`` -- தீராநதி அக்டோபர் 2008 - ஷோபா சக்தியின் நேர்காணல் ஒப்புதல் வாக்குமூலமே இந்த அகமுரண் கொலைகள் எதனால், யாரால் நிகழ்ந்தன என்பதற்குச் சாட்சி.

எல்லா குழுவும் இந்திய உளவுத்துறையின் கையடக்கமாய் மாறிச் செயல்பட்ட காலத்தில் (1985) விடுதலைப் புலிகள் இயக்கம் மட்டுமே இந்திய அதிகாரச் சதிகளுக்கு எதிராக நின்று போராடியது. இன்றைய பொழுதில் விடுதலைப் புலிகள் முன்னணிப் படையாகவும் தமிழ்த் தேசியக் கூட்டமைப்பு நாடாளுமன்ற உறுப்பினர்கள் அதன் அரசியல் தளத்தினராகவும் ஆகியுள்ளனர்.

ராஜிவ்காந்தி,ஜெயவர்த்தன ஒப்பந்தம் எமது மக்களுக்கு எதிரானது என புலிகள் அதை ஏற்கவில்லை. மற்ற ஆயுதக் குழுக்கள் ஏற்றுக்கொண்டு ராவுடனும் இந்திய ராணுவத்தினுடையவும் கையாட்களாகவும் மாறினார்கள். மற்ற குழுக்களை ஆயுதக் குழுவாக மட்டுமே வைத்திருப்பது இந்திய அரசுக்கு உகந்ததாக இருந்தது.

ராஜிவ் காந்தி கொலை பற்றி அகில இந்திய காங்கிரசார்,கலைஞர்,சாதாரண மக்கள் போன்றோரின் பொதுப்புத்தியின் தடத்திலேயே அ.மார்க்ஸ்&ம் பயணிக்கிறார். நரசிம்மராவைப் பிரதமராக்குவதற்காக அவருடைய நெருங்கிய நண்பரான சந்திராசாமி,விடுதலைப் புலிகளிலிருந்து வெளியேறிய ஒரு பிரிவினைரைக் கைவசப்படுத்தி நடத்திய அரசியல்கொலை அது என்பது இப்போது வெளியாகியிருக்கிறது. ராஜிவ் கொலை வழக்கில் துhக்குத் தண்டனை பெற்று, பின்னர் உச்ச நீதிமன்றம் சென்று விடுதலை பெற்றவர் பெங்களூரு ரங்கநாத். ராஜிவ் கொலையாளிகளுக்கு தன் வீட்டில் அடைக்கலம் கொடுத்தவர். ,கொலையாளிகள் விடுதலைப் புலிகள் அல்ல; ,விடுதலைப் புலிகளிடம் பயிற்சி பெற்று பின்னர் பிரிந்தவர்கள் என்பது பற்றி- அவர்கள் சந்திராசாமியிடம் அடிக்கடி தொலைபேசியில் உரையாடியது பற்றி- அடைக்கலம் கொடுத்த பெங்களூர் ரங்கநாத் இந்த உண்மைகளைத் சோனியா காந்தியிடம் தெரிவித்தார். சோனியா காந்தி அதை டேப்பில் பதிவு செய்து கொண்டது பற்றி - காங்கிரசின் மூத்த தலைவரே தன் கணவரைக் கொன்றார் என்ற உண்மையை வெளியிட்டால் காங்கிரசுக்குக் கேவலம் என சோனியா அமைதிகாப்பது பற்றி - குமுதம் ரிப்போர்ட்டர் விவரமாக வெளிப்படுத்தியுள்ளது. (குமுதம் ரிப்போர்ட்டர்25.12.2008)

புலிகளின் எல்லாவிதமான மனித உரிமை மீறல்களையும் வெளிப்படையாகவோ மௌனமாகவோ ஆதரிக்கும் நிலையை புலிகளின் முகவர்கள் மேற்கொண்டனர் என்று பூனைக்குட்டியை எந்தத் தெருவில் எங்கு கொண்டு போய்விட்டாலும் , அது சொந்த வீட்டிற்கு வந்து நிற்பது போல் மீண்டும் புலிகள் எதிர்ப்பு என்ற புள்ளியிலேயே வந்து இறங்கி நிற்கிறார் அ.மார்க்ஸ்.

இந்திய விடுதலைப் போராக இருக்கட்டும், ருசியப் புரட்சியாக இருக்கட்டும். எத்தனை குழுக்கள், எத்தனை அணுகுமுறை,எத்தனை உள் அழிப்புகள், ஒழிப்புகள், எதுவுமே வரலாறு தெரியாதவர்கள் போல் வைக்கிற இத்தகைய வாதம் தன்னுடைய ஒரு சார்பு நிலைப்பாட்டை நியாயப்படுத்த இவர்கள் எந்தச் சூழலிலும் எதுக்காகவும் எத்தகைய நிலைக்கும் போவார்கள் என்பதைக் காட்டுகிறது. தமிழ்நாட்டில் கருத்தாக்கங்களை உருவாக்குகிற அறிவு ஜீவிகள் பலரும் `சோ` வின் தரத்தைத் தாண்டியவராக இல்லை என்பதுதான் அறிவுலக அவலம்.

1983 கருப்பு ஜுலை என்றழைக்கப்படும் இனப் படுகொலையின்போதும், அதன் பின்னரும், சிந்திய குருதியை நினைவு கூறும் `நெடுங்குருதி` என்னும் நிகழ்வு பாரிஸில் நடந்தது.. நெடுங்குருதி நிகழ்வுக்கு முன்னால் அதன் ஏற்பட்டாளரின் மீது துப்பாக்கிச் சூடு நடத்தப் பெற்றது. இந்த செய்தி கேள்விப்பட்டு, நிகழ்ச்சியில் பங்கேற்க ஒப்புதலளித்திருந்த பலர் அதிலிருந்து விலகிக் கொண்டனர். துப்பாக்கிச் சூட்டுக்குப் பின்னும் அ.மார்க்ஸ் அந்த நிகழ்வில் கலந்து கொண்டார். கருத்து முரண்பாடுகளைத் தீர்த்துக் கொள்வதற்கு துப்பாக்கியும் வன்முறையும் வழியல்ல என்று பேசிவருகிறவர் அ.மார்க்ஸ்

``வன்முறைக்கு எதிராகவும் மனித உரிமைக்காகவும் இந்தியாவில் பேசி வருகிற நீங்கள் எந்தத் தார்மீக அடிப்படையில் நெடுங்குருதி நிகழ்வுக்கு முன்னான ஏற்பாட்டாளரின் துப்பாக்கிச் சூட்டுக்குப் பின்னும் அந்தக் கூட்டத்தில் கலந்து கொண்டீர்கள்`` -- என அ.மார்க்ஸ்க்குத் திறந்த கடிதம் - என்று பாரிஸிலிருந்து அசோக் எழுதிய கடிதத்துக்கு (தீராநதி நவம்பர் 2008) அ.மா. விடமிருந்து இதுவரை பதிலில்லை. பேசாப் பொருளைப் பேசத் துணிந்தேன் என்று தொடர்ந்து எழுதி வருகிறவருக்கு இதற்குப் பதில் பேசும் துணிவு வரவில்லை.

``புலிகளின் எல்லாவித மனித உரிமை மீறல்களையும் வெளிப்படையாகவோ மௌனமாகவோ ஆதரிக்கும் புலிகளின் முகவர்கள்`` என்று உரத்துப் பேசும் அ. மார்க்ஸ் இந்த துப்பாக்கிச் சூட்டு வன்முறைக்கு பதில் பேசாது தந்திரமாக ஒதுங்கிக் கொள்வது ஏன்? இந்தக் கள்ள மௌனம் எதன் பொருட்டு ?

மார்க்சிஸ்ட் கம்யூனிஸ்ட் கட்சியை அ. மார்க்ஸ் அளவுக்கு விமரிசித்தவர் எவரும் இல்லை. இன்று ஈழவிடுதலைப் போராட்டத்துக்கும் விடுதலைப் புலிகளுக்கும் எதிராய்க் கருத்துத் தெரிவிக்க அவர்களுக்கு தேர்தல் நேரத்தில் ஒரு முகவர் தேவையை அ.மார்க்ஸ் பூர்த்தி செய்கிறார்.. ஈழ விடுதலைப் போராட்டத்துக்கு எதிராய் பரப்புரை செய்ய ஒரு ஆள் கிடைத்து விட்டதில் அவர்களுக்கும் பெருமகிழ்ச்சி. முன்னர் ஏன் மார்க்சிஸ்டுகளை விமர்சனம் செய்தார், இப்போது ஏன் மாற்றிக் கொள்கிறார் என்ற கேள்விகளுக்கு இவரிடம் பதில் வராது. ஏனெனில் விவாதங்களை வடிவமைக்கிற அறிவாளிகளுக்கு சுயவிமர்சனம் கைகூடி வருவதில்லை .

மார்க்சிஸ்டு கம்யூனிஸ்டுகளும் இந்திய அரசும் பூமிப்பந்தின் எந்த மூலையில் மனித உரிமை மீறல் நிகழ்ந்தாலும் எகிறி, எகிறிக் குரல் கொடுப்பார்கள்; தமக்கருகே ஒரு இனம் கொல்லப்பட்டாலும், தமிழினம் என்ற அடையாளமே இல்லாமல் செய்கிற பாதகத்தைக் கண்ட பின்னும், முகவாட்டமோ, சிறுமுணகலோ கொள்ளாமல் தம்வழி போவார்கள்.

ஈழத் தமிழிர் கழுவேற்றப்பட்டிருக்கும் வேளையில் அவர்களின் தீராத துயரத்துக்கு தீர்வு காண்பது நம் முதற்பணி. கழுவேற்றும் கரங்களை முறித்து அகற்றுவது அந்தப் பணி. விடுதலைப் போரினை வென்று காட்டுதல் அந்த மக்களுக்கு சுவாசிக்க கொஞ்சம் வெளியைத் தரும் என்ற கடமை செய்ய வேண்டிய நேரத்தில், அக முரண்பாடுகளை அலசி சரி செய்ய முயலுவோம் என வம்படித்துக் கொண்டிருப்பது போகாத ஊருக்கு வழிகாட்டுகிற கதை. ராசபக்ஷேயும், சிங்கள இனவெறியர்களும், கருணா போன்ற கயவாளிகளும் எந்த ஊருக்குப் போகவேண்டுமென்று நினைக்கிறார்களோ, அந்த இடத்துக்கு கைத்துணையாய் அழைத்துப் போக காங்கிரசாரும், இடது கம்யூனிஸ்டுகளும் போதுமே.

பிரான்சில் சீக்கியர்கள் தலைப்பாகை அணிவது (டர்பன்) தடை செய்யப்பட்டிருக்கிறது. பிரான்ஸ் அதிபர் நிகோலஸ் சார்கோசி இந்தியா வரும்போது இதுபற்றி அவரிடம் பேசி தடையை நீக்க வேண்டுமென்று சீக்கிய அமைப்புக்கள், பிரதமர் மன்மோகன் சிங்கை கேட்டுக் கொண்டிருந்தன. சனவரி 25ந் தேதி டெல்லி வந்த சார்கோசியிடம் மன்மோகன் சிங் தலைப்பாகை பிரச்னை குறித்துப் பேசினார். மன்மோகன்சிங் உடல்நிலை குன்றி, மருத்துவ மனையிலிருந்த நேரம் அது. ``சில சூழ்நிலைகள் தவிர (கல்வி நிலையங்கள் போன்றவை) மற்றபடி சீக்கியர்கள் தலைப்பாகை அணியத் தடையில்லை; இருந்தாலும் அதையும் பரிசீலப்பதாக`` சார்கோசி தெரிவித்தார்.

ஒரு தலைப்பாகைப் பிரச்னை. தலைபோகும் பிரச்னையாக எடுத்துக்கொண்டு, அதுவும் உடல்நலிவுற்ற வேளையிலும் பிரதமர் பேசுகிறார் என்றால் அது தன் இனத்தின் பிரச்னை என்பதாலே பேசினார். ஆனால் `கிபீர்` விமானங்களின் குண்டுமழை வீச்சால் ஆயிரக்கணக்கில் தமிழ்த்தலைகள் ஈழத்தில் சிதறுகிறபோது வாய் திறக்கவேயில்லை. . மன்மோகன் என்பவர் இந்தியாவின் அடையாளம். மன்மோகன் சிங்குகள், பிரணாப் முகர்ஜிகள், பிரதமராகவோ அமைச்சர்களாகவோ இருக்கலாம். தமிழர்களுக்காகவா என்ற கேள்வி எழுந்து, தொடர்ந்துகொண்டே செல்கிறது.

தமிழீழ மக்கள் பற்றியோ அவர்கள் விடுதலைபற்றியோ எந்த அக்கறையுமற்று, எந்த நேரத்தில் எந்த விமரிசனத்தை முன்னிறுத்த வேண்டுமென்று காலம் பற்றிய கரிசனையில்லாமல் செயல்பாடுகளை அமைத்துக் கொள்கிற அ.மார்க்ஸ் என்ற சகல தளச் சிந்தனையாளர் ஒருவரின் வீழ்ச்சியை நாம் சந்திக்க வேண்டிய அவலம் நேர்ந்துள்ளது.

வெளியீடு
பா. செயப்பிரகாசம்
சு – 36. இளங்கோ தெரு
எம்.எம்.டி.ஏ குடியிருப்பு
அரும்பாக்கம், சென்னை 600106.
பேசி:- 94440 90186

ஞானியிடம் கற்ககூடாதது...

2009-02-28T22:41:00.004-05:00

சென்ற வார குமுதத்தில் பேச பொருளை பேச துணியும் ஞானி 'ரஹ்மானிடம் கற்போம்' என்ற தலைப்பில் ஒ பக்கத்தில் ரஹ்மானை பாராட்டி எழுதுகிறேன் பேர்வழி என்று பேசக்கூடாத பொருளை பேசி தொலைத்து இருக்கிறார்... ரஹ்மானிடம் கற்பதற்கு நிறைய விஷயம் இருக்கிறது மாற்று கருத்து இல்லை... அவரை புகழ்வதிலும் மாற்று கருத்து இல்லை.. இன்னும் கூட புகழலாம்... முழுத்தகுதியானவர் அவர்..

நம் பிரச்சனை அதுவல்ல... ரஹ்மானை புகழும் சாக்கில் இளையராஜாவை தேவையில்லாமல் இழுத்து கேவலப்படுத்தி இருக்கிறார்...ஒருவரை புகழும் போது மற்றவரை ஒப்பிட்டு இகழக்கூடாது என்ற இங்கிதம் தெரியாமல் எழுதி இருக்கிறார் அஞ்ஞானி... தெரியாமல் எழுதிருக்கிறார் என்று சொல்ல முடியாது எல்லா உலக வியாகியானங்களும் தெரிந்தவருக்கு இது தெரியாதா???.. அக தெரிந்தே எழுதி இருக்கிறார்...

அரசியல்வாதிகள் தரம் தாழ்ந்து விமர்சனம் செய்கிறார்கள் என்று அவர்களை குற்றவாளி கூண்டில் நிறுத்தும் உத்தமர் ஞானியார் இன்று அதே குற்றவாளி கூண்டில் நிற்கிறார்..

சரி எழுதியவர் இளையராஜாவின் இசையை விமர்சனம் செய்திருக்கலாம்... அவரின் பாடல்களை விமர்சித்து இருக்கலாம்... அதை விடுத்து அவரின் சொந்த வாழ்கையின் சில செயல்களையும், அவரின் ஆன்மீக வாழ்க்கையையும் விமர்சித்திருக்கிறார் இந்த கருத்துரிமை நாயகன் ஞானி... அவரது ஆன்மிகம் நடிப்பாம்... அதை வைத்து பணம் சம்பாதிக்கிறாராம் இளையராஜா... என்ன கண்டுபுடிப்பு பாருங்கள்...

என் பாட்டு என் பாட்டு நெஞ்சில் இருக்கும் பூங்காத்து, ராஜா ராஜாதி ராஜன் இந்த ராஜ என்று வரும் இளையராஜா இசையமைத்த பாடல்கள் அவரின் புகழை பரப்புப்ப அவர் செய்த வேலை என்கிறார் தன்னை தானே ஞானி என்று பட்டம் சூடி கொண்ட 'ஷங்கரன்...' மன்னிக்க'....சங்கரன்'...

கர்வம் இல்லாதவராம் ரஹ்மான்... மகிழ்ச்சி... அதை சுட்டிக்காட்டும் ஞானி கூடவே இளையராஜாவின் தலைகனத்தையும் சுட்டிக்காட்டுகிறார்... இதை விட அசிங்கமான பாராட்டு ரஹ்மானுக்கு யாரும் குடுத்திருக்க முடியாது...

ரஹ்மான் தான் அவருடன் வேலை பார்த்த இசை கலைஞரை முன்னிலை படுத்தியவராம் இளையராஜா அப்படி செய்வதில்லையாம்... தமிழ் திரை படங்களில் இசையை முன்னிலை படுத்தியதே இளையராஜா என்பதை தெரிந்ததே மறந்துவிடுகிறார்.. மறைத்துவிடுகிறார்...

ரஹ்மான் எப்படி வெறுப்பை விடுத்து அன்பை தேர்ந்தெடுத்தாரோ அதே போல் இளைஞர்களும் அன்பை தேர்தெடுக்க அறிவுரை கூறி இருக்கிறார். அந்த அறிவுரையை முதலில் அவர் தான் பின்பற்ற வேண்டும்... இளையராஜா என்ற கலைஞன் மேல் இருக்கும் தனிப்பட்ட வெறுப்பை அவர் முதலில் விடுக்க வேண்டும்...

இந்த நாளுக்காக பல நாள் காத்து இருந்திருக்கிறார் போல ஞானி, அவர் எழுத்துகளில் தெரியும் வஞ்சகம் அதை நன்றாக காட்டுகிறது...

இதற்க்கு காரணம் ஞானியின் மனதில் என்றும் இருக்கும் ஆதிக்க சாதி மனோபாவம் என்று நான் கூறினால் ஞானியின் ஞானகுஞ்சுகள் என்னோடு சண்டைக்கு வருவார்கள் அகவே நீங்களே முடிவு செய்துகொள்ளுங்கள்... நண்பர்களே...

ஒன்று மட்டும் நண்பர்களே, இளைஞர்களே... நாம் ரஹ்மானிடம் அன்பு செலுத்துவதை கற்கிறோமோ இல்லையோ ஞானியின் இந்த தனிமனித வெறுப்பை, ஆதிக்க புத்தி மனோபாவத்தை, ஒருவரை பாராட்டும் பொது இன்னொருவரை தரம் தாழ்ந்து விமர்சிப்பதை நாம் கற்க கூடாது...அது தான் சாரம்..

வலைப்பதிவுகளுக்கு வாய்ப்பூட்டு? -- ரவிக்குமார் சட்டமன்ற உறுப்பினர்

2009-02-28T00:15:00.005-05:00

தொழில்நுட்ப முன்னேற்றம் சுதந்திரத்தின் எல்லைகளை விரிவடையச் செய்வதை நாமெல்லாம் அறிவோம். இணைய வசதி வந்தபிறகு தனிமனித சுதந்திரத்தின் எல்லை, தேச எல்லைகளையெல்லாம் கடந்து விரிந்துவிட்டது. இணைய வசதி ஏராளமான தகவல்களை விரல்சொடுக்கும் நேரத்தில் நமக்கு கொண்டுவந்து சேர்ப்பது மட்டுமல்ல, நம்முடைய எண்ணங்களை அதே வேகத்தில் உலகெங்கும் கொண்டு சென்று சேர்ப்பதற்கும் உதவியாக இருக்கிறது.

ஊடக நிறுவனங்கள் ஏராளமாக பெருகிவந்தாலும், தனி மனிதர்கள் தங்களுடைய எண்ணங்களை வெளிப்படுத்துவதற்கு அவற்றில் போதுமான வாய்ப்பு கிடைப்பதில்லை. நாளேடுகளை எடுத்துக்கொண்டால் வாசகர் கடிதம் என்ற வாய்ப்பின் மூலம் மட்டும்தான் ஒரு தனிமனிதர் தன்னுடைய கருத்தை வெளிப்படுத்த முடியும். தொலைக்காட்சி ஊடகங்களை எடுத்துக்கொண்டால், அவற்றின் விரும்பிய பாட்டைக் கேட்ப தற்கு டயல் செய்து பேசலாமேயழிய தங்களுடைய கருத் துக்களை தனிநபர் ஒருவர் வெளிப்படுத்த முடியாது. இந்த நிலையில்தான் இளம் தலைமுறைக்கு வரப்பிரசாதமாக வந்திருக்கிறது இணையம்.

இணைய வசதியைப் பயன்படுத்தி ஏராளமான வர்கள் தமக்கான தனிப் பட்ட வலைப்பதிவுகளை இன்று உருவாக்கியிருக்கி றார்கள். இதுவரையி லான ஊடகங்களில் வெளிப்படுத்த முடியாத கருத்துக்கள், எழுத முடியாத விஷயங்கள், விவாதிக்க முடியாத பிரச் னைகள் ஆகியவற்றை முன்வைப்பதற்கும், மற்றவர்களோடு பகிர்ந்து கொள்வதற்கும் இந்த வலைப்பதிவுகள் வசதி ஏற்படுத்தித் தந்திருக்கின்றன. அந்த வகையில் நம்முடைய அரசியலமைப்புச் சட்டம் வகுத்துத் தந்துள்ள தனிமனித உரிமைகளின் விளக்கத்தை இந்த வசதி விரிவுபடுத்தியிருக்கிறது, வலுப்படுத்தியிருக்கிறது. இந்த வலைப்பதிவுகள் இன்று அரசியல் பிரச்னை களிலும் தாக்கத்தை ஏற்படுத்தி வருகின்றன.
அண்மையில் மங்களூரில் ஒரு 'பப்'பில் புகுந்து ஸ்ரீராம் சேனா தொண்டர்களால் பெண்கள் தாக்கப்பட்ட சம்பவத்தைத் தொடர்ந்து அந்த அமைப்பின் தலைவருக்கு 'பிங்க்' நிற ஜட்டிகளை அனுப்பி வைக்கவேண்டும் என்ற போராட்டம் வலைப்பதிவின் மூலம்தான் நடத்தப்பட்டது. அது பெரிய அரசியல் சர்ச்சையை உண்டுபண்ணியது. இப்படி பல அரசியல் முக்கியத்துவம் வாய்ந்த பிரச்னைகள் இன்று வலைப்பதிவுகளில் அலசப்படுகின்றன. ஈழத்தமிழர்கள்மீது ஏவப்பட்டுள்ள இனப்படுகொலையை எதிர்த்தும், அங்கு நடத்துகொண்டிருக்கும் போரை நிறுத்த வலியுறுத்தியும்கூட ஏராளமான வலைப்பதிவுகள் இப்போது உருவாக்கப்பட்டுள்ளன. இத்தகைய பிரச்னைகளை உலக அளவில் எடுத்துச் செல்வதற்கு இன்று மற்ற ஊடகங்களைவிட இணையமே மிகவும் உதவியாக இருக்கிறது. இந்த நிலையில் உச்ச நீதிமன்றம் வழங்கியுள்ள தீர்ப்பு இத்தகைய வலைப்பதிவுகளுக்கு வாய்ப்பூட்டு போட்டுவிடுமோ என்ற அச்சத்தை ஏற்படுத்தியிருக்கிறது.

கேரளாவைச் சேர்ந்த அஜித் என்ற பத்தொன்பது வயது இளைஞர் ஆர்குட் இணையதளத்தில் சிவசேனாவுக்கு எதிரான குழு ஒன்றை ஏற்படுத்தினார். அந்த குழுவில் தன்னுடைய கருத்துக்களை வெளியிட்டு ஒரு பதிவை அவர் துவக்கியிருக்கின்றார். 2008-ம் ஆண்டு துவக்கப்பட்ட அந்த விவாதப் பதிவில் ஏராளமானவர்கள் பங்கேற்று தங்களுடைய கருத்துகளை தெரிவித்திருக்கிறார்கள். இதைப் பார்த்து கோபமடைந்த சிவசேனா கட்சியின் இளைஞர் பிரிவைச் சேர்ந்தவர்கள் அஜித் மீது மகாராஷ்டிரா மாநிலம் தானே காவல்நிலையத்தில் புகார் ஒன்றை அளித்திருக்கிறார்கள். அதனடிப்படையில், அஜித் மீது செக்ஷன் 506, 295-ஏ ஆகிய பிரிவுகளின்கீழ் வழக்குப்பதிவு செய்யப்பட்டுள்ளது. பொதுமக்களின் உணர்வுகளை புண்படுத்திவிட்டதாக அவர் மீது குற்றம் சாட்டப்பட்டுள்ளது. உடனே, அஜித் கேரள உயர் நீதிமன்றத் தில் முன்ஜாமீன் பெற்றுவிட்டார். அதோடு நில்லாமல், இந்த வழக்கை ரத்து செய்யுமாறு ஆணையிடக்கோரி உச்ச நீதிமன்றத்தை அணுகினார்.
வழக்கை விசாரித்த உச்ச நீதிமன்ற தலைமை நீதிபதி கே.ஜி.பால கிருஷ்ணன் மற்றும் சதாசிவம் ஆகியோர் அடங்கிய பெஞ்ச் இதுகுறித்து உத்தரவு ஒன்றை பிறப்பித்திருக்கிறது. அஜித் மீதான வழக்கை ரத்துசெய்ய முடியாது என்று குறிப்பிட்டுள்ள நீதிமன்றம், அஜித் கம்ப்யூட்டர் சயன்ஸ் படிக்கும் மாணவர். இணைய வசதிகளை மக்கள் எவ்வாறு பயன்படுத்துகிறார்கள் என்று நன்றாக அவருக்கு தெரிந்திருக்கும். ஆகவே, இப்படியான வலைப்பதிவுகளில் வெளிப்படுத்தப்படும் கருத்துகளைப் பற்றி எவரேனும் புகார் செய்தால், அத்தகைய புகார்களை அவர் எதிர்கொண்டுதான் ஆகவேண்டும். எனவே, முறையாக நீதிமன்றத்துக்குச் சென்று தன்னு டைய பதிலை அஜித் தெரிவிக்கட்டும் என்று கூறிவிட்டது.

உச்ச நீதிமன்றத்தின் இந்த உத்தரவு இப்போது மிகப்பெரிய விவாதத்தை கிளப்பியிருக்கிறது. இணைய தளம் என்பது ஒரு பொது அமைப்புதான் என்றாலும், அதை நாடிச்சென்று பயன்படுத்து கிறவர்கள் மட்டுமே அதில் தெரிவிக்கப்பட்டிருக்கும் கருத்துகளை அறிந்துகொள்ள முடியும். வலைப்பதிவுகளை எடுத்துக்கொண்டால், அதுவும்கூட எல்லோரும் பார்க்கக்கூடியனவாக இருக்கவில்லை. சில வலைப்பதிவுகளுக்குச் சென்று பார்க்கவேண்டுமென்றால், முதலில் பதிவு செய்ய வேண்டும் என்ற நிபந்தனை இருக்கிறது. வலைப்பதிவுகளில் ஒருவர் தன்னுடைய கருத்தை வெளிப்படுத்துவது மட்டுமன்றி, பல்வேறு நபர்களும் அதில் கலந்துகொண்டு விவாதங் களை நடத்துகிற வாய்ப்பு இருப்பதால் அந்த வலைப்பதிவின் உள்ளடக்கமானது ஒரு நபருக்கு சொந்தமாக இருப்பதில்லை. ஒரு விவாதத்தில் பங்கேற்கிற எல்லோருடைய கருத்துகளுக்கும் அந்த வலைப்பதிவை நடத்துகிறவர் பொறுப்பேற்க வேண்டும் என்று கூறுவது சரியாக இருக்குமா? இந்தக் கேள்வியைத்தான் இன்று இணைய ரசிகர்கள் எழுப்புகின்றனர்.

பத்திரிகைகளில்கூட பலர் தங்களுடைய கருத்துகளை தெரிவிப்ப தற்கு ஆசிரியருக்குக் கடிதங்கள் பகுதியிலே வாய்ப்பளிக்கப்படுகிறது. அவற்றை அந்தப் பத்திரிகையின் ஆசிரியர் தேர்ந்தெடுத்து போடுகிறார். ஆனாலும், அந்தக் கருத்துகளை பத்திரிகையினுடைய தலையங்கத்துக்கு இணையாக கருத முடியாது. அதைப்போலத்தான் ஒரு வலைப்பதிவை நடத்துகிறவரின் கருத்தையும், அதில் பங்கேற்கிறவர்களின் கருத்துகளையும் வேறுபடுத்திப் பார்க்கவேண்டியுள்ளது. இத்தகைய வலைப்பதிவுகளில், 'இதில் பங்கேற்கிறவர்களுடைய கருத்துக் கள் அவர்களுடைய சொந்தக் கருத்து கள்தானே தவிர, வலைப்பதிவை நடத்து கிறவரின் கருத்து அல்ல' என்று அதிலே அறிவிக்கப்பட்டிருக்கும். இதையும் மீறி அந்தக் கருத்துகளுக்கெல்லாம் விவா தத்தை துவக்கியவர்தான் பொறுப்பு என்று சொல்வது எந்தவிதத்தில் நியாயம்? அதேசமயம், வலைப்பதிவு தவிர்த்து பெரிய நிறுவனங்கள் நடத்தி வரும் இணைய தளங்களில் வெளியாகும் செய்திகளை 'நெறியாளுனர்' ஒருவர் தீவிரமாகக் கண்காணித்து ஆபாச கருத்துக்களோ, வன்முறை மற்றும் வேறு துவேஷ உணர்வுகளைக் கொண்ட கருத்தோ இடம்பெறும்போது உடனடியாக நீக்குவதும் நடக்கத்தான் செய்கிறது.

பொதுமக்களின் உணர்வுகள் புண்படுத் தப்பட்டுவிட்டதாக சொல்லித்தான் சிவசேனா கட்சியினர் இந்தப் புகாரை அளித்திருக்கிறார்கள். இதை அப்படியே நீதிமன்றம் ஏற்றுக்கொள்ளுமேயானால், இதே வாதத்தை முன்வைத்து எவர் மீது வேண்டுமானாலும், எவரும் வழக்கு தொடுத்துவிட வாய்ப்பு ஏற்பட்டுவிடும். சமூகத்தின் பிற்போக்கான கருத்துகளை சாடும்போதும்கூட இதேரீதியான குற்றச்சாட்டை ஒருவர் கூறிவிட முடியும். மக்கள் பின்பற்றிவரும் பல சடங்குகளை, திருவிழாக்களை இன்று நீதிமன்றமேகூட தலையிட்டு தடுக்க நேரிடுகிறது. உதாரணமாக, மனிதர்களின் தலையிலே தேங்காய்களை உடைத்து வழிபடுகிற வழக்கம், குழந்தைகளை பூமிக்குள் புதைத்து திரும்ப எடுக்கிற வழக்கம், தமிழகத்தின் வீரவிளையாட்டாக கருதப்படும் ஜல்லிக்கட்டு போன்ற வற்றை நீதிமன்றமே தலையிட்டு முறைப்படுத்தியுள்ளது. பொதுமக்கள் உணர்வு புண்படும் என்கிற வாதம் இங்கேயும்கூட எழுப்பப்படலாம். இந்த நாட்டில் உடன்கட்டை ஏறும் வழக்கம் தடைசெய்யப்பட்டபோதுகூட இதேவித வாதத்தைத்தான் அன்று எழுப்பினார்கள் என்பதை நாம் மறந்துவிடக்கூடாது.

பெண்களுடைய சுதந்திரம் தொடர்பான பல கருத்துக்களும் சமூகத்தில் புரையோடிப்போயுள்ள கருத்துகளுக்கு எதிராகவே இருக்குமென்பது யாவரும் அறிந்ததுதான். எனவே, அப்படியான பெண் உரிமை கருத்துக்களை சொல்பவர்களெல்லாம் இதேவிதமான குற்றச்சாட்டுகளுக்கு ஆளாக நேரிடும். அதுமட்டுமின்றி, பகுத்தறிவு சார்ந்த கருத்துக்களை முன்வைப்பவர்கள்மீதும் இப்படியான குற்றச் சாட்டுகளை எளிதாக சுமத்திவிட முடியும். எனவே, இந்தரீதியில் கருத்து சுதந்திரத்தை கட்டுப்படுத்துவது சமூகத்தை மிகவும் பிற்போக்கான நிலையில் வைத் திருப்பதற்குத்தான் உதவும்.
வலைப்பதிவுகள் தொடர்பான உச்ச நீதி மன்றத்தின் இந்த தீர்ப்பை மாற்றியமைக்கும்படி வலியுறுத்தவேண்டியது தனிமனித சுதந்திரத்தின்பால் அக்கறைகொண்டுள்ள அனைவருடைய கடமையாகும். வலைப்பதிவுகளில் வெளிப்படுத்தப்படும் கருத்துக்கள் முறைப்படுத்தப்பட வேண்டும் என்பது ஏற்கக்கூடிய ஒன்றுதான். ஆனால், அப்படியான முயற்சி தனிமனித கருத்து சுதந்திரத்திற்கு எதிரானதாக முடிந்துவிடக் கூடாது. பயங்கரவாதமும், அடிப்படை வாதமும் நம்முடைய நாட்டை அச்சுறுத்திக்கொண்டிருக்கிற இந்தச் சூழலில் கருத்து சுதந்திரத்தை ஒடுக்குவது அத்தகைய சக்திகளுக்குத்தான் ஊக்கமளிப்பதாக இருக்-கும். கருத்து சுதந்திரத்தைக் காப்பாற்ற களமிறங்க வேண்டியது அரசியல் கட்சிகளின் உடனடி கடமை யாகும். பொதுத்தேர்தல் நெருங்கிவிட்ட இன்றைய சூழலில் அரசியல் கட்சிகள் இதைப்பற்றி என்னநிலை எடுக்கப்போகின்றன என்பதை இந்தியாவின் இளைய சமுதாயம் எதிர்பார்த்துக் காத்திருக்கிறது!

மூலம் - ஜுனியர் விகடன் (Issue Date: 04-03-09)

அடுத்து நம்ம (பதிவர்கள்) போராட்டம் தான் தமிழ்நாட்டில் இருக்கும் என நம்புகிறேன்...நீங்க என்ன சொல்றீங்க... ??????

வெள்ளை மாளிகை முன் நடந்த தமிழர்களின் பேரணி - கண்ணொளி

2009-02-21T23:40:00.004-05:00

கடும் குளிரையும் பொருட்படுத்தாது வெள்ளை மாளிகை முன்னே சிங்கமென கூடிய தமிழ் கூட்டம் காண்...

சுதந்திர தமிழீழமே தீர்வு என விண்முட்ட முழங்கிய முழக்கம் கேள்...

எம் உறவுகளின் உயிர்காக்க போர் நிறுத்தம் உடனடியாக வேண்டும் என்று கதறிய கோரிக்கை பார்...

சரித்திர நாயகன் ஒபாமா எம் சரித்திரத்தையும் நிலைநாட்ட உதவுங்கள் என்று வேண்டிய வார்த்தைகள் கேள்...

"தமிழர்களின் தாகம் தமிழீழ தாயகம்...."

ஈழ மக்கள் துயர்துடைக்க கோரி உயிர்நீத்த சீர்காழி ரவிச்சந்திரன் வீடியோ...

2009-02-07T10:29:00.007-05:00

தொப்புள் கொடி உறவுகளை காக்க கோரிஇன்று (7-02-09) தஞ்சை மாவட்டம் சீர்காழியில் தீக்குளித்து உயிர்தியாகம் செய்த ரவிச்சந்திரனின் மரணம் குறித்த வீடியோ பதிவுகள்

உணர்வுள்ள தமிழனின் உயிர் தியாகத்தை காணுங்கள்...

சாகும் தருவாயிலும் தன்னை காப்பாததே.. ஈழத்தமிழனை காப்பாத்து என்று கூறும் உணர்வாளனை காணுங்கள்...

இன்னும் எத்தனை தமிழ் உயிர்கள் வேண்டும் மத்திய,மாநில அரசுகளுக்கு...?

எங்கடா போனிங்க...

2009-01-26T22:30:00.005-05:00

எங்கடா போனிங்க மனிதம் பேசுற மஹாத்மாக்களே...
எங்கடா போனிங்க அமைதி நிலைநாட்டும் ஆன்மாக்களே...
ஓர் சிங்கள பத்திரிக்கையாளனை கொலை செய்த உடன் கொதித்து போராடிய நல் உள்ளங்களே, எங்கள் உயிர்கள் அனாமத்தா போகும்போது எங்கடா போனிங்க..??
குழந்தைகள் நோயினால் கூட சாகக்குடாதுனு பல மருத்துவ திட்டம் வச்சிருக்கிற மாந்த நேயமிக்க நாடுகளே.. உங்க கண்ணுக்கு பிஞ்சு குழந்தைகள் கூட புலியா தெரியுதாடா?..
உலகெங்கும் மனித உரிமை பேசுகிற மானமுள்ள அறிவாளிகளே...அங்கே நசுக்கப்படும் குரல்வளையை பத்தி எந்த கவலையும் இல்லையா உங்களுக்கு..
எல்லா நாட்டு விடுதலைக்கும் ஓடி ஓடி போய் குரல் குடுக்குற நவீன சே குவேரக்களா... இபோ எங்கடா போனீங்க?..
காசாக்கு குரல் குடுக்குற கனவான்களே.... எல்லா உசுரும் போன பிறகு பால் ஊத்த தான் வருவீங்களாடா?.

போங்கடா நீங்களும் உங்க மனித நேயமும்...

ஈழத்தமிழர்களுக்காக ஆட்சியை இழந்தாரா கருணாநிதி..

2009-01-26T08:23:00.002-05:00

வணக்கம்...

சமீபத்தில் கருணாநிதி வெளியிட்ட அறிக்கையில் தான் இரண்டுமுறை ஆட்சியை ஈழத்தமிழர்களுக்காக ஆட்சியை இழந்திருக்கிறேன், மூன்றாவது முறையும் இழக்க தயார் என்று கூறி உள்ளார்...

பல முறை தன் ஆட்சி பறிக்கப்பட்டதை பற்றி கருணாநிதி புலம்புவதுண்டு, ஆனால் இம்முறை ஈழத்தமிழர்களுகாக ஆட்சியை இழந்தேன் என்று கூறியதால் அதை பற்றி அலச வேண்டிய கட்டாயத்திற்கு தள்ளபட்டிருக்கோம்...

1977:
முதன்முதலில் ஜனவரி திங்கள் 31 ஆம் தேதி திமுக ஆட்சி, கருணாநிதி இரண்டாம் முறையாக முதல்வராக இருந்த பொழுது நடுவண் அரசான காங்கிரசினால் கலைக்கப்பட்டது.. அதற்கான காரணத்தை பார்போம்.
1975 ஆம் ஆண்டு ஜூன் மாதம் இந்தியாவில் நெருக்கடி நிலை அறிவிக்கபடுகிறது.. அதற்க்கு அடுத்த நாளே திமுகவின் செயற்குழுவை கூட்டி கலைஞர் தலைமையில் "ஜனநாயகத்தை பாதுகாக்கிறோம் என்று கூறி சர்வாதிகார கொற்ற குடையின் கீழ் தர்பார் நடத்திட எடுக்கப்படும் முயற்சி நாட்டுக்கு ஏற்றதுதானா" என்று தீர்மானம் நிறைவேற்றபடுகிறது... பிரதமர் இந்திரா மிகவும் கோபம் கொள்கிறார். மேல் சபையில் நடந்த ஒரு விவாதத்தில் " இந்தியாவின் கட்டுபாடற்ற தீவாய் தமிழகம் இருப்பதாய்" அறிவிக்கும் அளவிற்கு திமுகவின் ஆட்சியின் மீது கடுமையாகிறார்.. இதை அடுத்து ஜனவரி 30 ஆம் தேதி அப்போதைய கவர்னர் ஆட்சியை பற்றி நல்லவிதமாய் எடுத்துக்கூறிய பிறகும் 31 ஆம் ஜனாதிபதி ஆட்சியை கலைக்கிறார்...

இதற்க்கு நடுவே எம்.ஜி.ஆர் 1972 ஆம் ஆண்டு திமுகவில் இருந்து நீக்கப்பட்டு புதிய கட்சி ஆரம்பித்து, 1973 யில் திண்டுக்கல் இடைதேர்தலில் அதிமுக அமோக வெற்றி பெறுகிறது. 1973 ஆம் ஆண்டே எம்.ஜி.ஆர் திமுக அமைச்சரவை மீதான் 54 ஊழல் புகார்களை கொண்ட பட்டியலை மத்திய அரசிடம் அளித்தார் அதன் அடிப்படையிலும் தான் நடவடிக்கை எடுக்கப்பட்டு ஆட்சி கலைக்கபட்டது.. மிசாவில் திமுகவினர் கைது செய்யப்பட்டனர். அதில் இருவர் மரணமடைந்தார்கள்..

திமுக ஆட்சி கலைக்கபட்டபின் நடந்த பாராளுமன்ற தேர்தலில் இந்திரா காங்கிரசுடன், அதிமுக கூட்டணி காண்டது. 1977 மார்ச் மாதம் நடந்த அத்தேர்தலில் பிற மாநிலத்தில் காங்கிரஸ் தோற்றாலும் தமிழ்நாட்டில் மிக பெரும்பான்மையாக வெற்றி பெற்றது... அதற்க்கு பின் நடந்த சட்டமன்ற தேர்தலில் எம்.ஜி.ஆர் இந்திரா காங்கிரஸ்யுடன் கூட்டணியில் இருந்து விலகிய பின்னும் வெகு வாக்குகள் வித்தியாசத்தில் அதே 1977 யில் வென்றார்...

72-இல் இருந்து 77-க்குள் தமிழ்நாட்டு அரசியலை ஆட்டிப்படைத்த இராஜாஜி, பெரியார், காமராசர் ஆகியத் தலைவர்கள் ஒருவர் பின் ஒருவராக மறைந்தார்கள். தமிழக அரசியலில் அவர்கள் இடத்தை இட்டு நிரப்ப அவர்கள் அளவிற்குத் தகுதி பெற்றத் தலைவர்கள் இல்லை. அந்த வேளையில் எம்.ஜி.ஆரா கருணாநிதியா என்ற கேள்விதான் மக்கள் முன்னால் வைக்கப்பட்டது. மக்கள் எம்.ஜி.ஆர் அவர்களை தேர்ந்தெடுத்தார்கள்..

அன்றைய காலகட்டத்தில் ஈழத்தில் ஆய்தபோராட்டம் ஆரம்பிக்கப்படவில்லை... அதே ஆண்டு அங்கேயும் தேர்தல் நடந்தது, தனி நாடுதான் தீர்வு என்று கூறி அமிர்தலிங்கம் தலைமையில் இருந்த "ஒருங்கிணைந்த தமிழர் விடுதலை முன்னணி" பெருவாரியாக வெற்றிபெற்றது.. இதுதான் நடந்தது... இதில் எங்கே ஈழப்பிரச்சனை வந்தது?...இதில் எந்த இடத்தில் கருணாநிதி ஈழபிரச்ச்னைக்கு பாடுபட்டார், குரல் குடுத்தார் ஆட்சி இழந்தார் என்பதை நாம் அறிய முடியவில்லை?...

1983 ஆம் ஆண்டு தான் இலங்கை இனப்பிரச்சினை தலைதூக்கிய சமயத்தில் அவரின் சட்டமன்ற உறுப்பினர் பதவியை ராஜினாமா செய்தார்.. யாரும் அவரை நிர்பந்திக்கவில்லை அவராகவே ராஜினாமா செய்தார்..அப்பொழுது வெளியிட்ட அறிக்கையில், "இந்தியா அரசு ராணுவத்தை அனுப்பி ஈழத்தமிழர்களை பாதுகாக்க தவறிவிட்டது, எத்தனையோ வெளிநாடுகளுடைய பிரச்னையை ஐக்கிய நாடுகள் சபை கவனத்திற்கு கொண்டு சென்ற ஈர்த்த இந்தியா இலங்கை தமிழர் பிரச்சனையில் பாராமுகாய் இருந்துவிட்டது, இபொழுது நண்பர் பழ.நெடுமாறனின் தியாக பயணத்தையும் தடுக்க முனைகிறது" என்று குற்றஞ்ச்சாட்டி ராஜினாமா செய்தார்... ஆனால் அடுத்த வருடத்திலேயே மேல்சபைக்கு போட்டியிட்டு மேல் சபை உறுப்பினராகிவிட்டார்... அதற்க்கு பின் 1979 ஆம் ஆண்டு நடந்த பாராளுமன்ற தேர்தலில் அதே காங்கிரசுடன் கூட்டணி கண்டு போட்டியிட்டு அனைத்து இடங்களையும் வெற்றி பெற்ற பின் அனைத்து இடங்களையும் தோற்ற எம்.ஜி.ஆர் ஆட்சியை இந்திரா காந்தி துணையுடன் கலைத்தார் கலைஞர். ஆனால் முன்னவிட அறுதி பெரும்பான்மை பெற்று மீண்டும் எம்.ஜி.ஆர் முதல்வரானார்.

1991:
1991 ஆம் ஆண்டு இரண்டாம் முறையாக அதே ஜனவரி 30 ஆம் தேதியில் மூன்றாம் முறையாக முதல்வரான கருணாநிதி ஆட்சி கலைக்கப்பட்டது... அதற்கான காரணத்தை பார்போம்... எம்.ஜி.யாரின் மறைவிற்கு பிறகு அதிமுக பிளவுபட்டது, சட்டசபையில் பெரும்பான்மையை நிரூபித்து ஜானகி அம்மாள் முதலமைச்சரானார், 24 நாட்களில் அவர் ஆட்சி கலைக்கப்பட்டது... பிளவுபட்ட அதிமுக தேர்தலை சந்தித்து, அதில் திமுக அறுதி பெரும்பான்மை பெற்று ஆட்சி அமைத்தது... கருணாநிதி மீண்டும் முதல்வரானார்... அடுத்து வந்த பாராளுமன்ற தேர்தலில் போர்ப்ஸ் ஊழல் முக்கியமான பங்கு வகித்தது..
கருணாநிதி வி.பி.சிங் தலைமையிலான தேசிய முன்னணியில் இருந்தார்.. அதிமுகவும், காங்கிரசும் கூட்டணி போட்டு அனைத்து இடத்தையும் வென்றது.

தமிழகத்தில் ஒரு இடத்தை கூட தேசியமுன்னணி பெறவில்லை.. வடமாநிலத்தில் பல இடங்களில் வெற்றி பெற்றதால் தேசிய முன்னணி ஆட்சி அமைத்தது வி.பி.சிங் பிரதமரானார்.. மண்டல் கமிசன் பரிந்துரையை வி.பி.சிங் அமல்படுத்தியதால் ஆன அரசியல் மாற்றத்தில் காங்கிரஸ் பின்னணியில் சந்திரசேகர் 54 எம்.பி களோடு வெளியேறியதால் வி.பி.சிங் ராஜினாமா செய்தார், சந்திரசேகர் பிரதமரானார்.. வி.பி.சிங்குடன் நெருக்கமாய் இருந்த திமுக ஆட்சியை ராஜிவ் காந்தியின் ஆசியோடு ஜெயலலிதாவிற்காக சந்திரசேகர் கலைத்தார்... அதற்க்கு அவர் சொன்ன பல காரணங்களில் ஒன்று விடுதலைபுலிகளை அடக்க தவறிவிட்டார் என்பதுதான்... அரசியல் அறிந்தவர்கள் அனைவருக்கும் தெரியும் எதற்காக ஆட்சி கலைக்கபட்டதென்று... மேற்சொன்ன காரணம் உண்மையா பொய்யா என்று.. ஏனெனில் விடுதலைபுலிகள் அப்போது இந்தியாவில் தடை செய்யப்பட்ட இயக்கத்தினர் அல்ல...

ஆக 1980 ஆம் அண்டு எம்.ஜி.ஆர் ஆட்சியை இந்திரா காந்தி உதவியோடு கலைஞர் கலைத்ததற்கு என்ன காரணங்களோ அதே காரணம் தான் அவர் ஆட்சி 1991 ஆம் ஆண்டு ராஜிவின் உதவி கொண்டு ஜெயலலிதா கலைஞர் ஆட்சியை கலைத்ததற்கும் உண்டு என்பதை மறுப்பதற்கில்லை.
அவர் ஆட்சி கலைக்கபட்டதற்கு உள்ளூர் அரசியல்.. அதிகார மாற்றங்கள்.. கூட்டணி மாற்றங்கள் என பல காரணங்கள் இருக்கிறது.. ஈழத்தமிழர்களுக்காக மட்டுமே கலைஞரின் எந்த ஆட்சியும் பறிக்கபடவில்லை என்பதே வரலாறு. இனிமேலும் கலைஞர் ஈழத்தமிழர்களுக்காக ஆட்சி இழந்தேன் என்று கூறுவதை தமிழ்கூறும் நல்லுலகம் நம்பக்கூடாது..

இக்கட்டுரையின் நோக்கமே ஈழத்தமிழர்கள் ஆதரவு இப்பொழுதுதான் தமிழகத்தில் பல வருடம் கழித்து எழுந்துள்ளது. அந்த எழுச்சியானது இதை போன்ற பொயுரைகளினால் இம்மியளவும் நலிந்துவிட கூடாது என்பதாலும், தமிழகத்தின் சில முக்கியமான அரசியல் வரலாறு அனைவருக்கும் தெரிய வேண்டும் என்பதாலும் தான் ..

2008-12-31T12:21:00.001-05:00

புரட்சி என்றும் வெல்லும் அதை நாளை தமிழீழம் சொல்லும்...

2008-10-21T23:22:00.003-04:00

தமிழின உணர்வாளர் குழு சார்பாக திரையுலகத்தினர் ராமேஸ்வரத்தில் நடத்திய பொதுக்கூட்டத்தில் தமிழின போராளி அண்ணன் சீமான் ஆற்றிய உரை... தமிழன் ஒவ்வொருவரும் கேட்கவேண்டிய பேச்சு..

தமிழ் ராப் - ஒரு புதிய பாதை..

2008-10-06T00:06:00.003-04:00

இசை ஒரு அடையாளத்தின் குறியிடு...அவை சந்தோஷ சிரிப்பாகவும், வேதனையின் வெளிப்பாடகவும் , கோபத்தின் கொக்கரிப்பாகவும் இருக்கலாம்.. சாக்ரடிஸ் சொன்னது போல் இசையின் மிக சிறந்த உன்னத வடிவம் தத்துவமாக கூட இருக்கலாம்... இசையின் வலிமை அளவிடமுடியாதது, சொன்னால் நம்ப கடினமாக இருக்கும் ஒரு நாட்டின் விடுதலையை கூட வாங்கி கொடுக்கும் வலிமை கொண்டது இசை...

ரஷ்யாவின் எல்லையில் இருக்கும் ஒரு சிறிய நாடு 'எஸ்டோனியா'. பல காலம் ஸ்வீடன் நாட்டலும், பின்பு ரஷ்யாவாலும் ஆக்கிரமிக்கப்பட்ட பாவப்பட்ட நாடு... 194௦ களில் இருந்து ரஷ்யாவின் கட்டுப்பாடில் இருந்துவந்தது.. ஆனால் மக்களின் ஆழ்மனதில் விடுதலை வேட்கை கனன்றுகொண்டேதான் இருந்தது... அவ்வேட்கை ஒரு பாடல் மூலமாக பரவி அந்த நாட்டின் விடுதலை வாங்கிகொடுத்து என்பது வரலாறு... வரலாறை அறிய கீழயே சொடுக்கவும்...

http://www.freemuse.org/sw22342.asp

உலக வரலாற்றில் பல புரட்சிகள் வலுவிழக்காமல் நீடித்ததற்கு காரணமும் இசைதான்...

அப்படி பட்ட வகையை சார்ந்த இசைதான் ராப் இசை. தான் நினைத்ததை தனக்கு தோன்றியபடி வெளிப்படுத்துவதே ராப் இசை. அமெரிக்காவில் இருந்த நிற வேறுபாட்டை எதிர்த்து வந்த பாமரனின் இசை...

அந்த இசையின் மூலம் தமிழ் பற்று பாடல்களையும் விடுதலை வேட்கைகுரிய பாடல்களையும் நமக்கு அளித்துள்ளார் சுஜீத் என்ற ஈழத்தமிழ் இளைஞர்......

மிகவும் ரசிக்கத்தக்க, கேட்டவுடன் உணர்வுகளை தூண்டும் விதமாக உள்ளது பாடல்கள்... முக்கியமாக தமிழனிடம் இல்லாத இன பற்றும், மொழிபற்றும் கொண்டு பாடல் இசைதுள்ளார்.. மிக மிக பாராட்டப்பட வேண்டிய முயற்சி..

http://www.sujeethg.com/

இசையை ஆன்மீகத்தொடும், பொழுதுபொக்கொடும் முடிச்சுபோட்டு பாமரனிடத்தில் இருந்து வெகு தூரம் கடத்தி சென்றுவிட்ட தமிழ்நாட்டில் இப்பாடல்கள் ஒலிக்கவேண்டும்...

Thamilar Kudi - SujeethG

"தமிழை மறுத்து மறைத்து வாழும் வாழ்வில் பயனே இல்லை - உன்
சொந்த இனத்தை மறைக்கப்போனா மனுசன் நீயும் இல்லை
கண்டதுக்கும் வளைஞ்சு கொடுக்க தமிழன் தண்ணி இல்லை - என்றும்
குப்பை வாழ்க்கை வாழ நீயும் சேத்துப் பண்ணி இல்லை
செந்தமிழா எழுந்து வா செந்தமிழைக் காக்க வா
தமிழர் குடி மறவரடி மறவர் குடி தமிழரடி"

இட ஒதிக்கீடு... ஒரு விவாதம்...

2008-09-27T23:59:00.003-04:00

இன்றைய பல இளைஞர்கள் மத்தியில் இட ஒதிக்கீடி பற்றிய மிக தவறான எண்ணம் மேலோங்கி இருக்கிறது... இட ஒதிக்கீடால் தான் அவர்கள் படித்திருந்தாலும் திட்டமிட்டு மேல்சாதியினரால் பரப்பப்படும் வஞ்சக வார்த்தைகளால் இட ஒதிக்கீட்டை மறுபரிசீலனைக்கு உட்படுத்த வேண்டும் என்கிறார்கள்...

அதை பற்றி எனக்கும் என் நண்பனுக்கும் மின்னஞ்சலில் நடந்த விவாதமே இது...

----------------------------------------------------------------------

அன்பு நண்பன் சூரிக்கு,

நீ தவறென்று கூறவில்லை நண்பா... உன் கருத்தாக்கம் தான் தவறென்று எதிர்த்தேன்... உன்னை பற்றி அறியாதவன் இல்லை நான்... ஆதரிக்க வேண்டிய நீயே மறுபரிசீலனைக்கு ஆட்படுத்துகிறேயே என்ற ஆற்றாமையில் தான் கடுமையாக பதில் தொடுத்தேன். கடுஞ்ச்சொற்க்கள் கூறி விவாதத்தை திசை திருப்புவதோ உனக்கு பாடம் கற்பிப்பதோ என் நோக்கமல்ல... இருப்பினும் நண்பன் மனம் நோகும்படி பதில் இருந்தமைக்கு மன்னித்தருள்க...

மீண்டும் ஒருமுறை உனக்கு நியாபக படுத்துகிறேன் நண்பா... சமூக நீதி என்பது பொருளாதார முன்னேற்றம் அல்ல.. பல நூறு ஆண்டுகளாக உரிமைகள் அனைத்தும் மறுக்கப்பட்டு அடிமையாகவே வாழ்த்த கூட்டத்தை முன்னேற்றி தமக்கான உரிமைகள் என்ன என்று அறியவைத்து, அதை பெற வழிவகுக்கவும் செய்வது தான் சமூக நீதி தத்துவம்...இடஒதுக்கீடு என்பது, வேலை வாய்ப்புகளில் மட்டும் இடம் கோருகின்ற கோரிக்கை மட்டும் அல்ல . கல்வி, வேலை, அரசியல் என மூன்று தளங்களிலும், அனைத்துச் சாதியினருக்கும் சம உரிமை கோருகின்ற சமூக நீதிப் போராட்டத்தின் தொடக்கமே அது...

இந்தியாவின் முன்னாள் தலைமை அமைச்சர் வி.பி.சிங் கூறியதைப்போல, ''இட ஒதுக்கீடு என்பது, அதிகாரக் கட்டமைப்பில், சமூகத்திலும், கல்வியிலும் பிற்படுத்தப்பட்ட அனைத்துச் சாதியினருக்கும் பங்கு அளிப்பதுதான்.'' (It is a question of power sharing and not jobs alone)

முதன் முதலில் இட ஒதீகிட்டை கொண்டுவந்த பெருமை தமிழ் நாட்டிற்க்கு தான் உண்டு..

1920ஆம் ஆண்டு நடைபெற்ற தேர்தலில் பெரும்பான்மை இடங்களில் வெற்றிபெற்ற நீதிக்கட்சி, 17.12.1920இல், சென்னை மாகாண அமைச்சரவையை அமைத்தது. பதவியேற்றவுடனேயே, அரசு வேலை வாய்ப்புகளில் அனைத்து மதத்தினர், சாதியினருக்கம் இடஒதுக்கீடு ஆணை வழங்கப்பட்டது. 1921ஆம் ஆண்டு வெளியான அந்த ஆணைப்படி, பின்வருமாறு அரசு வேலைகளில் இடங்கள் ஒதுக்கப்பட்டன.

1. பார்ப்பனர் அல்லாத இந்துக்கள் 44%
2. பார்ப்பனர்கள் 16%
3. முசுலீம்கள் 16%
4. ஆங்கிலோ இந்தியர் மற்றும் கிறித்துவர்கள் 16%
5. தாழ்த்தப்பட்டோர் 8%
____
100
____

அன்றில் இருந்து இன்று வரை மேல்சாதி மக்களிடம் இருந்து இதற்க்கு எதர்ப்பு வந்த வண்ணம் உள்ளது... 2006 ஆம் ஆண்டு வெளிவந்துள்ள, ''Falling over Backwards'' என்னும் தன் நூலில், முன்னாள் அமைச்சர் அருண்சௌரி, இட ஒதுக்கீடுடுக் கொள்கையை மிகக் கடுமையாகச் சாடியுள்ளார். இடஒதுக்கீட்டின் பேரில், இந்துக்களிடம் பிரிவினை எண்ணத்தை வெள்ளையர்கள் திட்டமிட்டு உருவாக்கினர் என்றும், 'பிரித்தாளும் சூழ்ச்சியே இடஒதுக்கீடு' என்றும் கோபக் கணைகளை அவர் வீசுகின்றார், அருண்சௌரி ஒரு குறியீடு மட்டுமே. உயர்சாதியினர் என்று தம்மைக் கருதிக் கொண்டிருக்கும் அனைவரின் எண்ணமும் அதுதான்.

என் கேள்வி இது தான், கோயில்களில் அர்ச்சகர்களாக இருப்பவர்கள் இன்று வரை ஒரே சாதியினர்தானே.. . அதேபோல, பிணம் எரிப்பவர்களும், செருப்புத் தைப்பவர்களும், சாக்கடை சுத்தம் செய்பவர்களும் ஒரே ஒரு குறிப்பிட்ட சாதியினர்தானே... தொழிலையும், சாதியயையும் முடிச்சு போட்டு பிரிவினையை கொண்டுவந்தது யார்?...இவற்றை வெள்ளையர்களா உருவாக்கினார்கள் ???

ரிக் வேதத்தின் 10ஆவது அத்தியாயமான 'புருஷசூக்தம்' என்னும் இயலில்தான், பிரம்மத்தின் தலையிலிருந்து தோன்றியவர்கள் பிராம்மணர்கள் என்றும், தோளில் பிறந்தவர்கள் சத்திரியர்கள் என்றும், இடையில் தோன்றியவர்கள் வைசியர்கள் என்றும், பாதத்தில் பிறந்தவர்கள் சூத்திரர்கள் என்றும் கூறப்பட்டது... இதை உருவாகியவர்கள் யார் என்பதை உங்களுக்கு சொல்ல தேவை இல்லை...

இப்படி திட்டமிட்டு அடிமை அடிமையாகவே இருக்க வழி செய்தனர் என்றால் மிகை இல்லை.. இந்தியா சுதந்திரம் பெற்ற பின்பும் அறிவிக்கப்படாத வர்ணாசிரம ஆட்சி தான் நடந்து வந்தது, இந்தியாவில் மேல்சாதியினரின் ஆதிகார ஆளுமைக்கு ஒரு சிறிய எடுத்துகாட்டு...(ஆண்டு ௧௯௫௧)

இந்தியா முழுவதும் இருந்த அரசுச் செயலர், துணைச் செயலர் பதவிகள் 506. அவற்றுள் 351 பேர் பார்ப்பனர்கள். உச்ச நீதி மன்றத்தில், 16 நீதிபதிகளில் ஒன்பது பேர் பார்ப்பனர். 140 வெளிநாட்டுத் தூதுவர்களில் 68 பேர் பார்ப்பனர். இந்தியாவின் மொத்தம் 3500 ஐ.ஏ.எஸ். அதிகாரிகளில் 2376 பேர் பார்ப்பனர். ஆளுநர்களாக இருந்த 27 பேரில் 13 பேர் பார்ப்பனர்.

இப்படி 'உயர் சாதியினர்' எனப்படுவோரிடம் மட்டுமே தேங்கிக் கிடக்கும் அதிகாரங்களை, அனைத்துச் சாதியினருக்கும் பகிர்ந்தளிக்கும் ஜனநாயகப் பாத்திரத்தைத்தான் இடஒதுக்கீடு செய்கிறது. ஏற்றத்தாழ்வே, ஒரு சமூகத்தின் அடிப்படை வடிவமாக இருக்குமெனில், அதனை உடைத்தெறியும் ஜனநாயகச் சமத்துவக் கடமையை தான் இடஒதுக்கீட்டுக் செய்கிறது.

இந்த இட ஒதிகீட்டால் பாதிக்கப்பட்ட பல தலைமுறையாக படித்த குடும்பத்தில் இருந்து வந்த சிலரை பற்றி நீ பேசுகிறாய்.. இன்னும் பயனடைய போகும் விவசாய, கூலி, மீனவ மற்றும் பிற பிற்படுத்தப்பட்ட, மிகவும் பிற்படுத்தப்பட்ட, தாழ்த்தப்பட்ட சமுதாயத்தில் இருந்து முதல் தலைமுறையாக படிக்க வரும் லட்சக்கானக்கானவர்களை பற்றி நான் பேசுகிறேன்...

சரி உன் கதைக்கே வருகிறேன், அந்த கதை தமிழ்நாட்டில் நடப்பதாய் வைத்து கொள்வோம். தண்ணீரில் மூழ்க போவோரில் 46.14% பிற்படுத்தபட்ட மக்கள் இருக்கிறார்கள், 20.87% மிகவும் பிற்படுத்தப்பட்ட மக்கள் இருக்கிறார்கள், 19% தாழ்த்தப்பட்ட மக்கள் இருகிறார்கள், 1.04% பழங்குடியினர் இருக்கிறார்கள், இதர 12.95% முற்பட்டசாதி மக்கள் இருக்கிறார்கள்.. ஆக மொத்தம் 100% (இது 2001 ஜனத்தொகை கணக்குப்படி).. அதில் நீ சொன்னபடியே பிற்படுத்தபட்டோரில் 10% நீந்த தெரியும் (ஒரு தலைமுறையாவது படித்தவர்கள்)... முற்பட்டசாதி மக்கள் அனைவருக்கும் அரைகுரையாவது நீந்த தெரியும்(பல தலைமுறையாக படித்தவர்கள்)...

இதில் 12.95% அனைத்து சாதி மக்கள் ஒருபுறமும், 87.05% மேல்சாதி மறுபுறமும் இருகிறார்கள்..
நம்மிடம் ஒரு படகு இருக்கிறது... 2 முறை போய் அவர்களை அழைத்துவரலாம்... முதல்முறை 70% மக்களை காப்பாற்றி கூட்டிவரலாம்.. இரண்டாம் முறை 30% மக்களை கைப்பற்றி கூடிவரலாம் என்ற நிலைமை.. இந்த நிலைமையில் அனைவரையும் காப்ற்றவேண்டும் என்பதே நம் கொள்கை.

முதலில் பிற்படுத்தபட்டோரில் 10% நீந்த தெரிந்தவர்களைகளையும், அரைகுறையாய் நீந்த தெரிந்த 12.95% முற்பட்ட சாதியினரையும் விட்டுவிட்டு.... மீதி 77.05% நீந்தவே தெரியாதவர்களை முதல் படகில் ஏற்றலாம்... ஆனால் படகில் 70% தான் ஏற்றமுடியும்.. சரி அப்போ காப்பாற்றபடுபவர்களில் அதிக சதவீதம் உள்ள பிற்படுத்தபட்டோர்க்ளில் 7.05% மக்களை நீந்த தெரியாவிடினும் அடுத்தமுறை வரும் பொது உயிரோடு இருந்தால் காப்பாற்றிக்கொள்ளலாம் இல்லை என்றால் சாகட்டும் என்று மீண்டும் தண்ணீரில் விட்டுவிட்டு. மற்றவர்களை ஏற்றி கொண்டு போய் கரையில் விட்டுவிடலாம்...

இரண்டாம் முறை வந்து மீதி 30% மக்களில் யார் யார் நீந்தி உயிரோடு இருகிறார்களோ அவர்களை கூடிக்கொண்டு கரையில் விட்டுவிடலாம். நீந்த தெரியாத பிற்படுத்தப்பட்ட 7.05% மக்கள் படகு திரும்பி வரும்வரை உயிரோடு இருப்பதற்கு உத்தரவாதம் இல்லை.. ஆனால் 12.95% மக்கள் உயிரோடு இருப்பதற்கு உத்தரவாதம் இருக்கிறது..

இதில் முதல் படகுதான் 69% இட ஒதிக்கீடு, இரண்டாம் படகுதான் 31% இட ஒதீக்கிடு அற்ற ஓபன் கோட்டா...

இவ்வளவு இட ஒதீக்கீடு இருந்தும் 7.05% பிற்படுத்தப்பட்ட மக்கள் பாதிக்க தான் படுகிறார்கள்..

தமிழ்நாட்டில் நடைமுறையில் இருக்கும் இட ஒதிகீட்டை கீழே பார்க்கவும்...

நிலைமை இப்படி இருக்க இந்த இட ஒதிகீட்டையும் நீ மறுபரிசீலனை செய்ய சொன்னால் உணர்ச்சிவசப்படாமல் என்ன செய்வது... உணர்ச்சிவசப்படாமல் இருந்தால் தான் அது என் பிறப்பின் பெருங்குற்றம்...

இந்த இட ஒதிக்கீடை பற்றி தமிழகத்தின் தென் மூலையில் இருந்து இட ஒதிக்கீட்டால் படித்து வந்த நானும், நீயும் அமெரிக்காவில் அமர்ந்து இணையத்தில் மின்னஞ்சல் மூலமாக விவாதிக்க காரணமாய் இருந்த தந்தை பெரியாரை நன்றியுடன் நினைத்து... என்றும் இட ஒதிக்கீடு இல்லா தோழமையுடன்,

பாக்கியராசன் சேதுராமலிங்கம்,
குலமங்கலம் கிராமம்,
மதுரை மேற்கு தாலுகா,
மதுரை மாவட்டம்.

----- Original Message ----
From: Sooria Jeyaraman
To: ellistopp@yahoogroups.com
Sent: Thursday, 25 September, 2008 5:40:44 PM
Subject: Re: [ellistopp] FW: The Ant And The Grasshopper [Old Story - New Version] Really nice one go through it

Maapla Packia .. konjam unarchivasapattutan nu ninaikiren.. ivlo sharpa personala insult pannaama irunthu irukalam, felt bad but its ok.. it’s my bad, that I took the liberty that people who know me won’t need an explanation that I’m not trying to brag or boast or trying to bring out an opinion just for the sake of opinion or trying to say I was right.. I was just trying to make an opinion and a healthy discussion on one issue among the millions of other issues, my bad about being informal too, learnt the lesson in the hard way..

Athukaaga naanga karutha sollama poga mudiyaathu, Again you are misunderstanding what I was trying to say, I don’t say what was written in that story was right or I don’t say we don’t need reservation now or I don’t say the dalits are doing great and I don’t have another ant story to shove it up ..but I do said that we should also keep “people” in mind rather than just lower class people and I do said that everybody will need help EVENTUALLY and I do said that don’t use ‘Treat People as People’ only when needed.. 80 peru thannila moolgrappo naan 60 pera mattumthan kaapathuven (eventhough when they have 10 good swimmers among those 60 who can rescue themselves) just because they are lower class and will leave the other 20 people drownedngratha yennala othukka mudiyalai.. all I said was we should put all our efforts in rescuing the struggling 50 but also keep an eye on the other upper class 20 who might need the help sooner or later.. as I told you in my earlier email I don’t need you to point out a real life example, even though I might not be doing anything but do learn about the issues and do get affected by it, so again you don’t have to point it to me.. I hatehate proving to people, not just my social responsibility about anything so if you think I don’t have a social responsibility and shouldn’t give an opinion then it’s your problem, I don’t give a damn.. but do keep in mind that everyone is one way or another a NERMAIYAANA KOMBAN !!!

Soori

--- On Wed, 9/24/08, Packiarajan S wrote:

From: Packiarajan S
Subject: Re: [ellistopp] FW: The Ant And The Grasshopper [Old Story - New Version] Really nice one go through it
To: ellistopp@yahoogrou ps.com
Date: Wednesday, September 24, 2008, 11:45 PM

நண்பா உன்னிடம் சமூக அக்கறை இருப்பதை கண்டு மகிழ்ச்சி...

ஆனால் ஒரு வருத்தம்...

இதுவரைக்கும் 305 தமிழ் மீனவர்கள் அண்டை நாட்டு ராணுவத்தால் சுட்டு கொல்லப்படும், ஆயிரகணக்கான தடவை தாக்கப்பட்டும் அது இன்று வரை தொடர்ந்து கொண்டிருக்கும் பொழுது வராத சமூக அக்கறை...

81 தமிழ் விவசாயிகள் எலிகறி சாப்பிட்டு, பின்பு அது கூட கிடைக்காமல் விஷம் அருந்தி இறந்த பொழுது வராத அக்கறை...

லட்சகணக்கான ஈழத்தமிழர் உயிரிழந்து, வீடிழந்து, உடமை இழந்தபோது வராத அக்கறை... அவர்கள் அகதியாய் வந்து தஞ்சமடைத்த பின்பும் திறந்த வெளி சிறைசாலையில் நாயினும் கேவலமாய் நடத்தப்படும் பொழுது வராத அக்கறை...

தமிழக வளத்தை பெருக்க ஒரு திட்டம் வருகையில் மதத்தின் பெயரால் அதை தடுக்கப்படும் பொழுது அதை முறியடிக்க வேண்டும் என வராத அக்கறை...

உச்சநீதி மன்றமே ஆணை இட்டபின்பும் ஒரே இந்தியாவில் இருக்கும் அண்டை மாநிலங்கள் தண்ணீர் தர மறுத்து அட்டுழியம் செய்யும் பொழுது அதை எதிர்த்து வராத அக்கறை...

நம் பக்கம் விழும் தண்ணீரை குடிநீராக்கி மக்கள் தாகம் தீர்க்க திட்டம் தொடங்கும் முன்னரே அண்டை மாநிலம் எதிர்ப்பு தெரிவித்து தடுக்க முனைகையில் வராத அக்கறை...
இப்பிரச்சனையால் அப்பாவி தமிழர் மூவர் பேருந்தோடு கர்நாடகாவில் எரிக்கப்பட்ட பொது வராத அக்கறை..

மேல்சாதி மிருகங்களால் கடந்த மாதம் முன்பு தாழ்த்தப்பட்ட என் சகோதரி வாயில் மலம் திணித்து தன் ஆதிக்க சாதி வெறியை காட்டிய காட்டுமிராண்டிகளை எதிர்த்து வராத அக்கறை...

சேலத்தில் இன்னும் பல உறவுகள், எல்லோருக்கும் பொதுவான கடவுளை கூட கோயிலினுள் சென்று
தரிசக்கமுடியாத கேடுகெட்ட நிலையை கண்டு அதை போக்க வராத அக்கறை...

மனித மலத்தை மனிதன் அல்லும் கொடுமையை காலம் காலமாக நம் பல சொந்தங்கள் செய்கையில், அது புனித தொழில் அதை தொடர்ந்து செய்யுங்கள் என மேல் சாதி நாய்கள் சொல்லி மேலும் பல காலம் நம்மை அடிமையாக்க துடிக்கையில் அக்கொடுமை போக்க, அதை எதிர்த்து குரல் கொடுக்க வராத அக்கறை..

குஜராத்தில் மதவெறி அரசியலால் பல ஆயிரம் சிறுபான்மையினர் உயிரோடு கொளுத்தபட்டார்களே அவர்கள் உடைமைகள் சூரையாடபட்டனவே.. அப்பொழுது வராத அக்கறை..

ஒரிசாவில் மதம் தலைவிரித்தாடி பல லட்சம் பேர் வீடிழந்து, உடமை இழந்து நடுத்தெருவில் நின்றுகொண்டிருக்கும் நிலையில் வராத அக்கறை...

கடைசியாக, உயரினும் மேலாம் தாய்மொழி அம்மொழி கொஞ்சம் கொஞ்சமாய் தன்னுயிரை விட்டுகொண்டிருக்கையில் தன்னாலான அளவு அதை காப்பாற்ற வேண்டும் என்று வராத அக்கறை...

இட ஒதிக்கீடில் மட்டும் வருவது ஏன்?..

நீ மேற்சொன்ன விஷயத்துக்கெல்லாம் அக்கறை கொள்ளமாட்டாய், வருத்தபடமட்டாய் என்றோ வருத்த படவில்லை என்றோ குற்றம் சொல்லவில்லை நண்பா.. ஆனால் இதுக்கெல்லாம் நீ இதே போல் ஒரு எறும்பு கதை சொல்லவில்லையே நண்பா.. அது தான் என் கவலை..

இல்லை இது தான் உன் சமூக அக்கறை என்றால் அந்த ________ (Sorry, I am not unformal us u, so please fill what ever u want) அக்கறை எங்களுக்கு வேண்டாம்... அப்படி அக்கறைகொண்டவன் தான் எங்களுக்கு முதல் எதிரி...

பல நூறு ஆண்டுகளாக இப்படி நூதன பிரச்சாரம் நடந்துகொண்டே தான் இருக்கிறது, இட ஒதிக்கீடு வேண்டாம் சொல்வது இபோதைய இளைஞகள் மத்தியில் ஒரு மோகம். இது தான் சமூக அக்கறையை என்பது போல் தோற்றம் உருவாக்கி விட்டார்கள்.. நீயும் அதை பின்பற்றுவது ஆச்சிரியம் இல்லை...

//but there are people from the so called “upper caste” who suffer due to the reservation and there are also some lower caste guys who remove their gold chain/rings and get into the principal’s room to accept the money sanctioned for them.. for both the cases you don’t have to look beyond our friends for examples..//

உன்னால் பாதிக்கப்பட்ட ஒரு சில ஆட்களை காட்ட முடியும்... என்னால் உண்மையிலேயே பயன் அடைந்த பல கோடி குடும்பங்களை காட்ட முடியும்... இன்னும் பல கோடி குடும்பங்கள் இதனால் பயனடைய போகிறது என்பதும் உண்மை... ஒரு சில ஆட்கள் முக்கியமா இல்லை ஒரு சமுதாய முனேற்றம் முக்கியமா என்பதை நீயே முடிவு செய்துகொள்...

----- Original Message ----
From: Sooria Jeyaraman
To: ellistopp@yahoogrou ps.com
Sent: Wednesday, 24 September, 2008 5:20:49 PM
Subject: Re: [ellistopp] FW: The Ant And The Grasshopper [Old Story - New Version] Really nice one go through it

All rite.. First of all I wasn’t trying to start a debate or hurt anyone.. secondly the one and only way that the way I am now(good or bad) was due to an engineering free seat that I got using the caste quota so I totally understand the value of reservation, you are kinda preaching to the choir and I don’t need a REALITY example.. that story was just a story and I wasn’t trying to compare/insult anyone, it needed to be taken with a grain of salt..

Now to the matter.. I think you guys misunderstood what I was trying to say, I wasn’t rooting for taking out the reservation, I was suggesting an ‘economy’ based reservation not immediately but in the future.. In my humble opinion, there are people on both the sides of the fence who gets affected by the reservation. . as for the reality, there are plenty of examples that you can bring to the table where the dalits are getting suppressed.. I accept admit, not a percent of doubt about that.. but there are people from the so called “upper caste” who suffer due to the reservation and there are also some lower caste guys who remove their gold chain/rings and get into the principal’s room to accept the money sanctioned for them.. for both the cases you don’t have to look beyond our friends for examples.. now I’m not saying the majority of the people are like that but it’s a growing minority of people who gets benefited/not benefited because of reservation, why do you have to turn a blind eye on that.. All I was saying was if we are asking for a level playing field, apply it to everyone.. we shouldn’t be taking away the benefits from someone just because their ancestors had a good life. Again calm down your nerves, I totally understand the pathetic situation that still majority of our fellow human beings suffer just because they are dalits even in this “modern day” India, c

Packia, I too reflect the same sentiment as your last line, Manithanai manithanaai paarkira manapaanmai (I know it’s not anywhere close to happening now) and although I was seeing from the other side of the coin, I was also strongly suggesting the same thing ‘treat people as people’, its sad that no one got that!! I thought if we start doing that then the caste based reservation will become an economy based reservation, again not now but eventually.. you could’ve just told me that ‘dei venna nee pesrathu thappuda, puriyaama pesra ippo irukra nilamailla innum 50 yrsavathu minimum aagum to get dalit people accepted in the society’nnu you could have, rather than insulting as though I don’t understand.. sorry I cannot be as formal as you, what the fuck do you mean by ‘மேல்தட்டு பிரச்சாரம் வேண்டாம் நண்பா...’.. and why the fuck you guys think that people like me won’t understand.. immediately don’t point me to an example of dalit suppression, I get it TOTALLY, Ok.. I’m just trying to understand me better and understand why the thing understood by you guys is perceived as not understood by us..Though selfish, I too have some social responsibility, at least that’s what I think and Though not as committed, we too want to be a part of a change that brings prosperity..

I know you guys would be thinking that I totally don’t know what’s happening in the actual field(which is most likely true) and talking as though we are in an ideal world but all I was saying was we totally understand the insults and in injustice done to a dalit individual which is atrocious and shouldn’t be happening at all but we should also try to understand the affected people from the other side which might be a minority now but might not be forever, if not we’ll be moving towards a wrong direction, again not now but eventually ..

Sooria

--- On Wed, 9/24/08, Somu Kumar wrote:

From: Somu Kumar
Subject: Re: [ellistopp] FW: The Ant And The Grasshopper [Old Story - New Version] Really nice one go through it
To: ellistopp@yahoogrou ps.com
Date: Wednesday, September 24, 2008, 2:49 PM

I very strongly agree with Packia.

Its a sad joke from the author to compare SC/ST students to grasshoppers. They are working hard in their own level but it may not /should not be compared with the so-called "forward" caste students because the main thing to be asked is: Where is the "LEVEL PLAYING FIELD"?

When these folks can study in schools like SDA, TVS & VIKSAS, have 4 tuitions, special coaching & a two-wheeler to hop around to all these and finally get two year special coaching for IITs while the poor dalit student in village won't have a proper school to attend. He has not idea what entrance is and how to face competitive exams. We should understand that its not just because of poverty but mainly because of systematic oppression happened over centuries. His grandfathers were kicked out of schools and made to do menial jobs which is the reason for his illitirate family background.

The same government which is subsidizing those in towns with good power connection, good schools, good roads etc, are letting old govt schools degrade further in which the dalit students study. How is it justified?

So, to me, its actually asking Usain Bolt to run in special olympics competing against handicapped runners. So, it is Social Justice thats playing in to make the playing field even and hence reservation.

Unfortunately, all these Ant & Grasshoper story evolves in IITs by just seeing few folks who are wealthy for generations but still use SC quota. They are failing to understand that those creamy layer is less than 1% of all Dalits and not representative of majority who are still suffering.

Remember khairlanji??? this is still the story of Dalits in rural areas.

-- Somu

2008/9/23 Packiarajan S

Can you tell me one strong reason to check back the reality?...

I can list u the REALITY of backward people in India, If u need.

இட ஒதிக்கீடு பொருளாதார முன்னேற்றத்துக்கு மட்டுமல்ல நண்பா.... சமுக நீதிக்காகவும் தான்...

இன்னும் தாழ்த்தப்பட்ட என் உறவுகள் சாமி கும்பிட கூட கோயிலுக்குள்ள போகமுடியாத சமுக நீதி நிலவுகிற சூழ்நிலையில இந்தமாதிரி மேல்தட்டு பிரச்சாரம் வேண்டாம் நண்பா...

மனிதனை மனிதனாக மதிக்காத நாட்டுல இருக்கோம் என்பதை நினைவில் கொள்ள வேண்டும்...

----- Original Message ----
From: Sooria Jeyaraman
To: ellistopp@yahoogrou ps.com
Sent: Tuesday, 23 September, 2008 12:36:49 PM
Subject: [ellistopp] FW: The Ant And The Grasshopper [Old Story - New Version] Really nice one go through it

Samuthaaya aarvalar kovichukittalum, this is true.. being brought up by (some) reservation, I shouldn't be the one criticizing it but we need a check back on reality..

Soori

An Old Story:

The Ant works hard in the withering heat all summer building its house and laying up supplies for the winter.

The Grasshopper thinks the Ant is a fool and laughs dances plays the summer away.

Come winter, the Ant is warm and well fed. The Grasshopper has no food or shelter so he dies out in the cold.

New Indian Version:

The Ant works hard in the withering heat all summer building its house and laying up supplies for the winter.

The Grasshopper thinks the Ant's a fool and laughs dances plays the summer away.

Come winter, the shivering Grasshopper calls a press conference and demands to know why the Ant should be allowed to be warm and well fed while others are cold and starving.

NDTV, BBC, CNN show up to provide pictures of the shivering Grasshopper next to a video of the Ant in his comfortable home with a table filled with food.

The World is stunned by the sharp contrast. How can this be that this poor Grasshopper is allowed to suffer so?

Arundhati Roy stages a demonstration in front of the Ant's house.

Medha Patkar goes on a fast along with other Grasshoppers demanding that Grasshoppers be relocated to warmer climates during winter .

Mayawati states this as `injustice' done on Minorities.

Amnesty International and Koffi Annan criticize the Indian Government for not upholding the fundamental rights of the Grasshopper.

The Internet is flooded with online petitions seeking support to the Grasshopper (many promising Heaven and Everlasting Peace for prompt support as against the wrath of God for non-compliance) .

Opposition MPs stage a walkout. Left parties call for 'Bengal Bandh' in West Bengal and Kerala demanding a Judicial Enquiry.

CPM in Kerala immediately passes a law preventing Ants from working hard in the heat so as to bring about equality of poverty among Ants and Grasshoppers.

Lalu Prasad allocates one free coach to Grasshoppers on all Indian Railway Trains, aptly named as the 'Grasshopper Rath'.

Finally, the Judicial Committee drafts the ' Prevention of Terrorism Against Grasshoppers Act' [POTAGA], with effect from the beginning of the winter.

Arjun Singh makes 'Special Reservation ' for Grasshoppers in Educational Institutions in Government Services.

The Ant is fined for failing to comply with POTAGA and having nothing left to pay his retroactive taxes,it's home is confiscated by the Government and handed over to the Grasshopper in a ceremony covered by NDTV.

Arundhati Roy calls it ' A Triumph of Justice'.

Lalu calls it 'Socialistic Justice '.

CPM calls it the ' Revolutionary Resurgence of the Downtrodden '

Koffi Annan invites the Grasshopper to address the UN General Assembly.

Many years later...

The Ant has since migrated to the US and set up a multi-billion dollar company in Silicon Valley,

100s of Grasshoppers still die of starvation despite reservation somewhere in India ,

..AND

As a result of losing lot of hard working Ants and feeding the grasshoppers, India is still a developing country...!! ! :) :) :)

குசேலனை புறக்கணிப்போம்...

2008-08-02T01:01:00.003-04:00

மறுபடியும் தன் உண்மை முகத்தை கட்டிவிட்டார் திருவாளர் நடிகன் ரஜினி... அதில் ஆச்சிரியம் ஒன்றும் இல்லை..

"நக்கி பொழைக்கிற நாய்க்கு செகென்ன சிவலிங்கம் என்ன?.."

அன்று உண்ணாவிரதத்தில் தமிழன் சத்தியராஜ் முன் பேசி தன்னை தாறுமாறாக கிழித்து ஏற்படுத்திய நிர்பந்தத்தின் காரணமாக ஏதோ உளறிவிட்டு, கர்நாடகதுக்குள்ளே போனால் உதைப்பானே என்று பயந்து எப்போது மன்னிப்பு கேட்டு மண்டி இடலாம் என காத்திருந்தவர்க்கு கிடைத்த சாக்கு 'குசேலன்'. கேட்டுவிட்டார்... அதை விடுத்து அந்தபடத்தின் வியாபர லாபத்திற்காக, தயாரிப்பாளருக்கு நஷ்டம் ஏற்படுத்தக்கூடாது என்பதற்காக மன்னிப்பு கேட்டார் என செய்தி வெளியாவதை பார்த்தால் சிரிப்பு தான் வருது...

ரஜினி நடிச்ச சிவாஜி உலகம் பூராம் பிச்சுகிட்டு ஓடுது, இங்கிலாந்துல முதல் பத்து எடத்துல இருக்கு, அமெரிக்காவில் ஆங்கிலபடத்துக்கு மேல வசூல் ஆகுது,(மொழியே இல்லாத தென் ஆப்பிரிக்க காட்டுக்குள்ள ௧00 நாள் ஓடுது), தமிழனுக்கு இதனால ரெம்ப பெருமைன்னு பல ஊடகம் கொஞ்ச நாளைக்கு படம் ஒட்டியதே... அப்புறம் எதுக்கு திருவாளர் ரஜினி இந்தியாவில் இருக்க ஒரு மாநிலத்திடம் (மாநிலத்தில் இருக்கும் கன்னட வெறியர்களிடம்) மன்னிப்புகேட்டு படம் ஒட்டி தயாரிப்பாளரை காப்பாத்தனும்னு நினைக்கிறார்.. உலகம் பூராம் வராத வசூலா கர்நாடகத்தில் இருந்து வந்து விட போகிறது.. ஆக அவர் மன்னிப்பு கேட்டது தயாரிப்பாளரை காப்பாத்தும்(?) பணத்திற்காகவோ, படம் ஓட்டுவதற்காகவோ மட்டும் அல்ல...

இனி நான் அப்படி பேசமாட்டேன் என்று குழந்தைகள் கதறுவதுபோல் கதறி இருக்கிறார் அவரை பொய் அவர் மன்னிப்பு கேட்கவில்லை வருத்தம் தான் தெரிவித்திருக்கிறார் என்கிறார்கள் சில மேதாவிகள். இவர்களை என்ன சொல்வது???????

"நான் பாடம் கற்றுக்கொண்டுவிட்டேன்" என வேறு சொல்லி இருக்கிறார். கர்நாடககாரர்களிடம் என்ன பாடம் கற்று கொண்டார் என்று கடவுளேக்கே வெளிச்சம்... ஆனால் தமிழனை அடித்து ஒடுக்கும் கன்னடனிடம் மன்னிப்பு கேட்டு ஒட்டுமொத்த தமிழினத்தையும் அவமானபடுதிவிட்டார் என்பது திண்ணம்...
தமிழன் ஏமாளி, மானம்கேட்டவன் என நன்றாக தெரிந்ததால் தான் தைரியமாக செய்திருக்கிறார்...

நாம் அவ்வாறு இல்லை... நமக்கும் தமிழ் இன உணர்வு இருக்கிறது, மானம் என்று ஒன்று இருக்கிறது.... சுயமரியாதை என்று ஒன்று இருக்கிறது.. உப்பு போட்டு தான் சாப்பிடுகிறோம் என்பதை நிரூபிக்கும் விதமாக திருவாளர் நடிகன் ரஜினி நடித்த படத்தை புறக்கணிப்போம்.

தமிழனுக்கும், தமிழச்சிக்கும் பிறந்த யாவரேனும் அந்த படத்தை போய் பார்த்தால் அவர்களின் பிறப்பை சந்தேகபடுவதை தவிர வேறு வழி இல்லை.....

கருப்பு தினம்...

2008-07-23T08:16:00.002-04:00

25 வருடங்கள் ஓடிவிட்டன...தமிழர்கள் வாழ்வில் எத்தனை நாள்கள் கடந்து போனாலும் இந்த நாளை மறக்க முடியாது.. மறக்க கூடாது... நம் தமிழ் உறவுகளின் சுதந்திர வாழ்வை அடியோடு மாற்றிய நாள்.. அவர்களின் ஜனநாயக குரல்வளைகள் நெறிக்க பட்ட நாள்... மண்ணெங்கும் தமிழ் ரத்தம் சிதறி ஓடிய அதிபயங்கர தினம் அது..

ஜூலை 23 ஈழத்தமிழர்களின் கருப்பு நாள்...

சிங்கள இனவாத அரசு நம் தமிழ் சொந்தங்களின் மேல் ஈவு இரக்கமற்ற காட்டுமிராண்டி அடக்குமுறைகளை கட்டவிழ்த்த நாள்...
மறைந்த நம் உறவுகளை வணங்கி... கூடிய விரைவில் தேசிய தலைவரின் தலைமையில் விடுதலை பெற்று சுதந்திர காற்றை சுவாசிப்போம்....

யார் தீவிரவாதி?.....

2008-07-22T08:09:00.004-04:00

சார்க் மாநாட்டை முன்னிட்டு தமிழீழ விடுதலைப் புலிகள் போர் நிறுத்தம் அறிவிப்பு
[செவ்வாய்க்கிழமை, 22 யூலை 2008, 12:01 மு.ப ஈழம்] [தாயக செய்தியாளர்]

ஜூலை 26 முதல் ஓகஸ்ட் 4 ஆம் நாள் வரையான காலப்பகுதியில் சிறிலங்காவில் நடைபெறவுள்ள சார்க் மாநாட்டை முன்னிட்டு தமிழீழ விடுதலைப் புலிகள் அதிகாரபூர்வமாக போர் நிறுத்தத்தினை அறிவித்துள்ளனர்.
இது தொடர்பில் இன்று செவ்வாய்க்கிழமை தமிழீழ விடுதலைப் புலிகளின் அரசியல்துறை நடுவப் பணியகம் விடுத்துள்ள அறிக்கை:

பரந்துபட்ட தென்னாசியப் பிராந்தியத்தில் பொருளாதார அபிவிருத்தியை மேம்படுத்தி, நீதி, சமத்துவம், சமாதானம் ஆகியவற்றின் அடிப்படையில் ஒரு புதிய, ஒத்திசைவான உலக ஒழுங்கை வனைந்துவிடும் உயரிய நோக்கோடு, சார்க் மாநாடு பதினைந்தாவது தடவையாகக் கூடுவதையிட்டு தமிழீழ மக்கள் சார்பில் எமது உளப்பூர்வமான வாழ்த்துக்களைத் தெரிவித்துக் கொள்கின்றோம்.

கடந்த அறுபது ஆண்டுகளாகத் தமிழரின் தேசியப் பிரச்சினைக்கு ஒரு நியாயமான தீர்வை முன்வைக்கச் சிங்கள அதிகாரபீடம் மறுத்து வருகின்றது. தமிழருக்கு நீதி வழங்கச் சிங்களத் தேசம் தயாராக இல்லை.

சிங்களத் தேசத்தின் அரசியல் இன்று போராகப் பேய்வடிவம் எடுத்து நிற்கின்றது. இனவாதச் சிங்கள அரசு இராணுவத்தீர்வில் நம்பிக்கை கொண்டு நிற்பதால், போர் நாளுக்குநாள் தீவிரமடைந்து விரிவாக்கம் பெற்றுவருகின்றது.

தமிழர் தாயகத்தை ஆக்கிரமித்து, அடிமை கொள்ளவேண்டும் என்பதில் சிங்களத் தேசம் வெறிகொண்டு நிற்கின்றது. சிங்களத் தேசம் ஏவிவிட்டிருக்கும் இந்த ஆக்கிரமிப்புப் போரை எதிர்த்து, எமது விடுதலை இராணுவம் ஒரு தற்காப்புப் போரையே இன்று நடாத்தி வருகின்றது.

சிங்கள அரசு போர் என்ற போர்வையில் தமிழ் மக்களைக் கொடுமைப்படுத்திக் கொன்றொழித்து வருகின்றது. ஒட்டுமொத்தத் தமிழினமும் படிப்படியாக ஒடுக்கப்பட்டு, அழிக்கப்பட்டுவரும் கோரமான உண்மை இருட்டடிப்புச் செய்யப்படுகின்றது.

செய்தித்தடை என்ற பெயரில் தமிழரின் நீதியான போராட்டம் மீது ஒரு இரும்புத்திரை போடப்பட்டிருக்கின்றது. தமிழரின் சுதந்திர இயக்கத்தையும் அது நெறித்துள்ள விடுதலைப் பாதையையும் களங்கப்படுத்தும் வகையில் போலியான, பொய்யான பரப்புரை கட்டவிழ்த்து விட்டப்பட்டிருக்கின்றது. இதனால் தமிழரின் விடுதலைப் போராட்டம் பற்றி உலகில் தவறான மதிப்பீடுகளும் தப்பான அபிப்பிராயங்களும் நிலவிவருகின்றன. இது எமக்கு ஆழந்த கவலையைத் தருகின்றது.

உலக நாடுகளுடனும் எமது பிராந்திய அயல் நாடுகளுடனும் நட்புறவை வளர்த்துக்கொள்ளவே நாம் என்றும் விரும்புகின்றோம். இதற்கான புறநிலைகளை உருவாக்கி, ஒரு நட்புறவுப் பாலத்தைக் கட்டியெழுப்புவதிலும் இதயசுத்தியோடு இருக்கின்றோம்.

தமிழீழ தேசத்தினதும் தமிழீழ மக்களினதும் நல்லெண்ணத்தை வெளிப்படுத்தி, பரஸ்பர நம்பிக்கையை வளர்த்துவிட விரும்புகின்றோம். இந்த நல்லெண்ண நடவடிக்கையாக, சார்க் மாநாடு நடைபெறுவதையிட்டு ஜூலை 26 முதல் ஓகஸ்ட் 4 வரையான காலப்பகுதியை இராணுவ நடவடிக்கைகள் அற்ற அமைதி நாட்களாகக் காத்து, ஒருதலைப்பட்சமாகப் போர் நிறுத்தத்தைக் கடைப்பிடித்து, மாநாடு வெற்றிபெற ஒத்துழைப்போம் என்பதை எமது விடுதலை இயக்கம் மகிழ்ச்சியோடு அறியத்தருகின்றது.

இதேநேரம், சிங்கள ஆக்கிரமிப்புப்படைகள் எமது தேசத்தினதும் எமது மக்களினதும் நல்லெண்ண நடவடிக்கையை மதிக்காது, அத்துமீறி அடாவடியான வலிந்த தாக்குதல்களில் ஈடுபட்டால், எமது மக்களைப் பாதுகாத்துக்கொள்ளும் தற்காப்பு நடவடிக்கையில் மாத்திரம் ஈடுபட எமது விடுதலை இயக்கம் நிர்ப்பந்திக்கப்படும்.

மாநாடு வெற்றியாக அமைய வாழ்த்துவதோடு, எமது பிராந்தியத்தைச் சேர்ந்த இந்தியா, பாகிஸ்தான், பங்களாதேஸ், ஆப்கானிஸ்தான், சிறிலங்கா, நேபாளம், பூட்டான், மாலைதீவு, ஆகிய நாடுகளுக்கு எமது நல்லாதரவையும் தெரிவித்துக்கொள்கின்றோம் என்று அதில் தெரிவிக்கப்பட்டுள்ளது.

விடுதலைப் புலிகளின் போர் நிறுத்த அறிவிப்பை சிறிலங்கா அரசு நிராகரிப்பு
[செவ்வாய்க்கிழமை, 22 யூலை 2008, 01:08 பி.ப ஈழம்] [பூ.சிவமலர்]
தமிழீழ விடுதலைப் புலிகளின் ஒருதலைப்பட்சமான போர் நிறுத்த அறிவிப்பை சிறிலங்கா அரசு நிராகரித்துள்ளது.
வடபோர் முனையில் எதிர்நோக்கி வரும் தொடர்ச்சியான பின்னடைவுகளால் நலிவடைந்துள்ள புலிகளின் தந்திரோபாய நகர்வே இது என்று சிறிலங்கா பாதுகாப்பு அமைச்சின் ஆலோசகர் கோத்தபாய ராஜபக்ச தெரிவித்துள்ளார்.

இது தொடர்பாக அவர் மேலும் தெரிவிக்கையில், விடுதலைப் புலிகளின் போர்நிறுத்த அறிவிப்பை ஏற்றுக்கொள்வதற்கு அரசு தயாரில்லை என்றும் புலிகள் ஆயுதங்களை கீழே வைத்துவிட்டால் வந்தால் மாத்திரமே அரசு போர் நிறுத்தத்தை அறிவிக்கும் என்றும் அவர் கூறியுள்ளார்.

இதேவேளை, சிறிலங்கா சமாதான செயலகத்தின் பணிப்பாளர் ரஜீவ விஜயசிங்க கூறுகையில், விடுதலைப் புலிகளின் இந்த அறிவிப்பு சமாதான அனுசரணையாளர்களான நோர்வேயின் ஊடாக விடுக்கப்பட்டிருக்க வேண்டும் என்றும் அவ்வாறல்லாமல் புலிகள் தரப்பிலிருந்து நேரடியாக வந்திருக்கும் இந்த அறிவிப்பை சிறிலங்கா அரசு ஏற்றுக்கொள்ளாது என்றும் தெரிவித்துள்ளார்.

விடுதலைப் புலிகளின் இப்படியான அறிவிப்புக்கள் கடந்த காலங்களில் விடுக்கப்பட்டபோதும், அந்த அறிவிப்பை விடுத்த காலப்பகுதியை தம்மை இராணுவ ரீதியாக தயார்படுத்திக்கொள்ளவே அவர்கள் பயன்படுத்தியிருக்கின்றனர். கடந்த முப்பது வருடங்களாக விடுதலைப் புலிகளிடமிருந்து கற்றுக்கொண்ட பாடம் இது. ஆகவே, இப்படியான சந்தர்ப்பங்களில் நாம் எச்சரிக்கையாக இருக்கவேண்டும் என்று சிறிலங்காவின் பாதுகாப்பு விவகாரங்களுக்கான பேச்சாளரும், அமைச்சருமான கேகலிய ரம்புக்வெல தெரிவித்துள்ளார்.

யார் தீவிரவாதி, யார் பயங்கரவாதி என இப்பொது தெரிகிறதா?... இலங்கை பயங்கரவாத அரசின் உண்மை முகத்தை சர்வதேச சமுகம் இபோதேனும் புரிந்து கொள்ள வேண்டும்... புலிகளின் , ஈழதமிழ் மக்களின் கோரிக்கைகையை அண்டை நாடுகள் அனுசரணையுடன் அணுகவேண்டும்...

என்னை கவர்ந்த பாடல்கள்...

2008-04-29T17:03:00.009-04:00

நான் ரசிக்கும் என் இளையராஜாவின் இனிய அரிய கானங்கள்...

அவன் ________ குடிடா........

2008-04-27T21:05:00.003-04:00

அனைவருக்கும் சமத்துவமாக கல்வி வழங்குவதே தேசியத் தலைவரின் பெருவிருப்பு: பா. நடேசன்

அனைவருக்கும் சமத்துவமாக கல்வியை வழங்க வேண்டும் என்பதில் தமிழீழத் தேசியத் தலைவர் பெருவிருப்பு கொண்டுள்ளார் என்று தமிழீழ விடுதலைப் புலிகளின் அரசியல்துறைப் பொறுப்பாளர் பா.நடேசன் தெரிவித்துள்ளார்.

கிளிநொச்சியில் நேற்று சனிக்கிழமை நடைபெற்ற கல்விப் பொதுத் தராதர சாதாரண தர தேர்வில் சித்தி எய்திய மாணவர் மதிப்பளிப்பு நிகழ்வில் கலந்து கொண்டு அவர் பேசியதாவது:தமிழ் மாணவர்களின் கல்வியை சிங்கள அரசு அழிக்க வேண்டும் என்று நீண்ட காலமாக திட்டமிட்டு செயற்பட்டு வருகின்றது. ஆனால் எமது போராட்டம் போர் நடைபெற்றுக்கொண்டிருக்கும் நெருக்கடியான சூழலிலும் தமிழீழத் தேசியத் தலைவரின் உயரிய திட்டங்களுடன் மாணவர்களின் கல்வியை வளப்படுத்த வேண்டும் என்ற நோக்குடன் செயற்பாடுகள் நடைமுறைப்படுத்தப்பட்டு வருகின்றது. நகர, கிராம மாணவர்கள் என்ற வேறுபாடின்றி எல்லோருக்கும் சமமான கல்வி கிடைக்க வேண்டும் என்பது எமது தேசியத் தலைவரின் பெரு விருப்பமாகும்.

தலைவரின் எண்ணங்களுக்கு அமைவாக மாணவர்களின் கல்வியை உயர்த்துவதற்கு நாமும் செயற்பட்டு வருகின்றோம். ஆனால் சிறிலங்கா அரசானது தமிழ் மாணவர்களின் கல்வியை சிதைத்து விடுதலைப் போராட்டத்திலிருந்து இளைய தலைமுறையை விலக்கி வைப்பதற்கு முயற்சி செய்து வருகின்றது. அதற்காக பல தடைகளையும் ஏற்படுத்தி வருகின்றது. சிங்கள அரசின் தடைகளை தகர்த்து எறிந்து மாணவர்கள் கல்விப் பாதையில் முன்னேறிச் செல்ல வேண்டும். போர்ச் சூழலை நாம் காரணங்களாக கூறிக்கொண்டிருக்க முடியாது. நம்பிக்கையுடன் கல்வியில் மாணவர்கள் அக்கறை செலுத்தி முன்னேற வேண்டும் அதற்காக எமது விடுதலை அமைப்பு, மாணவர் அமைப்பின் ஊடாக சாந்தி, தேவன், மாறன் போன்ற பல இல்லங்கள் ஊடாக கல்விக்கு பெரும் பங்காற்றி வருகின்றது என்றார் பா.நடேசன்.

இந்தியாவில் பல ஏற்ற தாழ்வுகளையும், சமூக முன்னேற்ற தடைகளையும் போக்கும் என நம்பப்படும் ஆனால் பல வருடங்களாக நடைமுறை படுத்தப்படாமல் இருக்கும் சமச்சீர் கல்வி முறையை இந்தியாவிற்கு முன்னோடியாக தமிழின தலைவர் பிரபாகரன் தமிழீழத்தில் நடைமுறை படுத்த போகிறார்...

தன் மக்கள் மீதும், தன் இனத்தின் மீதும், தன் மொழியின் மீதும், தன் மண் மீதும் பற்றுள்ள ஒரு மகத்தான தலைவரை, வழிகாட்டியை பெற்றிருக்கும் தமிழீழம் புண்ணியம் பண்ணிய பூமி...

எங்க ஊர்ல நல்லா படிக்காதவனையோ இல்ல நல்லா வேலை பார்க்காதவனையோ நல்லா பன்னுபவனோடு ஒப்பிட்டு "அவன் ________ குடிடா, அப்போவது அவன் போல அறிவு வருதான்னு பாக்கலாம்" சொல்லி திட்டுவார்கள்... அது தான் என் நியாபகத்துக்கு வருது இப்போ...

கர்நாடக போதைக்கு ஊறுகாய் தமிழகம்!

2008-04-23T14:45:00.004-04:00

ஒகேனக்கல் பிரச்னை 'அடைமழை விட்டாலும் செடிமழை விடாத' கதையாக இன்னும் தொடர்கிறது!

மே 10-ம் தேதி கர்நாடகத்தில் சட்டசபைத் தேர்தல் அறிவிக்கப்பட்ட நிலையில், பெங்களூருவைத் தலைமைய கமாகக் கொண்டு கர்நாடகா மற்றும் தமிழகத்தில் இயங்கி வரும் 'தனித்தமிழர் சேனை' அமைப்பு அங்குள்ள அரசியல்வாதிகளின் சுயரூபத்தைத் தோலுரித்துக் காட்டத் தயாராகிவருகிறது!

அந்த அமைப்பின் நிறுவனர் நகைமுகன் அதுபற்றி நம்மிடம் விரிவாகப் பேசினார். ''ஆரம்பத்திலிருந்து கவனித்துப் பார்த்தாலே தெரியும். காவிரிப் பிரச்னை எழும்போதெல்லாம், ஒன்று... கர்நாடகத்தில் தேர்தல் வரும் நேரமாக இருக்கும். அல்லது, அங்கு ஆளுங்கட்சிக்கு வேறு ஏதாவது பெரிய பிரச்னை புகையத் தொடங்கியிருக்கும். இம்மாதிரி சந்தர்ப்பங்களிலிருந்து கர்நாடக மக்களையும்

எதிர்க்கட்சிகளையும் திசைதிருப்பவே காவிரிப் பிரச்னை பயன்படுத்தப்பட்டிருக்கிறது. மற்றபடி, கர்நாடகத்தில் எஸ்.எம்.கிருஷ்ணா, தேவகவுடா, எடியூரப்பா, வாட்டாள் நாகராஜ், இன்னுமுள்ள துண்டு துக்கடா அரசியல்வாதிகள் யாருக்குமே கர்நாடக மக்கள் மீது உண்மையான அக்கறை இல்லை.

காவிரிப் பிரச்னைக்கு இணையாக கர்நாடகத்தில் பல நிரந்தரப் பிரச்னைகள் காலங்காலமாக இருந்துவருவது தமிழக அரசியல்வாதிகள் பலருக்குத் தெரியாது. தமிழகத்தில் 80 சதவிகிதத்தினர் தமிழர்கள்; கேரளாவில் 70 சதவிகிதத்தினர் மலையாளிகள்; ஆந்திராவில் 66 சதவிகிதத்தினர் தெலுங்கர்கள்; ஆனால், கர்நாடகத்தில் 40 சதவிகிதம் மட்டுமே கன்னடர்கள் இருக்கின்றனர். மீதமுள்ள 60 சதவிகிதத்தினர் கன்னடர் அல்லாதோர். அதில், பெரும்பான்மையாக 28 சதவிகிதம் தமிழர்கள். கூர்க் பகுதியில் (குடகு மலைப்பகுதி) கொடவா மொழி பேசும் மக்கள், மங்களூர், உடுப்பியில் துளு மொழி பேசும் மக்கள், பெல்காம் பகுதியில் மராட்டி மொழி பேசும் மக்கள் மற்றும் கர்நாடகாவின் பல பகுதிகளிலும் தெலுங்கு, மலையாளம் பேசும் மக்கள் உள்ளனர்.

இவர்களுக்கும் மாநில அரசுக்கும் பல்வேறு பிரச்னைகள் எப்போதும் புகைந்தவண்ணம் இருக்கிறது. பெல்காம் (மகாராஷ்டிர எல்லைப் பகுதி) பகுதியில் கர்நாடகாவுக்கும் மகாராஷ்டிராவுக்கும் எல்லைப் பிரச்னை இருக்கிறது. இந்தப் பிரச்னையில் சிவசேனாவும், சரத்பவாரின் தேசியவாத காங்கிரஸ§ம் கர்நாடகத்தை பகிரங்கமாகவே கண்டித்துவருகின்றன. மகாராஷ்டி ரத்தில் 'மகாராஷ்டிரா ஏகிகரன் சமிதி' (Maharastra Ekikaran Samiti) என்ற அமைப்பு கர்நாடகத்திலுள்ள சில பகுதிகளைக் கேட்டுப் போராடிவருகிறது. இதற்காக சில ஆண்டுகளுக்கு முன் 'மகாஜன் கமிட்டி' அமைக்கப்பட்டு, அந்த கமிட்டியும் சில பகுதிகளை இரு மாநிலங்களும் பரஸ்பரம் மாற்றிக் கொடுத்துக்கொள்ள வேண்டும் என்று அறிக்கை சமர்ப்பித்தும், கர்நாடக அரசின் அலட்சியத்தால் இதுவரை இப்பிரச்னை தீர்க்கப்படவில்லை

மங்களூர், உடுப்பி உள்ளிட்ட பகுதிகளில் பெரும் பான்மையாக வசிக்கும் துளு மொழி பேசும் மக்கள், பல ஆண்டுகளாக தங்களுக்கென தனிநாடு கேட்டுப் போராடி வருகின்றனர். அவர்கள் போராடுவதற்கும் நியாயமான காரணம் இருக்கிறது. தமிழ், தெலுங்கு, மலையாளம், கன்னடம், துளு என்று திராவிட மொழிகள் ஐந்து. மொழி வாரியாக மாநிலங்கள் பிரிக்கப்பட்டபோது துளு பேசுபவர்களுக்கு மட்டும் தனி மாநிலம் தரப்படவில்லை. இதனால், அவர்கள் 'துளுநாடு சேனா' என்ற அமைப்பை நிறுவிப் போராடிவருகின்றனர். கொடவா மொழி பேசும் மக்கள் குடகு நாடு கேட்டுப் போராட்டம் நடத்துகிறார்கள்'' என்று சொல்லிக்கொண்டே வந்த நகைமுகன், தமிழர் பிரச்னைக்கு வந்தார்- ''கோயம்புத்தூர் மாவட்டத்தில் இருந்த கொள்ளேகால் அநியாயமாக முன்பு மைசூருடன் இணைக்கப்பட்டு விட்டது. இப்படி இன்னும் பல பகுதிகளைச் சொல்லலாம். இதை எல்லாம் நாம் திருப்பிக் கேட்டால் கர்நாடகம் தாங்குமா?

இப்படித் தங்கள் மாநிலத்துக்குள்ளும், பிற மாநிலங் களிடமும் இருக்கும் பிரச்னைகளைத் தேர்தல் நேரத்தில் மறக்கடித்து திசைதிருப்ப ஒவ்வொரு முறையும் காவிரிப் பிரச்னை எழுப்பப்படுகிறது. கர்நாடகாவில் கன்னடர்களுக்கு அடுத்து மெஜாரிட்டியாக இருக்கும் தமிழனை அடித்து நொறுக்கி, அவனை பயம் கொள்ளச் செய்துவிட்டால் தனி மாநிலம் கேட்கும் மற்ற மொழி பேசும் மக்கள் பயந்துகொண்டு தாங்களாகவே அடங்கி விடுவார்கள் என்று நினைக்கிறது கர்நாடகம். இந்த நிலையில், தமிழகத்திலுள்ள அரசியல்வாதிகள் அலட்சியமாக உள்ளனர்.

இதனால் நாங்கள் களத்தில் இறங்கியுள்ளோம். ஒகேனக்கல் கூட்டு குடிநீர்த் திட்டத்தை நிறுத்தவோ, ஒத்திப்போடவோ எந்த அரசியல்வாதிக்கும் உரிமை யில்லை என்பதை சட்ட விதிமுறைகளின் ஆதாரங்க ளுடன் விளக்கி, தேசிய மனித உரிமை ஆணையம், தமிழ் நாடு மனித உரிமை ஆணையம் மற்றும் கர்நாடகா மனித உரிமை ஆணையம் ஆகியவற்றிடம் மனுத் தாக்கல் செய்துள்ளோம். இதில் நியாயம் கிடைக்கும்வரை ஓயமாட்டோம்'' என்று அனல் தெறிக்க முடித்தார் நகைமுகன்!

தொண்டை வரள சத்தம் போடுகிறோம்.தவிச்ச வாய்க்குத் தண்ணீர் கிடைத்தால் சரி!

தண்ணீர்ப் பிரச்னை மட்டுமின்றி, கர்நாடக தேர்தல்களின்போது வாக்குச் சீட்டுக்களில் தமிழ் இடம் பெற வேண்டும் என்றும் 'தனித்தமிழர் சேனை' போராடி வருகிறது. இதுகுறித்து நகைமுகன் நம்மிடம், ''தமிழகத்தில் உடுமலைப்பேட்டை பகுதியில் தெலுங்கிலும், கிருஷ்ண கிரி, ஓசூர் உள்ளிட்ட இடங்களில் கன்னடத்திலும், நாகர்கோவில் பகுதியில் மலையாளத்திலும் ஓட்டுச் சீட்டு அச்சடிக்கப்படுகிறது. கர்நாடகத்தில் கன்னடர்களுக்கு அடுத்தபடியாக அதிகம் வசிக்கும் தமிழர்கள் இருக்கும்போது, அங்கு தமிழிலும் ஓட்டுச் சீட்டு அச்சடிக்கப்படுவதுதான் நியாயம். இதுகுறித்து கர்நாடகா மற்றும் தேசிய தேர்தல் கமிஷனிடம் மனு அளித்துள்ளோம். தேவைப்பட்டால் நீதிமன்றத்தை அணுகவும் தயாராக இருக்கிறோம்'' என்றார்.

நன்றி - ஜூனியர் விகடன்.

இவ்ளோ பிரச்னையை வைத்துக்கொண்டே கர்நாடகம் இந்த ஆட்டம் போடுதே. அதெல்லாம் இல்லேன்னா இந்நேரம் தமிழனை குழி தோண்டி பொதைத்திருப்பார்கள்.நகைமுகன் போன்ற தமிழ் உணர்வாளர்கள் இருக்க போய் தான் கர்நாடக தமிழன் இந்த அளவுக்காவது பாதுகாப்போடு இருக்கான். தொடரட்டும் அவர் பணி.... வாழ்க அவர் தொண்டு...

உலகத் தமிழர்களுக்கு ஒரு கடிதம்.......

2008-04-18T01:03:00.007-04:00

(கண்கள் நிறையக் கனவுகளோடும், துள்ளி விளையாடிய கால்களில் ஷெல்அடித்த ரணங்களின் வலியோடும் அகதி முகாமில் வாடும் புலம்பெயர்ந்த ஈழக் குழந்தையின் கிழிந்து போன சட்டைப்பைகளில் இருந்த உடைந்த பென்சிலின் ஒட்டுத்துண்டில் இந்தக்கடிதம் எழுதப்படுகிறது)

நலமுடன் இருக்கிறீர்களா? உலகத் தமிழர்களே? குண்டு விழாத வீடுகளில், அமெரிக்காவுடனான அணுகுண்டு ஒப்பந்தத்தில் கையெழுத்திடுவது பற்றி அளவளாவிக் கொண்டிருப்பீர்கள், இடைஞ்சலான நேரத்தில் கடிதம் எழுதுகிறேனா?

எனக்குத் தெரியும், என் வீட்டுக் கூரையில் விழுந்த சிங்களவிமானத்தின் குண்டுகள் என்னைப் போல பல்லாயிரக்கணக்கான தமிழ்க்குழந்தைகளை அநாதை ஆக்கிய போது, நீங்கள் எதாவது நெடுந்தொடரின் நாயகிக்காகக் கண்ணீர் விட்டுக் கரைந்திருப்பீர்கள்......

எண் அம்மாவும் அப்பாவும் அரைகுறையாய் வெந்து வீழ்ந்தபோது, உங்கள் வீட்டு வரவேற்ப்பறைகளில் அரைகுறை ஆடைகளுடன் அக்காமாரெல்லாம் ஆடும் " மஸ்தானா, மஸ்தானாவின்" அரையிறுதிச் சுற்று முடிவுக்கு வந்திருக்கும்.

அண்ணனும், தம்பியும் நன்றாகப் படிக்கிறார்களா? அம்மா, அப்பாவின் மறைவுக்குப் பின்னால், எனக்குத் தலை வாரிவிட்டு, பட்டம்மா வீட்டில் அவித்த இட்டலி கொடுத்துப் பள்ளிக்கு அனுப்பிய அண்ணனும் இப்போது இல்லை, நீண்ட தேடலுக்குப் பின்னர் கிடைத்த அவன் கால்களை மட்டும் மாமாவும், சித்தப்பாவும் வன்னிக் காடுகளில் நல்லடக்கம் செய்தார்கள்.....அப்போதே எழுத வேண்டும் என்று ஆசைதான் எனக்கு, நீங்கள் இலங்கை கிரிக்கெட் அணியின் இந்தியச் சுற்றுப் பயணத்தை, இரவு பகல் ஆட்டமாய்ப் பார்த்திருந்தீர்கள்...அதனால் தான் எழுதவில்லை........

ஒலிம்பிக் தீபத்தின் சுடர்களை உலகம் முழுவதும், என்னைப்போல ஒரு மலை நாட்டு திபெத் சிறுவனும், அவன் இனத்துப்பெரியவரும் சந்து பொந்தெல்லாம் மறித்துத் தடுத்தபோது, எனக்கு உங்கள் நினைவு வந்தது.....

அதுமட்டுமல்ல, இந்திய அரசுகளின் உதவியோடு, இலங்கை ராணுவத்திற்கு நன்றி சொல்லும் திரைப்படச் சுருளின் பிரதிகளும் நெஞ்சில் நிழலாடியது.ஒரு பக்கம், இரங்கற்பா எழுதிக் கொண்டு, மறுபக்கம், நவீன ஆயுதங்களை அனுப்பி வைக்கும் உங்கள் கூட்டணித் தலைவர்கள் எல்லாம் நலமா தமிழர்களே? இன்னொரு முறை ஆயுதங்கள் அனுப்பும் போது மறக்காமல் ஒரு இரங்கற்பா அனுப்புங்கள், சாவின் மடியில் எங்களுக்கு ஒரு தமிழ்க் கவிதையாவது கிடைக்கும் அல்லவா?

இன்னொரு தமிழகத்தின் மறைவான இடத்தில் நீங்கள் இலங்கை ராணுவத்திற்கு பயிற்சி அளிக்கும் போது, குழந்தைகளையும், கர்ப்பிணிப் பெண்களையும் வலியின்றிக் கொல்வது பற்றி ஒரு வகுப்பெடுத்து விடுங்கள். கொஞ்சம் பாவமாவது குறையட்டும்.......

மாஞ்சோலையில் ஒரு மாலை நேரத்தின் மங்கலான வெளிச்சத்தில், தம்பியின் பிஞ்சு உடல் நான்கைந்தாய் சிதறடிக்கப்பட்ட அந்த கோர நாளில் நாங்கள் எல்லாம் கூட்டமாய் அழுது கொண்டிருந்தோம், குழந்தைகள் இருக்கும் பள்ளிக்கூடங்களை தேடிக் கண்டு பிடித்து கொலை வெறியோடு உங்கள் "நேச நாட்டு" விமானங்கள் குண்டு மாரி பொழிந்த போது நீங்கள் இந்திய விடுதலையின் பொன் விழாக் கொண்டாட்டங்களுக்கான குறுஞ்செய்தி வாழ்த்துக்களில் களித்திருந்தீர்கள், உலகத் தொலைக்காட்சிகளின் நீங்கள் பார்த்து மகிழும் முதன் முறைத் திரைப்படங்கள் தடை படுமே என்று தான் அப்போது எழுதவில்லை,

)

எங்கள் இனப் போராளிகளை கொன்று குவித்து, நிர்வாணமாக்கி, இறந்த உடலுக்குக் கொடுக்கின்ற இறுதி மரியாதை இல்லாமல், எம் இறப்பை எள்ளி நகையாடிய உங்கள் " சார்க்" கூட்டாளியின் கொடிய முகம் கண்ட போதே எழுதி இருக்க வேண்டும்.அப்போது நீங்கள் கட்சி மாநாடுகளில் கவனமாய் இருந்தீர்கள், பெண்களின் இடுப்பில் பம்பரம் விட்ட களைப்பில் கட்சி துவக்கிய கேப்டன்களின் பின்னால் அணிவகுத்து நின்றீர்கள், நீங்கள் போட்ட வாழ்க கோஷங்களின் இரைச்சலில் எங்கள் நிஜக் கேப்டன்களின் வீரமரணம் கேள்விக் குறியாய்க் கலைந்து போனது, தமிழர்களே?

அப்பாவின் வயிற்றை அணைத்துக் கொண்டு, செப்பயான் குளத்தில் முங்கி எழுந்த நினைவுகளை மனதில் சுமந்து கொண்டு, வாரம் இரண்டு முறை அடிகுழாயில் அடித்து, அடித்து கொஞ்சமாய் ஒழுகும் தண்ணீர் நின்று போவதற்குள் ஓடி வந்து குளித்து விடுகிறேன் அகதி முகாமில்.முகாமின், தகரத் தடுப்புகளின் இடைவெளியில் தெரியும் பள்ளிக்கூடமும், அதிலிருந்து வரும் மதிய உணவின் வாசமும், அம்மாவின் மடியில் இருந்து, எப்போதும் கிடைக்கும் அன்பையும் எண் பழைய வாழ்வையும் நினைவு படுத்தும். ஆயினும் பாழும் வயிறு, பசி கலந்த வலி கொடுத்து பாய்ந்து ஓடி வரிசையில் நிறுத்தி விடும், அளந்து கொடுக்கப்படும் அவமானச் சோற்றுக்காய்......அப்போதெல்லாம் எழுதத் தோன்றும் எனக்கு, ஆனால் நீங்கள் பீஸாக் கடைகளின், வட்ட மேசைகளில் அமர்ந்து ஆங்கிலம் பேசிக் கொண்டிருந்தீர்கள், எழுதத் தோன்றவில்லை.....எனக்கு....

அமைதியாய் விடியும் பொழுதும்,

அழகாய்க் கூவும் குயிலும்,

தோகை விரிக்கும் மயிலும்,

காதல் பேசும் கண்களும்,

தாத்தா பிடித்த மீன்களில் அம்மா வைத்த குழம்பும்,

தாமரை மலரின் தாள்கள் பறிக்க நாங்கள் குதித்த குளங்களும்,

பக்கத்து வீட்டுப் பாண்டி அண்ணன் வேடு கட்டக் குவித்து வைத்த மணலும்,

அதில் சங்கு பொறுக்கி விளையாடிய என் தம்பியின் கால் தடங்களும்,

கருவேலன் காடுகளில் பொன் வண்டு பிடித்த என் பழைய நினைவுகளும்,

இனிமேல் எனக்குக் கிடைக்கவே கிடைக்காதா உலகத் தமிழர்களே?

)

எல்லோரும் சேர்ந்து மூட ஞானிக்கு எழுதிய நீண்ட கடிதமெல்லாம் வேண்டாம் அண்ணா, என் கேள்விகளில் எதாவது ஒன்றுக்கு, உங்கள் வீட்டில் கிழித்து எறியப்படும் நாட்காட்டித் தாள்களின் பின்புறமாவது பதில் எழுதுங்கள், உலகத் தமிழர்களே........

ஏனெனில் நீங்கள் எழுதப் போகும் பதிலில் தான் ஒரு இருண்டு போன இனத்தின் விடுதலையும், துவண்டு போன அகதிகளின் வாழ்க்கையின் மறுபிறப்பும் இருக்கிறது.

வலி கலந்த நம்பிக்கைகளுடன்,
தம்பி யாழினியனுக்காக (அண்ணன் கை.அறிவழகன்)
15 ஏப்ரல் 2008.
நன்றி- உலக தமிழ் மக்கள் அரங்கம் -அற்குட்

மனதை மிகவும் கனக்க செய்த கடிதம்... தமிழினமே எப்போது உன் மௌனம் களைப்பாய்...?????????

இலங்கையால் இந்தியாவிற்கு ஆபத்து...

2008-04-17T20:32:00.002-04:00

இலங்கைக்கும் சீனாவிற்கும் ஆன நெருங்கிய உறவு தொடர்பு இலங்கை இந்திய உறவுகளில் தாக்கம் செலுத்தியுள்ளதை ஸ்ரீலங்கா அரசாங்கம் மறைமுகமாக ஏற்றுக் கொண்டுள்ளது. கொழும்பில் இன்று நடைபெற்ற செய்தியாளர் சந்திப்பில் ஸ்ரீலங்கா ஜனாதிபதியின் அண்மைய சீன விஜயம் குறித்து அமைச்சர் ஜீ.எல்.பீரிஸ் விளக்கமளித்திருந்தார்.

இந்த செய்தியாளர் சந்திப்பின் போது செய்தியாளர்களால் எழுப்பப்பட்ட சாதாரண கேள்விகளுக்கு மிக பொறுமையாக அமைச்சர் பீரிஸ் பதில் அளித்திருந்தார். சில செய்திளார்கள் இலங்கைக்கும் சீனாவிற்கும் இடையிலான நெருக்கமான உறவு இந்தியாவை சீற்றமடைய வைத்துள்ளதாக வெளியாகும் தகவல்கள் குறித்து அமைச்சரிடம் கேள்வி எழுப்பிய போது அதற்கு பதிலளிக்க மறுத்த அமைச்சர் உடனடியாக செய்தியாளர் சந்திப்பில் இருந்து வெளியேறியதாக தெரிவிக்கப்பட்டுள்ளது. இதன் மூலம் இலங்கை இந்திய உறவில் விரிசல் நிலை ஏற்பட்டுள்ளமை தெளிவகா தென்படுவதாகவும் எனினும் அது குறித்து கருத்து வெளியிட்டு நிலைமைகளை மோசமாக்க விரும்பாமடலே அமைச்சர் செய்தியாளர் சந்திப்பில் .இருந்து வெளியேறியதாகவும் தெரிவிக்கப்பட்டுள்ளது.

இதேவேளை இலங்கை சீன உறவுகள் குறித்தும் மகிந்த ராஜபக்சவின் சீன விஜயம் குறித்தும் இந்திய தரப்பிற்கு விளக்கமளிப்பதற்கு மகிந்த ராஜபக்சவின் சிறப்பு பிரதிநிதி ஒருவர் விரைவில் இந்தியாவிற்கு அனுப்பி வைக்கப்பட்டவுள்ளதாக தெரியவந்துள்ளது.

நன்றி - யாழ்.காம்

இந்தியாவிற்க்கு என்றைக்குமே சீனா ஒரு அச்சுறுத்தல் தான். அந்நாட்டுடன் உறவில் உள்ள எந்த நாடும் நமக்கு எதிரி நாடே. இலங்கை இப்பொது அந்நாட்டுடன் மிக நெருங்கி வருகிறது. சீனா உதவதற்கு ஒரே காரணம் இந்தியாவை அச்சுறுத்த வேண்டும் என்ற நோக்கம் தான் ஒழிய வேறொன்றும் இருக்க முடியாது. இதே போல் தான் பாகிஸ்தானோடும் நெருக்கம் காட்டி வருகிறது. இந்தியாவிற்கு பேரழிவை ஏற்படுத்தும் நோக்கத்துடனே இலங்கை நடந்து வருகிறது, பாதுகாப்பற்ற சூழலையும் உருவாக்கி வருகிறார்கள்

இந்தியா இப்போதாவது இலங்கையின் சுயநலபோக்கை புரிந்து கொண்டு அந்நாட்டுடன் இருக்கும் பாரிய உறவை நிறுத்தி அதை கண்காணிக்க வேண்டும். தமிழர்கள் மீதான தாக்குதல்களை நிறுத்துமாறு அழுத்தம் கொடுக்க வேண்டும். ஈழத்தமிழர்கள் இந்தியாவை தந்தை நாடென்று போற்றி மதித்து வருகிறார்கள். அதை புரிந்து கொண்டு தமிழீழ மலர இந்தியா வழிவகுத்தால் என்றுமே அவர்கள் இந்தியாவின் பாதுகாப்பிற்கு அரணாக விளங்குவார்கள் என்பதில் ஐயமில்லை...

தொடரும் ஒடுக்குமுறைகள்...

2008-04-16T18:33:00.006-04:00

மலேசியாவின் பிரபல "மக்கள் ஓசை" நாளேட்டின் பிரசுர பெர்மிட்டைப் புதுப்பிக்க உள்துறை அமைச்சு மறுத்து விட்டது. மாற்றரசாங்க கட்சிகளின் செய்திகள் அந்நாளிதழில் பரவலாக வெளியிடப்பட்டது இதற்கு காரணம் எனக் கருதப்படுகிறது.

இது தொடர்பாக மக்கள் ஓசை பொது நிர்வாகி எஸ்.எம்.பெரியசாமியைத் தொடர்பு கொண்டபோது அச்செய்தியை உறுதிப்படுத்தினார். பெர்மிட்டைப் புதுப்பிக்க செய்துகொள்ளப்பட்ட விண்ணப்பம் ஏற்கப்படவில்லை என அமைச்சு கடிதம் அனுப்பியிருப்பதாக அவர் குறிப்பிட்டார்.

விண்ணப்பம் நிராகரிக்கப்பட்டதற்கான காரணம் எதுவும் குறிப்பிடப்படவில்லை. பெர்மிட் முடிவடைவதற்கு மூன்று மாதங்களுக்கு முன்பே, ஜுலை மாதத்திலேயே, புதுப்பிப்பதற்கு விண்ணப்பம் செய்து விட்டதாக பெரியசாமி கூறினார். அக்டோபர் 15 திலிருந்து பெர்மிட் இல்லாமலேயே அது வெளியிடப்பட்டு வந்தது. அந்த நாளிதழில் மாற்றுக்கட்சிகளின் செய்திகள் குறிப்பாக கெஅடிலான் தலைவர் அன்வார் இப்ராகிம் பற்றிய செய்திகள் நிறைய வருவதுண்டு.

மக்கள் சக்தி இயக்கம் பற்றிய செய்திகளுக்கும் அதில் முக்கியத்துவம் கொடுக்கப்பட்டது. “உள்துறை அமைச்சின் முடிவுக்கு எதிராக முறையீடு செய்யப்போகிறோம்”, என பெரியசாமி கூறினார்.

நன்றி - மலேசியாஇன்று.காம்

இனவாத,பயங்கரவாத அரசுகளின் கோரதாண்டவங்கள் பத்திரிக்கை சுதந்திரத்தின் குரல் வலையை மிதித்து கொண்டே தான் ஆரம்பிக்கப்படுகின்றன. ஒரு இனத்தை அழிக்கவும், ஒடுக்கவும் அவர்களின் ஊடகங்களை தான் முதலில் ஒடுக்குகிறார்கள். 1970களில் இலங்கை அரசாங்கமும் முதலில் ஒடுக்கியது தமிழ் ஊடகங்களை தான். தமிழகத்தில் இருந்து வரும் சினிமா,பத்திரிக்கை என அனைத்து ஊடங்கங்களும் தடை செய்யப்பட்டு, தமிழகத்துடன் இருந்த இணைப்பை துண்டித்தனர்.

ஒரு நாட்டின் வளமான ஜனநாயகத்தை, நல்ல அரசாங்கத்தை, பொருளாதார வளர்ச்சியை அந்நாட்டின் பத்திரிக்கை சுதந்திரத்தின் அளவை வைத்தே கூறிவிடலாம். உலகில் நான்கில் மூன்று பங்கு மக்கள் வாழும் நாடுகளில் பத்திரிக்கை சுதந்திரம் மட்டுப்படுத்தபட்டே இருக்கிறதாக ஆய்வு சொல்கிறது. இருவகையாக சுதந்திரம் பறிக்கப்படுகிறது ஒன்று அரங்சங்க அனுமதி என்ற பெயரிலும் மற்றொன்று தவறான தகவலுக்கு தண்டனை என்ற முறையிலும் தான்.

1501 ஆண்டு போப் ஆறாம் அலெக்சாண்டர் என்பவர் தான் பத்திரிக்கைகளுக்கு கட்டுப்பாடு என்ற முறையை முதல் முறையாக கொண்டுவந்தார் என்கிறது வரலாறு. பத்திரிக்கை வெளியிடுபவர் எல்லோரும் சர்ச்சில் அனுமதி வாங்க வேண்டும் என்ற ஆணையை பிறப்பித்தார். அனுமதி பெறாதவர்களுக்கு தண்டனையும் வழங்கப்பட்டது. மத நம்பிக்கைக்கு எதிரான பிரச்சாரத்தை அடக்கவே அவ்வாறு செய்தார். இங்கிலாந்தில் தான் முதல்முதலாக பத்திரிக்கை சுதந்திரத்திற்கான போராட்டம் ஆரம்பித்தது. ஆனால் முதன் முதலில் பத்திரிக்கை சுதந்திரத்தை சட்டமாகியது அமெரிக்கா தான். "first amendment" என்ற பெயரில் உருவான அந்த சட்டம் தான் உலகளாவிய அளவின் பத்திரிக்கை சுதந்திரத்துக்கு அடிபோட்டது. "fourth எஸ்டேட்" நான்காம் தூண் என்று பத்திரிக்கை துறையை குறுப்பிட காரணம் அந்த சட்டம் தான்.

உலகில் அதிக பத்திரிக்கை சுதந்திரம் கொண்ட நாடுகள் பின்லாந்து, ஐஸ்லந்து, நெதர்லாந்து, நோர்வே, டென்மார்க், இர்லாந்து, ஸ்லோவொக்கியா, சுவிற்சர்லாந்து,நியூஜிலாந்து ஆகிய நாடுகள். குறைவான சுதந்திரம் கொண்ட நாடுகள் வட கொரியா, பர்மா, சீனா, வியேட்னாம்,நேபாளம், சௌதி அரேபியா, ஈரான் இறுதியாக இலங்கை. இதில் சீனா மற்றும் நேபாளத்தில் தவறான வார்த்தைகள், படங்களை பிரசுரிப்பதை அரசாங்கம் நினைத்தால் ௧ வருடம் வரை பத்திரிகையாளர்களுக்கு சிறை தண்டனை உண்டு.அதே போல் மேற்சொன்ன நாடுகளை சேர்த்து சில நாடுகளில் சர்ச்சைக்குரிய இடங்களுக்கு வெளிநாட்டு பத்திரிக்கையாளர்களை அந்நாட்டு அரசாங்க அனுமதிப்பதில்லை.

இடங்கள் :-

௧. செசென்யா, ரஷ்ய

௨. திருகோணமலை, இலங்கை

௩.மியான்மர், பர்மா

௪.பாபா, இந்தோனேசியா

௫.பெஷ்வர், பாகிஸ்தான்

௬.திபெத், சீனா

உலகில் பல்வேறு அமைப்புகள் பத்திரிக்கை சுதந்திரத்திற்காக போராடி வருகின்றன. "ஆர்டிகல் 19" என்ற மனித உரிமைக்கான அமைப்பு உலகளாவிய போராட்டத்தை இதற்காக நடத்தி வருகிறது. பத்திரிக்கை சுதந்திரத்திற்கான குழுமம் அண்ட் ஒரு அமைப்பும் 1981ஆம் ஆண்டில் இருந்து போராடி வருகிறது. இவர்களின் போராட்டத்தால் நேற்று கூட பாக்த்தாதில் அமெரிக்கா படையினரால் சிறைபிடிக்க பட்ட ஹுசைன் என்ற பத்திரிக்கையாளர் ௨ வருடங்கள் கழித்து மீட்கப்பட்டுளார். இப்படி பல்வேறு அமைப்புகள் உலகம் முழுவதும் இருக்கின்றன.

மொத்தத்தில் எங்கெல்லாம் ஊடங்களின் சுதந்திரம் நசுக்கப்டுகிறதோ அங்கெல்லாம் ஜனநாயத்தின் மூச்சு மெதுவாக நின்று கொண்டிருப்பதை தான் அர்த்தம்.

ஆடு நினையுதேனு ஓநாய் அழுகுது....

2008-04-16T00:38:00.003-04:00

கோவை: பங்கு சந்தை வணிகத்தில் பிற மதத்தினர் முதலீடு செய்வதை அரசு கண்காணிக்க வேண்டும் என இந்து முன்னணி அமைப்பாளர் ராமகோபாலன் கூறினார்.

கோவையை அடுத்த துடியலூரில் ராமகோபாலனுக்கு இந்து முன்னணி சார்பில் சதாபிஷேக விழா நடத்தப்பட்டது.அதில் கோவை வடக்கு மாவட்ட இந்து முன்னணி சார்பில் ராம கோபாலனுக்கு ரூ.81,000க்கான பண முடிப்பு வழங்கப்பட்டது.அதைப் பெற்றுக் கொண்ட ராமகோபாலன் பேசியதாவது:தமிழ்நாட்டில் அனைத்து இந்துக்களின் வீடுகளில் ராமாயணம், மகாபாராதம்,பகவத் கீதை போன்ற சமய நூல் வாங்கி வைப்பதோடு மட்டுமல்லாமல் அதை கண்டிப்பாக படிக்க வேண்டும்.

மதமாற்ற தடுப்புச் சட்டத்தை மீண்டும் அமல்படுத்த வேண்டும்.மதமாற்றத்தை பொதுமக்கள் விழிப்புணர்வுடன் எதிர் கொள்ள வேண்டும். பசுவதை தடை செய்ய வேண்டும். பசுக்களை போற்றி வளர்க்க வேண்டும்.

இந்துக்களுக்கு கிடைக்க கூடிய இடஒதுக்கீட்டை பிற மதத்தை சேர்ந்தவர்கள் பயன்பெறும் வகையில் இடஒதுக்கீடு அமைந்துள்ளதை மாற்ற வேண்டும்.

பிற மதத்தினர் பங்கு சந்தை வணிகத்தில் முதலீடு செய்வதை அரசு கண்காணிக்க வேண்டும்.என்னை கொலை செய்து விடுவேன் என மிரட்டல் விடுகிறார்கள். இதற்கு நான் கவலைப்படுவது இல்லை. நான் சேவை செய்யும் போது உயிர்விட ஆசைப்படுகிறேன் என்றார்.

நன்றி -தட்ஸ்தமிழ்.காம்

நம் நாட்டில் சென்சஸ் கணக்கு படி வறுமை கோட்டிற்கும் கீழ் அதாவது வீடு வாசல் இல்லாமல் இருப்பவர்கள் 27 சதவிகத மக்கள், அதே போல் 39 சதவிகத மக்கள் இன்னும் கல்வி அறிவற்றவர்களாக இருக்கிறார்கள். கணக்குப்படியே 39 என்றால் உண்மையில் கட்டாயம் அதற்கு மேல் இருக்கும். நிலைமை இப்படி இருக்க எல்லோரு வீட்லயும் ராமாயணமும், மகாபாரதமும் வச்சு படிக்கணுமாம்.

வீடுக்கும், படிப்புக்கும் வழி சொல்லுங்க சாமிகளா அப்புறம் இதெல்லாம் பாக்கலாம்..

இட ஒதிக்கீட்டை பற்றியெல்லாம் பேச ராமகோபாலனுக்கு போன்றோருக்கு என்ன அருகதை இருக்கிறது என்று தெரியவில்லை? இதுல மற்ற மதத்தினர் பயன் பெற கூடாதாம். என்ன நயவஞ்சகம்... ஒதிக்கீடே வேணாம்னு சொன்னவர்களுக்கு இப்பொது என்ன திடீர் பாசம், அக்கறை?. "ஆடு நினையுதேனு ஓநாய் அழுகுது.... "

அய்யா சாமி உங்கள் பாசத்தை எல்லா இந்துக்களை சரிசமாய் நடத்துவதில் காமியுங்கள் அப்புறம் அக்கறை படலாம் இட ஒதிகீட்டை பற்றி.

சேவை செய்யும்போதே உயிர் போய்விட வேண்டுமாம் (பணமுடிப்பு வாங்குனதுல உணர்ச்சி வசப்பட்டு பேசிட்டார் போல). பாவம் அவர் நினைக்கிற மாறி சாவு அவருக்கு அமையாது ஏன்னா இவர் என்னைக்கு சேவை செஞ்சிருக்கார் இனிமே செய்ய?. இவரினால் மக்களுக்கு ஒரு பிரயோஜனம் இருக்கா? ஒரு தமிழனுக்காவது இருக்கா? மெச்சுற மாறி உதவின்னு எதாவது செய்திருக்காரா? சுனாமி வந்துச்சு, இயற்கை அழிவுகள் பல வந்துச்சு இவரும் இவர் கட்சியும் ஒரு இடத்துல எதாவது உதவி செய்திருகிரார்களா? ஒண்ணும் கிடையாது.. இதுல சேவை செய்யும் போது உயிர் போகணுமாம்..

அய்யா சாமி உங்க திருவாயா மூடிகிட்டு இருந்து மத்தவன் உயிரை எடுக்காம இருங்க மொதல அப்புறமா நீங்க சேவை செய்யும் போது உயிரை விடுங்க, சேமியா செய்யும்போது உயிரை விடுங்க...

சமீபத்தில் ரசித்த பாடல்...

2008-04-16T00:05:00.004-04:00

எதொச்சையாக நேற்று இப்பாடலை கேட்கநேர்ந்தது , மிக அருமையான குரல், ஹிந்துஸ்தானி சாயல் இசை, பாடல் முழுக்க இழையோடும் ராகம் எல்லாம் கலந்து என்னை முழுமையாய் ஈர்த்து விட்டது. வார்த்தைகள் தான் முழுமையாய் புரியவில்லை...

ரசிக்க மொழி எதற்கு???????

நாம் தமிழர்களாக இருப்பதா? அல்லது இந்தியர்களாக இருப்பதா?..

2008-04-15T23:10:00.003-04:00

எப்போதுமே எனக்கு பிடித்த எழுத்துக்கு சொந்தக்காரர் பாமரன். நக்கலான, குசும்பாக, கிண்டல் மொழியில்,கவுண்டமணி நடையில் நறுக்கென்று பட்டு தெறிக்கும் அவரின் எழுத்துக்கள் மிகவும் ரசிக்ககூடியவை. அவரின் சில வார்த்தைகளை மறக்கவே முடியாது. உதாரணத்திற்கு பாய்ஸ் பட விமர்சனத்தில் சுஜாதாவை செவிட்டில் அடித்த "விஞ்ஞான வெண்ணெய்" வார்த்தை.

அவரின் எல்லா கட்டுரைகளும் என்னை கவர்வது மட்டுமல்லாமல் என் மன ஓட்டங்களுக்கு ஏற்றதாகவும், சில நேரம் உணர்ச்சி ஊட்டுவதாகவும் , நான் எழுத நினைத்து போலவும் இருக்கும். ஒரு விசயத்தில் கூட எனக்கு அவர் எழுத்துகளில் மாற்று கருத்து வந்ததில்லை (போகிற போக்கில் "அவர் பேனா எழுதுதானு சோதிக்க எதாவது கிறுக்கி இருந்தாலும்" அதையும் ரசிக்கும் நிலைமையில் இருக்கிறேன்).

மேல இருக்கும் எழுத்துக்களும் அந்த வகையை சார்ந்ததுதான்.

தேசியத்தை விட கர்நாடக மாநில நலனே முக்கியம்- தேசிய கட்சியின்(பா.ஜ.க) தலைவர் எடியுரப்பா பேட்டி...

2008-04-14T22:48:00.011-04:00

According to you, what is the central issue at Hogenakkal?
There is a long standing dispute between our state and Tamil Nadu on Hogenakkal. We had agreed to a joint survey to settle the territorial question. Before such a survey could take place, Tamil Nadu announced the drinking water project at Hogenakkal. For any project to take place, don’t you need approvals? Clearance from the environment ministry, the Centre?
Tamil Nadu obtained clearance from the Centre in 1998. Karnataka gave the go-ahead based on TN’s clearance of the Bangalore drinking water supply.
I am not aware of this. I don’t think that this is true.
Are you suggesting that Tamil Nadu went ahead without the Centre’s approval?
I am not aware of any clearance being granted.
There are official papers available... the NDA government was in power in 1998.
As far as I know, these are rumours created to mislead people and malign the BJP — where are the papers to prove this? Why isn’t the Centre producing this as evidence? If Tamil Nadu says it has all the documents, let them show it to us.
Why did you go to Hogenakkal?
I only went there to understand the issue better.The controversy and the violence started with your visit.Did I make any inflammatory statements? I only went there and came back. Why did Karunanidhi react in that manner? It was unnecessary for him to talk the way he did. But I am against any tensions being created between the people of the two states.
So you are not responsibile for the violence in Bangalore?
I blame the UPA government for this mess now. They should call the representatives of both states and sit down for a discussion immediately. Instead they are just letting the controversy grow. Karnataka is under President’s Rule. The prime minister should call the governor and Karunanidhi.
You didn’t anticipate these kinds of reactions?
Do you ever know what lies in the future? Did Karunanidhi expect such a reaction? Of course I didn’t expect this.
Your visit seemed like it was an election gimmick.
Timing is not the issue. I will go anywhere to raise issues concerning the people of the state.
Why didn’t you visit the place earlier?
I didn’t go earlier because it was not an issue earlier. They laid the foundation stone (on February 26) without consultations and that’s how the controversy started.
Are you saying that you didn’t have the elections in mind?
That’s ridiculous. Remember that when I went, the elections hadn’t been announced.The dates weren’t, but everyone knew elections were in May, Election Commission had made clear statements...As far as I am concerned it could have been announced in September or October. To return to the issue, violence erupts every time tensions are created between the two states. In September 2007, Sangh Parivar activists torched a Tamil Nadu state bus and burnt alive two people.
This was after Karunanidhi’s statements, he should be conscious of the problems he creates. I don’t want to talk further about this.
L. Ganeshan, president of the BJP’s Tamil Nadu unit, condemned your visit to Hogenakal.
Everyone will place their state’s interests first.
But the BJP is a national party...
For me, Kannadigas are important. My state will always come first. It is the same with him.

நன்றி- தெகல்கா.காம்

என்ன கொடுமை இது, இரண்டு உயிர்களை எரித்ததை கண்டிக்காமல் கருணாநிதி பேசியதை தவறு என்கிறார்..இவர் இப்படி பேசியதற்கு இரண்டு கன்னடியரை தமிழகத்தில் எரித்தால் சரி என்று சொல்வாரா?..தமிழன் இந்தியனாய் இருக்கும்வரை அவன் உயிர் மயிர் தான் என்பதை மீண்டும் உறுதிப்படுத்தி இருக்கிறார்.

ஒவ்வொரு மாநிலத்துக்கும் ஒவ்வொரு கொள்கை வைத்து மாக்களை ஏமாற்ற இரட்டை வேடம் போடும் தேசிய கட்சிகளின் கோர முகத்தையும் கடைசி கேள்வியில் காட்டி இருக்கிறார்...

ஒட்டு பொறுக்கிகளின் ஏமாற்று வேலையின் உச்சகட்டம் தான் இந்திய தேசியம், நாம் எல்லாம் இந்தியர், தேசிய நலன் போன்ற போலி சித்தாந்தங்கள் என்பதையும் தமிழ் தேசிய மலர்ச்சியே தமிழர்களின் விடிவு என்பதையும் தமிழன் இப்போவேனும் உணரவேண்டும்.

வைகோவின் ஒசலோ கர்ஜனை...

2008-04-14T02:58:00.004-04:00

தொலைந்த வைகோவின் உண்மை முகம் ஒசலோ மாநாட்டில் மீண்டும் வெளிபட்டத்தில் மகிழ்ச்சி கொள்கிறது தமிழினம்... இந்த இந்த இந்த வைகோ தான் வேண்டும் தமிழனுக்கு...

வைகோவே,

ஈழநாடு பற்றி உணர்ச்சிபூர்வமாய் பேசிவிட்டு மீண்டும் கொடநாடு பற்றி பேச கிளம்பாதீர்கள்...

மறதமிழ் புலிகளின் வீரவணக்க கூட்டம் பேச வேண்டிய நீங்கள் மானம்கெட்ட தடிச்சிகளின் பிறந்தநாள் கூட்டம் பேசலாமா?

கொள்கைக்காய் உயிர் கொடுப்போரை உறவாய் வைத்துக்கொண்டு, கொள்ளை கும்பலுடன் உறவாடலமா?

"சூரிய" வெயிலின் சூடுக்காய் சாக்கடை பொந்துக்குள் ஒளியலமா?

போர்களத்து புலி போயஸ் தோட்டத்து புல்லாய் மாறலாமா?....

பிரபாகரன் படத்தில் இருப்பது என்ன?- தமிழர் சீமான் பேட்டி...

2008-04-14T01:18:00.005-04:00

seemaan interview ...

Hosted by eSnips

தமிழ் நாதம் இணைய வானொலிக்காக தமிழின உணர்வாளர் அண்ணன் சீமான் அளித்த பேட்டி.

அகதியாகி போன அன்னை... இடி வாங்கிய இருதயநாதர்....

2008-04-13T16:31:00.021-04:00

http://www.yarl.com/videoclips/view_video.php?viewkey=0ecb729a966504af0a63

நன்றி - தமிழீழ தேசிய தொலைகாட்சி...

பௌத்த சிங்கள இனவாத அரசின் இழிவான, பேடிதனமான போறேடுப்பினால் மடு மாதா ஆலயம் தாக்கப்பட்டு இன்றைக்கு அன்னையே அகதியாய் நிற்கிறாள். மாதாவோடு சேர்ந்து மடு பிரதேசத்திலிருந்து 12,000-க்கும் அதிகமானோர் இடம்பெயர்ந்துள்ளனர். அவர்கள் அனைவரும் மடுவுக்கு வடக்காக ஏ-32 வீதியில் மன்னார்- பூநகரி நெடுஞ்சாலையை அண்மித்த கிராமங்களுக்கு இடம்பெயர்ந்துள்ளனர். தமிழின அழிப்பில், பண்பாடு அழிப்பில், மொழி அழிப்பில் ஈடுபடும் பௌத்தத் அரசின் உண்மையான கோர முகம் மீண்டும் இப்போது நடந்த ஆலய தாக்குதலால் வெளிப்பட்டிருக்கிறது.

தொடர்ந்து போர் விதிகளை மீறி ஆலயமீதும், பாடசாலைகள் மீதும் சிங்கள இராணுவம் தாக்குதல் தொடுத்துக்கொண்டே வருகிறது. யாழ் நூலகம் ஆரம்பித்து செஞ்சோலை தொடர்ந்து இன்று மடு மாதா ஆலயம் வரை சொல்லி கொண்டே போகலாம். கண்டதுக்கெல்லாம் குரல் கொடுக்கும் சர்வதேச சமூகம் இதற்க்கு வாய் மூடி அமைதியாய் இருப்பது ஏன்?
சமய ஒற்றுமை, சகோதரத்துவம், சோசலிசம் பேசும் இந்தியா இதற்க்கு வாய் மூடி இருப்பது ஏன்?... சிறுபான்மையினரின் காவல், மதசார்பற்ற அரசு என்று கூவி ஒட்டு வாங்கும் கட்சிகள் எங்கே போனார்கள்?

எங்கே போனது நடுநிலைமை?.

எங்க போனது மத கோட்பாடு?..

எங்க போனது நியாயகுரல்கள்?..

சரி இவர்களை விடுவோம் கிருஸ்துவர்களின் தலைநகரம் வாடிகனில் இருந்து கூட கண்டன குரல் வரவில்லையே ஏன்?. மதவையும் கிறிஸ்துவை வைத்து பொழப்பு நடத்துவோர் கூட எதிர்த்து பேசவில்லையே ஏன்?

ஓட்டுக்கும், பொழப்புக்கும் மட்டும்தான் மதமா?.

தடுக்க முடியாத மக்களின் எழுச்சி...

2008-04-13T08:35:00.007-04:00

நேபாளத்தில் மன்னராட்சிக்கு முடிவுகட்டி முழுமையான ஜனநாயகத்திற்கு வித்திடும் புதிய அரசமைப்புச் சட்டத்தை உருவாக்கவுள்ள தேச சட்டப் பேரவையை தேர்வு செய்யும் தேர்தலில் மாவோயிஸ்ட் கட்சி அதிக இடங்களில் வெற்றி பெற்று முன்னிலையில் உள்ளது.

நேபாள தேச சட்டப் பேரவைக்கு மொத்தமுள்ள 240 இடங்களில் இதுவரை முடிவுகள் அறிவிக்கப்பட்ட 181 தொகுதிகளில் மாவோயிஸ்ட் கட்சி 101 இடங்களில் வெற்றி பெற்றுள்ளது. மாவோயிஸ்ட் கட்சியின் தலைவர் பிரசண்டா தலைநகர் காட்மாண்டு தொகுதியில் வெற்றி பெற்றுள்ளார். முன்னாள் பிரதமர் கிரிஜா பிரசாத் கொய்ராலாவின் நேபாள காங்கிரஸ் கட்சி 31 இடங்களிலும், நேபாள மார்க்சிஸ்ட் கம்யூனிஸ்ட் கட்சி 15 இடங்களிலும் வெற்றி பெற்றுள்ளன.மாவோயிஸ்ட் கட்சி அருதிப்பெரும்பான்மை பெற்று ஆட்சியைப் பிடிக்கும் என்று எதிர்பார்க்கப்படுகிறது.

நேபாளத்தில் 240 ஆண்டுகளாக நீடித்த மன்னராட்சிக்கு முடிவுகட்டும் இத்தேர்தலில் மன்னராட்சிக்கு ஆதரவான கட்சிகள் படுதோல்வியைச் சந்தித்துள்ளன. முடிவுகள் அனைத்தும் வெளிவருவதற்கு 10 நாட்கள் ஆகும் என்று கூறப்பட்டுள்ளது.

நன்றி - தமிழ்.வெப்துனியா.காம்

உலகளவில் மிகப்பெரிய அதிர்வலைகளை ஏற்படுத்திய செய்திகளில் இந்த செய்தியும் ஒன்று என்பதில் ஐயமில்லை. இது வரை ஆயுத போராளி குழுக்களாய், பயங்கரவாதிகளாய் ஊடகங்களாலும், வல்லாதிக்க சக்திகளாலும் சித்தரிக்கப்பட்ட மாவோயிஸ்ட்கள் இன்றைக்கு மக்கள் சக்தியில் உருவான எழுச்சியின் துணையோடு ஆட்சியை அமைக்க போகிறார்கள். மக்கள் நலனில் நாட்டமில்லாத எந்த ஆட்சியும், அரசாங்கமும், அரசபைகளும் வெகுநாள் நீடிக்க முடியாது என்பதற்கும், மக்கள் நன்மைகாய் இயங்கும் ஆயுத போராளிகள் எல்லாம் பயங்கரவாதிகள் அல்ல என்பதற்கும் மற்றுமொரு சாட்சி.

இந்த வெற்றியால் உலகநாடுகள் மத்தியில் மாவோயிஸ்ட் மேலிருந்த பார்வை கொஞ்சம் கொஞ்சமாய் மாற போகிறது. அமெரிக்காவிற்கான நேபாள தேர்தல் பார்வையாளர் முன்னால் அதிபர் ஜிம்மி கார்டர் விடுத்துள்ள அறிக்கையில் "அமெரிக்கா தன்னுடைய போக்கை மாற்றி மாவோயிஸ்ட் களுடன் உறவுகளை மேற்கொள்ளும் என்றும், இதுவரை உறவு வைக்காதது தவறு" என்றும் குறிப்பிட்டுள்ளார். தவறான வெளிநாட்டு கொள்கையால் நேபாள ஆதிக்க சக்திகளுக்கு துணைபோன இந்தியா போன்ற நாடுகளுக்கு இது பெருத்த அடி...இபோதாவது இந்தியா தன் அண்டை நாடுகளுடான தவறான வெளியுறவு கொள்கைகள் தவறு என்பதை அறியவேண்டும்.

"இலட்சியத்தால் ஒன்றுபட்ட எழுச்சிகொண்ட மக்களை எந்த ஒரு சக்தியாலும் ஒடுக்கிவிடமுடியாது..." என்ற தமிழ் தேசியத் தலைவர் வேலுப்பிள்ளை பிரபாகரன் அவர்களின் கூற்று மீதும் நிரூபிக்கப்பட்டுள்ளது, இதே மக்கள் எழுச்சி தான் தமிழீழ போராட்டத்தை முப்பது ஆண்டுகளாய் அதே தீரத்துடனும், வீரத்துடனும், ௧௮000 போராளிகளை களபலி குடுத்தும் இன்று வரை எந்த நாட்டின் உதவியும் இல்லாமல் மக்களின் உதவிடன் மட்டும் நடந்து வருகிறது. இந்த எழுச்சி நிச்சியம் ஒரு நாள் தமிழீழத்தை உருவாகியே தீரும்.

அகவே இப்பொதைய நிகழ்வை கருத்தில் கொண்டு இந்தியா மற்றும் ஏனைய சர்வதேச சமூகம் இலங்கையுடனான வெளியுறவு கொள்கையை திருத்திக்கொண்டு, மக்கள் ஆதரவு யார்க்கு, மக்களுக்கான தலைமை யார் என்பதை புரிந்து அவர்களை நோக்கி ஆதரவுகரம் நீட்ட வேண்டும். விடுதலை புலிகளை அங்கரித்து அவர்களுடன் உறவுகளை வகுத்துகொல்லவேண்டும் இல்லையேல் இப்போது விழுந்தது போல் மற்றும் ஒரு அடி விழும் என்பது உறுதி.

என் மகள்...தீவிரவாதி....

2008-04-11T13:14:00.008-04:00

படத்தை பற்றிய விவரங்களுக்கு http://www.snitt.no/ தொடுக்கவும்...

பெண் கரும்புலிகள் பற்றிய ஆவணப்படத்தின் தயாரிப்பாளருக்கு கொலை மிரட்டல்
[வெள்ளிக்கிழமை, 11 ஏப்ரல் 2008, 06:45 பி.ப ஈழம்] [செ.விசுவநாதன்]

தமிழீழ விடுதலைப் புலிகளில் இரண்டு பெண் கரும்புலிகள் பற்றிய ஆவணப்படத்தின் தயாரிப்பாளருக்கு கொலை மிரட்டல் விடுக்கப்பட்டுள்ளது.
"அமெரிக்காவில் துர்காமில் நடைபெறும் ஆவணப்படவிழாவில் "மை டோட்டர் த ரெரறிஸ்ட்" என்ற இரு பெண் கரும்புலிகள் ஆவணப்படத்தை வெளியிடுவதனைத் தடுப்பதில் சிறிலங்கா அரசாங்கம் தோல்வியடைந்த நிலையில் ஆவணப்படத்தின் இயக்குநருக்கு கொலை அச்சுறுத்தல் விடுக்கப்பட்டுள்ளதாக நோர்வே நாளிதழ் தெரிவித்துள்ளது.

புகழ்ச்சுடர் மற்றும் தர்சினி ஆகிய இரு பெண் கரும்புலிகளின் நாளாந்த வாழ்க்கையையும் மன உணர்வுகளையும் தர்சிகாவின் தாயார் குறித்தும் சித்தரிக்கக்கூடிய ஒரு ஆவணப் படம் இது. நோர்வே நாட்டின் கருத்து சுதந்திரத்துக்கான அமைப்பின் ஆதரவுடன் இந்த ஆவணப்படம் உருவாக்கப்பட்டுள்ளது.

சிறிலங்காவுக்குச் சென்றிருந்த ஆவணப்படத்தின் இயக்குநர் பேத்தே ஆனெஸ்தாத், சிறிலங்கா பாதுகாப்பு அமைச்சின் அனுமதியின்றி தமிழீழ விடுதலைப் புலிகளின் பகுதிக்குச் சென்றதாக அண்மையில் சிறிலங்கா அரசாங்கம் குற்றம் சாட்டியிருந்தது.

ஆனால் கருத்துச் சுதந்திரத்தை அனுமதிக்காத அரசாங்கத்திடம் கேட்க வேண்டிய தேவையில்லை என்றும் அதே நேரத்தில் நோர்வேத் தூதரகம் எமக்கு அனுமதி அளித்திருந்தது என்றும் இயக்குநர் பேத்தே ஆனெஸ்தாத் பதிலளித்திருந்தார்.

நன்றி - புதினம்.காம்

தமிழ்நாட்டில் பிரபாகரன் பட இயக்குனரை தாக்கியதற்கு கண்டனம் தெரிவித்த உலகமகா ஞானிகளும், நியாயபுலிகளும் இதற்கும் கண்டனத்தை தெரிவிக்க வேண்டும். ஆனால் கண்டிக்க மாட்டார்கள். தமிழ் படைப்பாளிகளின் கருத்து சுதந்திரம் பற்றி கவலைப்படாத ஆனால் தமிழனின் எதிரிகளின் கருத்து சுதந்திரத்திற்காக காட்டு கத்து கத்துவார்கள். ஏனென்றால் தமிழனின் எதிரிகள் தான் அவர்களுக்கு நண்பன், ஹிந்து ராம்களும், நாராயணன்களும், சிவசங்கர் மேனன்களும் போட்டு குடுத்த பாதை அது. அதை விட்டு எப்படி வரமுடியும்?. இவர்களுக்கெல்லாம் நடுநிலைவாதிகள் என்ற வேடம் வேறு... என்னத்தை சொல்ல... தமிழ்நாட்டுக்கு வந்த சோதனை...

பெரியார் சொன்னது உண்மைதான்... உண்மையான பார்ப்பானை கூட நம்பலாம் ஆனால் இந்த மாறி முற்போக்கு வேடம் போடும் பார்ப்பானை நம்பவே கூடாது என்று...

இறைவனின் தவறை திருத்துவோம்.

2008-04-11T09:51:00.005-04:00

அரவாணிகளுக்கு நல வாரியம் அமைப்பு - கருணாநிதி அறிவிப்பு

சென்னை: அரவாணிகளுக்கென தனி நல வாரியத்தை தமிழக அரசு அறிவித்துள்ளது. சமூக நலத்துறை அமைச்சர் இதன் தலைவராக இருப்பார் எனவும் அறிவிக்கப்பட்டுள்ளது.இதுகுறித்து அரசு வெளியிட்டுள்ள செய்திக்குறிப்பில், கடந்த ஜனவரி 23ம் தேதி தமிழக சட்டசபையில் இடம் பெற்ற ஆளுநர் உரையில் அரவாணிகளுக்கு நல வாரியம் அமைக்கப்படும் என அறிவிக்கப்பட்டிருந்தது.அதன்படி தற்போது தமிழ்நாடு அரவாணிகள் நல வாரியம் எனும் புதிய அமைப்பு தொடங்கப்படுகிறது.

நன்றி - தட்ஸ்தமிழ்.காம்

The Rationing of RightsTamil Nadu’s recent addition of a third gender column on ration card applications is one of a series of much needed, progressive reforms that benefit hijras்.

DISCRIMINATED AGAINST and forced to live in secluded communities, India’s hijras have always had to fight for basic entitlements. Two weeks ago, however, a major victory was achieved when Tamil Nadu added a third gender to ration cards. Hijras may now enter a ‘T’ (for transgender) in place of a ‘M’ or ‘F’ on ration cards. The move makes Tamil Nadu the first Indian state to officially recognise its hijra citizens.The new rule is cause for great joy. “The government has now recognised us as a third gender. It gives us much needed dignity in society,” says Noori, an HIV positive hijra, head of the South India Positive Network in Chennai. While an alphabet on a ration card may seem like a benign technicality, for Tamil Nadu’s estimated one lakh hijras (known locally as aravanis) it is a significant achievement. Ration cards, voting forms and passports have been available for aravanis only after a great deal of struggle. Ignorant administrators would leave the gender category blank, merely entering kuduma thalaivar (head of family) or, more often, ‘male’. “It is a positive development which will encourage more aravanis to openly declare themselves as transgenders,” says Jeeva, who heads the Transgenders Rights Association. Jeeva got her card in 2006, where she is referred to as kuduma thalaivar but her associate Shabina Francis is identified as ‘female.’

Historically, Tamil Nadu has had a very visible aravani community and, more recently, very vocal aravani activists. An aravani festival is held in the town of Koovagam annually, with a highly competitive “Miss Koovagam” beauty contest. Recently, it has been home to India’s first transgender television star, Rose.Yet, being hijra affects citizenship. Rose says, “It’s only been three or four years that ‘trans people’ have started asking for identity cards. Even now when we go and ask for IDs they don’t have a proper system to scrutinise our applications. Take my case. I wanted to change from a male name to a female one and retain the gender ‘M’ on my passport. If you want to change your gender on your passport, you need to have a sex reassignment surgery and I haven’t done that. For nine months my application was frozen because they didn’t know what to do.”

“We had initial success when passports with an ‘E’ (for eunuch) began to be issued two or three years ago,” says Arvind Narrain of the Alternative Law Forum, Bangalore. This raises a thorny issue. ‘Eunuch’ is used to describe a castrated man, a category most aravanis do not fit into. More to the point, the word is usually used derogatorily, so the official sanction of the category is a backhanded success.Laxmi Narayan Tripathi of Mumbai NGO Astitva says, “They first wrote male on my passport, then I argued and they put ‘E’ for eunuch, but that’s not right because I am not castrated.” However, after a long battle Laxmi succeeded. “Now they have put ‘TG’ (third gender) on my passport. In TG, everybody fits! Males, females, gays, bi-sexuals, women with alternative sexualities…” says an enthusiastic Laxmi.

RECOGNITION OF a third gender is a human rights issue. “The ration card is proof that you are a citizen,” says Reginald Watts of Bangalore NGO Sangama. “That’s one of the things you are asked for when opening a bank account, passport or driver’s license… anything.” Recent changes in Tamil Nadu are a result of relentless activism by the aravanis but other states lag far behind. “At a national level the movement still has a long way to go,” says Delhi gay rights activist Rahul Singh, “but this is a big step; other states should learn from this.”“Kerala, for example, is so violently oppressive that you don’t see transgenders. They have to run and hide, live disguised as men,” gripes Rose. “We have a visible population in Maharashtra, Delhi and a few other states but the others have a long way to go.” A lot needs to be done before hijras obtain equality. “Transgenders have been part of this culture for centuries. Whenever you pick up a religious book, we are mentioned. But today we are treated as nothing. The government talks of adivasis, tribals, but where are we mentioned?” asks a passionate Laxmi. The repealing of Article 377, often used as an excuse to harass hijras, is an issue which must be addressed, as must the right to education. “The government should follow Article 14 which talks about the right to education regardless of gender. Education gives you the ability to fight discrimination,” says Laxmi.

Again, Tamil Nadu, and the dmk government in particular, has been considerably enlightened. In 2006, its Department of SocialWelfare passed a landmark order stating that “admission in schools and colleges should not be denied based on sex identity.” The department had warned of “suitable disciplinary actions” in case of violations. “District collectors have been instructed to conduct special grievance days for aravanis once in three months,” says Asha Bharathi of Thamizhnaadu Aravanigal Association. The Department of Social Welfare recently announced plans to form a welfare board to implement education and health schemes foraravanis — again a first.The rest of India needs to catch up with Tamil Nadu. Even the Constitution only guarantees rights to men and women, leaving out hijras. “After the British were forced out everyone got independence except us. It is necessary that all sexual minority groups come together and fight for their rights,” exhorts Laxmi.With inputs from PC Vinoj குமார்

நன்றி - தெகல்கா.காம்

என் சக மனுசிகளின் வாழ்கையில் விளகேற்ற வழிவகுத்த தமிழக முதல்வர் கலைஞர் அவர்களுக்கு கோடான கோடி நன்றிகள். அன்பை போதிக்கும் கடவுள் பக்தர்களும், உலக மகா மேதாவிகள், மகாத்மா வழிவந்தவர்கள், என தம்பட்டம் அடிப்போரும் செய்யாத காரியத்தை நம் முதல்வர் செய்திருக்கிறார்.
இறைவன் இழைத்த தவறை திருத்த முயன்றிருக்கிறார் பெரியாரின் சீடன். வாழ்க நீ எம்மான்...

சமூக நீதியின் மாபெரும் வெற்றி... (தீர்ப்பின் முழு நகல் இணைக்கப்பட்டுள்ளது)

2008-04-10T10:39:00.006-04:00

டெல்லி: மத்திய அரசின் உயர் கல்வி நிறுவனங்களில் பிற்படுத்தப்பட்ட வகுப்பினருக்கு 27 சதவீத இட ஒதுக்கீடு அளிக்க வகை செய்யும் மத்திய அரசின் சட்டம் செல்லும் என்று உச்சநீதிமன்றம் வரலாற்றுச் சிறப்பு வாய்ந்த தீர்ப்பினை அளித்துள்ளது.

ஆனால், இந்த இட ஒதுக்கீட்டில் கிரீமி லேயர் பிரிவை (உயர் வருவாய் பிரிவினர்) சேர்க்கக் கூடாது என்றும் மத்திய அரசுக்கு உச்சநீதிமன்றம் உத்தரவிட்டுள்ளது.

ஐஐடி, ஐஐஎம் உள்ளிட்ட மத்திய அரசின் உயர் கல்வி நிறுவனங்களில் பிற்படுத்தப்பட்ட வகுப்பினருக்கு 27 சதவீத இட ஒதுக்கீடு அளிக்க வகை செய்யும் சட்டத்தை கடந்த ஆண்டு மத்திய அரசு கொண்டு வந்து நாடாளுமன்றத்தில் நிறைவேற்றியது.

இதை எதிர்த்து உச்சநீதிமன்றத்தில் வழக்கு தொடரப்பட்டது. இதை விசாரித்த உச்சநீதிமன்றம் கடந்த கல்வியாண்டில் இந்த சட்டத்தை அமல்படுத்த இடைக்காலத் தடை விதித்தது.

இந்த தடையை நீக்க வேண்டும், வழக்கை அரசியல் சாசன பெஞ்ச் விசாரணைக்கு அனுப்ப வேண்டும் என்று கோரி உச்சநீதிமன்ற தலைமை நீதிபதி கே.ஜி.பாலகிருஷ்ணனுக்கு மத்திய அரசு கோரிக்கை விடுத்தது.

இடைக்காலத் தடையை நீக்க மறுத்த தலைமை நீதிபதி, அரசியல் சாசன பெஞ்சுக்கு வழக்கை மாற்றி உத்தரவிட்டார். இந்த பெஞ்ச் தனது விசாரணையை மேற்கொண்டது. இன்று தீர்ப்பு அளிக்கப்பட்டது.

அதன்படி மத்திய அரசின் சட்டம் சரியானதே என்று தீர்ப்பளிக்கப்பட்டுள்ளது.

தலைமை நீதிபதி கே.ஜி.பாலகிருஷ்ணன் தலைமையிலான ஐந்து நீதிபதிகள் கொண்ட பெஞ்ச்சில், கே.ஜி.பாலகிருஷ்ணன், நீதிபதிகள் அரிஜித் பசாயத், சி.கே.தாக்கூர், ரவீந்திரன் ஆகியோர் மத்திய அரசின் சட்டம் செல்லும் என தீர்ப்பளித்தனர்

ஒரு நீதிபதி எதிர்ப்பு:

நீதிபதி தல்வீர் பண்டாரி மட்டும் செல்லாது என தீர்ப்பளித்தார். அவர் தனது தீர்ப்பில், அடிப்படைக் கல்விக்கு முக்கியத்துவம் தர வேண்டும். இந்திய அரசியல் சட்டத்தின் 21ஏ பிரிவின் கீழ் கல்வி என்பது அடிப்படை உரிமை என்று கூறப்பட்டுள்ளது என்று தெரிவித்திருந்தார்.

ஆனாலும் பெரும்பான்மை நீதிபதிகளின் தீர்ப்பு சாதகமாக இருந்ததால் மத்திய அரசின் இட ஒதுக்கீட்டு சட்டத் திருத்தம் செல்லும் என தலைமை நீதிபதி அறிவித்தார்.

தீர்ப்பின் முக்கிய அம்சங்கள்:
- சிறுபான்மையினர் கல்வி நிறுவனங்களுக்கு இட ஒதுக்கீட்டுச் சட்டம் பொருந்தாது. மேலும், அரசு உதவி பெறாத தனியார் கல்வி நிறுவனங்கள் தங்களது விருப்பப்படி நடந்து கொள்ளலாம்.
- முன்னாள், இன்னாள் சட்டமன்ற, நாடாளுமன்ற உறுப்பினர்களின் வாரிசுகளை கிரீமி லேயர் பிரிவில் சேர்க்க வேண்டும்.

இந்த வரலாற்றுச் சிறப்பு வாய்ந்த தீர்ப்பினைத் தொடர்ந்து இந்த கல்வியாண்டு முதல் பிற்படுத்தப்பட்ட வகுப்பினருக்கு ஐஐடி உள்ளிட்ட உயர் கல்வி நிறுவனங்களில் 27 சதவீத ஒதுக்கீடு அமலுக்கு வருகிறது.

27 சதவீத இட ஒதுக்கீடு தொடர்பான சட்டத் திருத்தம், அரசியல் சட்டத்தில் மேற்கொள்ளப்பட்டுள்ள 93வது திருத்தம் என்பது குறிப்பிடத்தக்கது.

நன்றி - தட்ஸ்தமிழ்.காம்

அனைவருக்கும் சமமான கல்வி, வேலைவாய்ப்பு, வாழ்நிலை ஏற்படுத்தவே சமூக நீதிக்கான போராட்டம் தொடங்கப்பட்டது. பெரியார் தொடங்கிவைத்த வைத்த போராட்டமும் அதற்கான அரசியல் சட்ட திருத்தமும் இன்று ஒரு மையில்கல்லை எட்டி இருக்கிறது. ஆம் அந்த தொடர் போராட்டம் பல்வேறு காலகட்டங்களில் பல்வேறு தலைமுறையினரால் எடுத்து செல்லப்பட்டு இன்று மாபெரும் வெற்றியை "உயர்கல்விகளில் பிற்படுத்தபட்டோருக்கான 27% இடஒதிக்கீடு செல்லும்" என்ற உச்சநீதிமன்ற தீர்ப்பின் மூலம் அடைந்திருக்கிறது.

இந்த அற்புதாமான தருணத்தில் நம் விடிவெள்ளி அய்யா பெரியார் அவர்களை வணங்கி, பல தடைகளை கலைந்து, எதிர்கொண்டு போராடிய அர்ஜுன்சிங், பா.ம.க, திமுக மற்றும் அனைத்து நல்ல உள்ளத்துக்கும் நன்றியினை காணிக்கையாக்குவோம்.

தீர்ப்பின் முழு நகலை படிக்க கீழே சொடுக்கவும்...

http://docs.google.com/Doc?id=dhnhzrkn_7cp93vtm8 - பகுதி - 1

http://docs.google.com/Doc?id=dhnhzrkn_6crsjzmd5 - பகுதி - 2

வாழ்க சமூக நீதி... வாழ்க மக்கள்...

ரஜினிக்கு மீண்டும் ஒரு ஆப்பு...

2008-04-02T17:13:00.006-04:00

நெய்வேலி பிரச்சனையின் போது ரஜினி தவறான முடிவு எடுத்ததால் அதுவரை அவருக்கு இருந்த செல்வாக்கில் எப்படி ஒரு அடி விழுந்ததோ... அதே போல இப்பவும் அவரு தப்பான முடிவு எடுத்தா விழுக போகுது... அதுக்கப்புறம் வெளி வந்த "பாபா"விற்கு ஆனா நிலைமை தான் இப்போ "ரோபோ"விற்கும்... அப்பாடி ரெம்ப சந்தோசமா இருக்கு...

இதில் பச்சை தமிழன் சத்தியராஜ் அவர்களுக்கு வரும் கோவம் அனைவருக்கும் கூடிய சீக்கிரம் வரும் அப்படி வரும் போது ஓவரா சீன போட்டுக்கிட்டு திரியும் ரஜினி மாறி ஆளுகளுக்கு பெரிய ஆப்பு என்பது என் கணக்கு..

உயிர் பிச்சை அல்ல.. மறுக்கப்பட்ட நீதி...

2008-04-02T10:39:00.005-04:00

தமிழக வரலாறு தெரிந்தவர்கள் ராஜிவ் காந்தி கொலையையும் அதற்கான தார்மீக காரணங்களை அறிந்திருப்பீர்கள். உண்மையான குற்றவாளிகளை இன்னும் சரியாக கண்டு கொள்ள முடியாத இந்திய புலனாய்வு படையின் லட்சனைதையும், குளறுபடிகளையும் அறிந்திருப்பீர்கள். அந்த குளறுபடியின் குட்டையில் சிக்கி தன் வாழ்வை இழந்தவர் தான் அண்ணன் பேரறிவாளன். 16 வருடமாக நீதிகாக அவரும், அவர் தாய் அற்புதம் அம்மாளும் போராடி கொண்டிருக்கிறார்.

தொடரும் தவிப்பு என்ற நாவல் மூலமாக தூக்கு மர நிழலில் நிற்கும் தன் மகனை மீட்கப் போராடும் அந்த அற்புத தாயின் உண்மைத்தவிப்பை பற்றி தென்செய்தி ஆசிரியர் பூங்குழலி உண்மையாய் விவரித்திருந்தார். (புத்தகம் வாங்க இங்கே சொடுக்கவும்). தமிழ் பற்றை, இன பற்றை தன் மகனுக்கு ஊட்டிய ஒரே காரணத்துக்காக அல்லல் படும், தவிக்கும் அந்த தாயின் நிலைமை யாருகே வரக்கூடாத ஒன்று...

அண்ணன் பேரறிவாளனின் வலைப்பூவை சமிபத்தில் என் சகோதரர் வழக்கறிஞர் பிரபு மூலமாக காண நேர்ந்தது. அதில் தன் நிலையை விளக்கி அவர் எழுதிய கடிதம் தான் "உயிர் பிச்சை அல்ல.. மறுக்கப்பட்ட நீதி...". உணர்வுள்ள தமிழர்கள் அனைவரும் படிக்க வேண்டிய வலைப்பூ, கடிதம்.

தமிழனாய், தமிழ் உணர்வுள்ளவராய் பிறந்த ஒரே காரணத்துக்காக அண்ணன் பேரறிவாளன் அவர்களுக்கு மறுக்கபட்ட நீதி வெகு சீக்கிரம் மீண்டும் கிடைக்க வாழ்த்தி... நாம்மால் ஆனா உதவி செய்வோம்.

வாழ்க அண்ணன் பேரறிவாளன்...

தவறு செய்த "கனியன்"... தவறு செய்யும் "கருணாநிதி"...

2008-03-31T13:43:00.005-04:00

பெங்களூர்:ஓகனேக்கல் கூட்டுக் குடிநீர்த் திட்டத்தை நிச்சயம் நிறைவேற்றுவோம் என்று முதல்வர் கருணாநிதி கூறியிருப்பதற்கு எதிர்ப்பு தெரிவித்து பெங்களூரில் இன்று வன்முறை மூண்டது. தமிழ்ப் படங்கள் திரையிடப்பட்ட இரு தியேட்டர்கள் சூறையாடப்பட்டன.ஓகனேக்கல் கூட்டுக் குடிநீர்த் திட்டத்திற்கு எதிர்ப்பு தெரிவித்து

வரும் கன்னட அமைப்புகள், ஓகனேக்கல் கர்நாடக்ததிற்குச் சொந்தமானது என்றும் வீம்பாக பேசி வருகின்றனர்.மேலும் ஏப்ரல் 9ம் தேதிக்குள் ஓகனேக்கல் திட்டத்தைக் கைவிட வேண்டும். இல்லாவிட்டால் தமிழக பேருந்துகளை தடுத்து நிறுத்துவோம், தமிழ்ப் படங்களை திரையிட விட மாட்டோம். தமிழ் டிவி சானல்களும் இருட்டடிப்பு செய்யப்படும் என கன்னட ரக்சன வேதிகே என்கிற கன்னட வெறியர் அமைப்பு எச்சரித்துள்ளது.

இதற்கு நேற்று சென்னையில் நடந்த பாலம் திறப்பு விழாவில் முதல்வர் கருணாநிதி கண்டனம் தெரிவித்தார். மத்திய அரசு உடனடியாக தலையிட்டு இந்திய இறையாண்மையைக் காக்க வேண்டும் என்று கோரிக்கை விடுத்தார். மேலும் ஓகனேக்கல் திட்டம் நிச்சயம் நிறைவேற்றப்படும் என்றும் அவர் உறுதியாக தெரிவித்தார்.இதையடுத்து கன்னட ரக்ஷன வேதிகே அமைப்பினர் இன்று பெங்களூரில் வன்முறையில் குதித்தனர். சேஷாத்ரிபுரம் பகுதியில் குவிந்த அவர்கள் அங்குள்ள நடராஜ் மற்றும் வினாயக் ஆகிய தியேட்டர்கள் மீது தாக்குதல் நடத்தினர்.இந்த தியேட்டர்களில் தமிழ்ப் படங்கள் திரையிடப்பட்ட தியேட்டர்களுக்குள் புகுந்த கும்பல் அங்கிருந்த கண்ணாடி ஷோ கேஸ்களை அடித்து உடைத்தனர்.

தியேட்டர் இருக்கைகளையும் கிழித்தெறிந்தனர்.பின்னர் அருகில் உள்ள கடைகளுக்குள் புகுந்த அக்கும்பல் அங்கு தமிழர்கள் வைத்துள்ள கடைகளையும் தாக்கி சேதப்படுத்தி விட்டு தப்பிச் சென்றனர்.இந்த சம்பவத்தால் அங்கு பதட்டம் ஏற்பட்டுள்ளது. சேஷாத்ரிபுரம் பகுதியில் போலீஸார் குவிக்கப்பட்டுள்ளனர். அதேபோல, தமிழர்கள் அதிகம் வசிக்கும் பகுதிகளிலும் போலீஸார் அதிக அளவில் குவிக்கப்பட்டுள்ளனர்

நன்றி - தட்ஸ்தமிழ்.com

"யாதும் ஊரே யாவரும் கேளிர்" என்று எவ்வளவு தவறான வார்த்தைகளை நம் முப்பாட்டன் கனியன் பூங்குன்றனார் கூறிவிட்டு சென்றிருக்கிறார். அதுவும் தமிழனிடம் சொல்லிருக்க கூடாத வார்தைகள். இந்தியா தேசியம் என்று கூறி திரியும் ஒட்டு பொறுக்கிகளின், ஏமாற்று பேர்வழிகளின் வார்தைகள் அது. இந்தியா தேசியத்துக்குள் இருந்து கொண்டே ஒருவன் தமிழகத்தில் இருந்து வரும் பேருந்துகளை உள்ள விட முடியாது என்று கூறி அவற்றை சிறை வைத்து, அடித்து நாசம் பண்ணுகிறான், குடிக்க தண்ணி எடுக்க கூடாதுன்னு சொல்லி பந்த் நடத்துறான்... அப்புறம் என்ன தேசியம், யாதும் ஊரே...மண்ணாங்கட்டி...
தமிழ் திரைப்படத்தை கூட திரை இட முடியாத நிலைமையில் மாற்ற மாநிலங்களில் இருக்கையில் தமிழ்நாட்டில் எந்த மாநிலத்து ஆட்கள் வேணாலும் முதலமைச்சர் கூட ஆகலாம் என்கிற நிலைமை அவன் இளிச்சவாய் தனத்துக்கு ஒரு எடுத்துக்காட்டு. அதை விட கொடுமை அதை பெருமையாய் வேற பேசி திரிவான் தமிழன் (அம்புட்டு நல்லவனா இருக்கான்...).

இறையாண்மை என்ற சொல்லை யாரவது பேசி கேட்டால் சமீபகாலமாக எனக்கு பயங்கர கோபம் வருகிறது. கடைசியா என் கோபத்திற்கு இலக்காகி இருப்பவர் நம்ம முதல்வர். சென்னையில் பாலம் திறப்பு விழா நிகழ்ச்சியில் அந்த வார்த்தையை சொல்லி கெஞ்சி கூத்தாடி இருக்காரு கன்னடத்து வெறியர்களிடம். தமிழனுக்கும் இறையாண்மைக்கும் ஏழாம் பொருத்தம் தான். இலங்கை இறையாண்மைகாக அங்க இருக்க தமிழன் அடிபடனும், இந்தியா இறையாண்மைகாக இங்க இருக்க தமிழன் அடிபடனும் என்று விதி இருக்கு போல. மும்பையில் அடிவாங்குனாலும், கர்நாடகாவில் அடிவாங்கினாலும் இந்தியா இறையாண்மைகாக வாயை போத்திகிட்டு இருக்கணும் தமிழன்.

முதல்வரே, திராவிடத்தின் கடைசி நம்பிக்கையே,

ராமேஸ்வரம் தமிழர்கள் இலங்கை கடற்படையால் சுட படும் போது எங்கே போனது இந்தியாவின் இறையாண்மை? காவேரி தண்ணீர் பிரச்சனையில் பேருந்தோடு தமிழர்கள் மூவர் எரிக்கப்பட்ட போது எங்க போனது இந்தியா இறையாண்மை?. எத்தனை நாள் தான் இந்த இறையாண்மையை காரணம் காட்டி தமிழர்களை காவு கொடுப்பதாய் உத்தேசம். போதும் நாம் கெஞ்சியது செயலில் இறங்கினால் ஒழிய கன்னடியர்கள் கொட்டம் அடங்காது...

தமிழனுக்கு "சாதிகள் தேவையடி பாப்பா"...

2008-03-27T13:57:00.004-04:00

எங்கு பிறப்பினும் தமிழன் தமிழனே.

இங்கு பிறப்பினும் அயலான் அயலானே.--பாரதிதாசன்

தமிழ் நாட்டில் வாழும் எல்லோரும் தன்னை தமிழன் என்கிறான். மராத்தியில் இருந்து நடிக்க வந்தவனும் தமிழன் என்கிறான். கன்னடத்தில் இருந்து வந்த பாப்பாதியும் நான் தமிழச்சின்னு சொல்றா.

அப்போ யார் தான் தமிழன்?..

நாம் தமிழர்கள் என்று எதை வைத்து வரையறுப்பது?.

நம் மண்ணின் மைந்தர்கள் யார்?.

தமிழனை அழிக்க நினைக்கும் இன விரோதிகளை, ஆரிய, வட இந்திய, பிற தென்மாநில வந்தேறிகளை நம்மிடமிருந்து எப்படி வேறுபடுத்துவது?

தமிழனின் அடையாளம் எது?

இதற்கெல்லாம் ஒரே பதில்தான் இருக்க முடியும் அது... சாதி...

நாம் தமிழர்கள் என்பதற்கான ஒரே அடையாளம் சாதி...

அக தமிழனுக்கு நான் தமிழன் என பறைசாற்றி கொள்ள சாதி தவிர வேறில்லை...

தமிழ் சாதிகளுக்குள் ஏற்ற தாழ்வு பிரச்சனையை இருக்கிறது என்பதை மறுக்க முடியாது, அது ஒழிக்க பட வேண்டும். ஆனால் மண்ணின் மைந்தர்களை அடையாளபடுத்தவும், தமிழனின் இன விரோதிகளை, வந்தேறிகளை தமிழனுக்கு அடையாளம் காட்டி அவர்களை எதிர்க்கவும், ஒற்றுமையான தமிழ் தேசியம் உருவாகவும் தமிழனுக்கு சாதிகளின் அவசியம்.

இதை பற்றிய என் எண்ணங்களும், கட்டுரைகளும் தொடரும்...

பச்சை தமிழ் வீர(ப்ப)ன்...

2008-03-27T13:24:00.004-04:00

கர்நாடக தமிழர்களின் பாதுகாவலனாக, சந்தனகட்டு மக்களின் காவல் தெய்வமாக வாழ்ந்த, காவேரி தண்ணீர் துறந்துவிடவில்லை என்றால் கர்நாடகா ஆணைகளுக்கு குண்டுவைப்பேன் என கூறிய பச்சை தமிழனின் உண்மை வரலாறை உலகுக்கு தெரியப்படுத்தும் மக்கள் தொலைக்காட்சிக்கு நன்றிகள்.... அந்த வீரனோடு பொதிந்து போன பல உண்மைகளையும் வெளி கொணர்ந்தால் நாட்டுக்குள்ளே நல்லவர்களாய் நடமாடும் பல கொள்ளை கும்பலின் முகத்திரைகள் கிழியும்...

நல்ல தொடக்கம்...

2008-03-26T16:49:00.005-04:00

விடுதலைப் புலிகள் இயக்கத் தலைவர் பிரபாகரன் குறித்து படம் எடுத்துள்ள சிங்கள இயக்குநரைக் கண்டித்து சென்னையில் தமிழர் அமைப்புகளைச் சேர்ந்தவர்கள் போராட்டம் நடத்தினர். அப்போது இயக்குநருக்கு சரமாரியாக அடி, உதை விழுந்தது.

இலங்கையைச் சேர்ந்த துஷாரா பெரீஸ் என்பவர் பிரபாகரன் என்ற பெயரில் விடுதலைப் புலிகள் இயக்கத் தலைவர் பிரபாகரன் குறித்துப் படம் எடுத்துள்ளார். இப்படத்தை சிங்களத்தில் எடுத்துள்ள அவர், படத்தின் இறுதிக் கட்ட வேலைகள் மற்றும் பிரிண்ட் போடுவதற்காக சென்னைக்கு வந்துள்ளார்.கே.கே.நகரில் உள்ள ஜெமினி கலர் லேபில் பிரிண்ட் போடும் பணி நடந்து வருகிறது. இந்தத் தகவல் தமிழர் அமைப்புகளைச் சேர்ந்தவர்களுக்குத் தெரிய வந்தது. இதையடுதது திராவிடர் இயக்க தமிழர் பேரவை தலைவர் சுப.வீரபாண்டியன், இயக்குநர் சீமான், விடுதலைச் சிறுத்தைகள் கட்சி செய்தித் தொடர்பாளர் வன்னியரசு உள்ளிட்டோர் தலைமையில் 50க்கும் மேற்பட்டோர் ஜெமினி லேபுக்கு விரைந்தனர்.லேபுக்கு முன்பு கூடி ஆர்ப்பாட்டத்தில் ஈடுபட்டனர். பிரபாகரன் பட பிரிண்ட் போடும் பணியை நிறுத்த வேண்டும் என்று கோரி கோஷமிட்டனர். இதையடுத்து இயக்குநர் பெரீஸ், தமிழர் அமைப்பினரை சமாதானப்படுத்துவதற்காக வெளியே வந்தார்.அப்போது கூட்டத்தில் இருந்த சிலர் பெரீஸ் மீது பாய்ந்து அவரை சரமாரியாக அடித்து உதைத்தனர். இதனால் பெரீஸ் அதி்ர்ச்சி அடைந்தார். அங்கு பரபரப்பு ஏற்பட்டது.தகவல் அறிந்ததும் போலீஸார் விரைந்து வந்தனர். தமிழர் அமைப்பினருடன் பேச்சுவார்த்தை நடத்தினர்.

இதையடுத்து வருகிற 27ம் தேதி பாமக நிறுவனர் டாக்டர் ராமதாஸ், விடுதலைச் சிறுத்தைகள் கட்சித் தலைவர் திருமாவளவன் ஆகியோருக்குப் படத்தைப் போட்டுக் காட்டுவது, அவர்களுக்கு ஆட்சேபனை இல்லை என்றால் பிரிண்ட் போட்டுக் கொடுத்து இலங்கைக்கு அனுப்புவது என்ற முடிவுக்கு அனைவரும் வந்தனர்.இதையடுத்து வருகிற 27ம் தேதி பிரபாகரன் படத்தை ராமதாஸும், திருமாவளவனும் பார்க்கவுள்ளனர். தமிழ் சப்-டைட்டிலுடன் படம் காட்டப்படவுள்ளதாக தெரிவிக்கப்பட்டுள்ளது.இந்தப் படத்தில் பிரபாகரன், தமிழர்களின் போராட்டம் குறித்து தவறான முறையில் சித்தரிக்கப்பட்டுள்ளதாக கருத்து பரவியுள்ளது.

நன்றி - தட்ஸ்தமிழ்.காம்

இந்த செய்தி படித்த உடனே எனக்கு மலையாளபட இயக்குனர்கள் நியாபகம் வருகிறார்கள். முக்காவாசி மலையாள படத்துல தமிழனை கேலிக்குரிய கதாபாத்திரமா, மொள்ளமாரியா, திருடனா காட்டுவதை வழக்கமாகவே கொண்டிருக்கிறார்கள். படங்களை உற்று நோக்கினால் தெரியும்.

மம்முட்டி படங்களில் ஆரம்பித்து பல படங்களை என்னால் சொல்ல முடியும். ஒரு தப்பான காவல்துறை அதிகாரியா இருப்பவர் என்றால் அவர் தமிழ்தான் பேசுவார், கதாநாயகன் முதல் காட்சியில் தோன்றி அநியாயத்தை தட்டி கேட்பார் என்றால் அந்த இடத்தில் அநியாயம் செய்பவர் தமிழ் பேசுவார், வில்லனோட சேர்ந்து இருந்து கடைசியில் வில்லனுகே துரோகம் செய்பவரா, அவர் தமிழ் பேசுபவராய் இருப்பார் (கடைசியில் வில்லன் கையாலே சாவார்). இப்படி தமிழ் பேசுகிற ஒருவன் பட திரையில் தோன்றினலே அது மரியாதை குரிய பாத்திரமாய் இருக்காது என அடித்து சொல்லி விடலாம். எல்லாம் அவர்கள் தமிழர்கர் மீது வைத்துள்ள வஞ்சகத்தின் வெளிப்பாடு. அப்படி எடுக்கப்படுகிற முக்கால்வாசி படத்துக்கு சென்னையில் தான் அச்சிடும், கடைசிகட்ட ஒலிப்பதிவு வேலைகள் நடைபெறுகிறது என்பது நிதர்சனம்.

சிங்கள இயக்குனருக்கு நம் தோழர்கள் அருமையாய் "கண்டனம்" தெரிவத்தது போல் தமிழனையே கேவலமாய் சித்தரிக்கும் மலையாள பட இயக்குனர் பெருமக்களுக்கும் "கண்டனம்" தெரிவிக்க வேண்டும். நம்ம ஊருகுள்ளவே வந்து நம்மவரை பற்றி தவறாக படம் எடுக்கும் எல்லா புறம்போக்குக்கும் இது ஒரு எச்சரிக்கையாய் அமையவேண்டும். நாம் இதுவரை அமைதியாய் இருந்து பண்ணிய தவறை திருத்த ஆரம்பித்த நல்ல தொடக்கம் இந்த அடி.

நெருப்பின் உருவம்...

2008-03-24T23:13:00.003-04:00

நெருப்பின் உருவத்தை பார்க்க வேண்டுமா?... வீரத்தின் குரலை கேட்க வேண்டுமா?... புரட்சியின் பிம்பத்தை காணவேண்டுமா?...

எரியும் கொள்ளிக்கு எண்ணையா???

2008-03-23T19:41:00.003-04:00

தமிழ்நாட்டிலிருந்து மின்சாரத்தைப் பெறுவதற்கான பேச்சுவார்த்தைகளை நடத்த தமது தலைமையிலான குழு விரைவில் இந்தியாவுக்குப் பயணம் மேற்கொள்ள உள்ளதாக சிறிலங்காவின் மின்துறை அமைச்சர் ஜோன் செனிவிரட்ன தெரிவித்துள்ளார்.

"கடலுக்கடியில் மின்சாரத்தைப் பெற்றுக்கொள்ளக் கூடியதான பல மில்லியன் ரூபாய் மதிப்பிலான பாரிய திட்டத்துக்கு சிறிலங்கா அரசு முன்னுரிமை கொடுத்திருக்கிறது. இத்திட்டத்துக்கான சாத்தியக்கூறுகள் தொடர்பிலான முதல்நிலை அறிக்கை தயாரிக்கும் பணி முடிவடைந்துள்ளது. இது தொடர்பில் விவாதிக்க எனது தலைமையிலான குழு இந்தியாவுக்குச் செல்ல உள்ளது" என்றார் அவர்.

கடலுக்கடியிலான கேபிள் மூலம் 200 கிலோ மீற்றர் நீளத்துக்கு சிறிலங்காவின் அனுராதபுரம் மற்றும் தமிழர் பிரதேசங்களான மன்னார், தலைமன்னார் வழியாக தமிழ்நாட்டின் மதுரையை இணைத்து மின்சாரத்தைப் பெற்றுக்கொள்ள சிறிலங்கா அரசு திட்டமிட்டுள்ளதாக கொழும்புச் செய்திகள் தெரிவிக்கின்றன. இத்திட்டமானது ரூ. 450 மில்லியன் டொலர் மதிப்பிலானது என்றும் கூறப்படுகிறது.

சிறிலங்காவின் நுரைச்சோலை மற்றும் திருகோணமலை அனல் மின் திட்டங்கள் முடிவடைய 2011 ஆம் ஆண்டு ஆகும் என்பதால் அதுவரையில் இந்தியாவிடமிருந்து மின்சாரத்தைப் பெற சிறிலங்கா முடிவு செய்துள்ளது.
தமிழர்களின் பாரம்பரிய தாயகப் பிரதேசமான திருகோணமலையில் தமிழ் மக்களை பலவந்தமாக வெளியேற்றிவிட்டு மக்கள் வாழ்விடங்களில் அனல் மின் திட்டத்தை இந்தியாவின் உதவியுடன் சிறிலங்கா செயற்படுத்த உள்ளமை குறிப்பிடத்தக்கது.

நன்றி - புதினம்.காம்

"பிச்சை எடுத்தானாம் பெருமாளு அதை புடிங்கி திண்ணானாம் அனுமாரு" ன்னு ஒரு பழமொழி இருக்குல நம்ம ஊர்ல அது இந்த செய்திக்கு கரெக்டா பொருந்தும்...
போன வருசத்தை விட இந்த வருஷம் மண்ணெண்ணெய், விசிறி விற்பனை மின்சார பற்றாகுறையல கூடிருக்குனு தமிழ்நாட்டுல ஒரு கணக்கு சொல்லுது. முன்னாள் முதல்வரும், இந்நாள் முதல்வரும் நீதான் காரணம், நான் தான் காரணம்னு அறிக்கை சண்டை நடந்துகிட்டு இருக்கு, இதுக்கு நடுல எல்லா தொழிற்சாலைகளுக்கும் ஒரு நாள் லீவு விட்டு மின்சாரத சேமிக்க திட்டம் போற்றுகாங்க (ஒரே பிரோஜானம் அந்த ஒருநாள் எல்லா தொழிலாளர்களும் வீட்டில் உட்காந்து விசிறி குட்சியால் முதுகை சொரிந்து கொள்ளலாம்). இதெல்லாம் விட பெரிய விஷயம் மின்சார பற்றாகுறைய போக்க மேற்கு வங்காளத்தில் இருந்து மின்சாரம் கடன் (பிச்சை) வாங்க போறதா நம்ம 'டினோசர்' வீராசாமி மன்னிக்க 'ஆற்காடு' வீராசாமி சொல்லி இருக்கார். லட்சணம் இப்படி இருக்கைல மேல இருக்க செய்தியை படிச்சா உடனே சிரிப்பதா இல்லை அழுவதானு தெரியல... தமிழ்நாட்டுல இருக்கவனுகே கோமணத்தை காணோம் இதுல அவன் நம்மட்ட கோட் சூட் கேட்டு வர்றான்.

இத விட பெரிய கொடுமை தமிழனை அழிக்க தமிழ்நாட்டுல இருந்து மின்சாரம் மின்சாரம் கேக்குறது... தமிழ்நாட்டு தமிழனின் கையாலாகத தனத்தால இந்த மாறி பேச்செல்லாம் கேக்கவேண்டியது இருக்கு... தமிழ் உணர்வும் இன உணர்வும் இருந்திருந்தால் இந்நேரம் அவன் இப்படி தைரியமா வந்து கேட்ருக்க முடியமா?..

என்னைக்கு தமிழா உனக்கு இன உணர்வும், மொழி பற்றும் வர போகுது?...

ஜானி - ஒரு திரைக்கவிதை...

2008-03-22T20:53:00.004-04:00

வேலைகள் அற்ற, நேரமே சுமையாய் போன ஒரு மாலை பொழுதை போக்குவதற்காக எதாவது படம் பாக்கலாம் என இணையத்தை துலாவியபோது சிக்கியது 'ஜானி'.. நான் பல தடவை பார்த்தும் சலிக்காத படம்... ஒவ்வொரு முறை காணும் போதும் முதல் தடவை பார்த்த போது எப்படி என்னை ஈர்ததோ, தாக்கத்தை ஏற்படுத்தியதோ அதே போல் இன்னும் ஈர்க்கிறது... ஒரு கவிதைக்கான நேர்த்தியுடன் வடிவமைத்திருக்கிறார் மகேந்திரன். உணர்வுகளை வார்த்தையாக்கி தோரணமிட்டு உருவாகிய காதல் கவிதை படித்த திருப்தி வருகிறது இப்படம் பார்த்த பின்.

இரு அழகான காதலியல் படம் முழுக்க வியாபதிருக்கும், ஒன்று அர்ச்சனா கொண்டது மற்றொன்று வித்யாசாகர் கொண்டது.. தன் காதலன் தவறானவன் என தெரிந்தும் மாசு மறுவற்ற அன்பை அளிக்கும் அர்ச்சனா... கொலை செய்து தலைமறைவில் இருக்கும் காதலனிடம் "இன்னும் எவ்ளோ நேரம் உங்களிடம் பேச போறேன், தயவுசெய்து பேசுங்கள்" என கெஞ்சும் காதல் அவளுடையது. சரி, தவறு என்பதற்க்கேல்லாம் அப்பாற்பட்டு தன் காதலனை அப்படியே ஏற்றுக்கொள்ளும் காதல் அது. காதலின் துரோகத்தை தாளாமல் தன் காதலியை கொலை செய்யும் வித்யாசாகர். தான் நேசிக்கும் தொழிலை காட்டியும், பணதாசையலும் மனம் மாறும் காதலிக்கு அதே காதலின் தீவிரத்தால் மரணத்தை பரிசாக்குகிறான். காதலின் வலி அவனை கொலைகாரன் ஆக்குகிறது.

இதனூடே, ஜானி தலைமறைவாய் இருக்கும் இடத்தில் அந்த மலைவாழ் பெண்ணுக்கு அவன் மேல் உண்டாகும் திடீர் நேசம். ஜானியின் தாய்,தந்தைக்குமிடையே உள்ள உலகம் அறியா காதல். ஜெயமாலினி மேல் அந்த தெலுங்கர் கொண்டிருக்கும் காம காதல் என மாறுபட்ட பல காதல்களால் பின்னபட்டிருக்கும் படம்.

முக்கியமாக குறிப்பிட வேண்டிய இன்னொன்று படம் முழுக்க ஆக்கிரமித்திருக்கும் இளையராஜாவின் இசை. படம் பார்பவர்களை கதைக்குள் முழுமையாக இழுக்க துணை நிர்ப்பதுதான் பின்னணி இசை. அதை இந்தப்படத்தின் பின்னணி இசை செவ்வனே செய்கிறது. இளையராஜாவின் உச்சம் இந்த படத்தின் இசைதான் என நான் சொல்வேன்.

படத்தின் இழையோடும் கவிதை தன்மையை அறிந்துகொள்வதற்கு அர்ச்சனா தன் காதலை சொல்லும் காட்சியே உதாரணம். நான் மிகவும் ரசித்த காட்சி..

கருநாடகத்தில் தமிழர் கிராமங்களுக்கு பேருந்துகள் நிறுத்தப்பட்டன!! - கன்னடரைக் குடியமர்த்தத் திட்டம்?

2008-03-22T12:37:00.017-04:00

கர்நாடக காவிரி கரையோரத்தில் அமைந்துள்ள தமிழர் கிராமங்களுக்கு சென்ற பேருந்துகள் நிறுத்தப்பட்டுள்ளன. மேலும் தமிழர்களை வெளியேற்றிவிட்டு கன்னடர்களை குடியமர்த்த கன்னட அமைப்பினர் திட்டமிட்டு வருகீன்றனர்.

கர்நாடக மாநில எல்லையில் காவிரி கரையோரத்தில் உள்ள ஜம்புருட்டு, அப்புக்காம்பட்டி, மாறு கொட்டாய் உள்ளிட்ட கிராமங்களில் தமிழர்கள் வசித்து வருகின்றனர். இங்குள்ள தமிழ்ப் பள்ளிகள் திடீரென்று மூடப்பட்டன. இதனால் தமிழர்களின் குழந்தைகளுக்கு கல்வி கிடைக்காமல் போனது. பெரியார் திராவிடர் கழக தலைவர் கொளத்தூர் மணி மற்றும் பல்வேறு தமிழ் அமைப்பினர் மேற்கொண்ட முயற்சியின் காரணமாக தமிழர் கிராமங்களில் மூடப்பட்ட பள்ளிகள் மீண்டும் திறக்கப்பட்டன.இந்நிலையில் ஓராண்டு முடிவதற்குள் பல காரணங்களைக் கூறி கர்நாடகக் கல்வித்துறை பள்ளிகளை மூடியது. இதனால் இப்பகுதி குழந்தைகள் 10 கி.மீ. தொலைவில் உள்ள கோபிநத்தத்துக்கு பஸ்சில் சென்று படித்து வந்தனர்.இப்போது தமிழர் கிராமங்களுக்கு சென்ற பேருந்துகளையும் கர்நாடக அரசு நிறுத்தி விட்டது. இதனால் குழந்தைகளின் கல்வி பெரிதும் பாதிக்கப்பட்டுள்ளது.இதனால் குழந்தைகள் தற்போது ஆடு, மாடுகளை மேய்த்து வருகின்றனர்.

காவல்துறையினரும் தமிழர்கள் மீது ஏதாவது புகார் கூறி பணம் பறிக்க முயற்சிக்கின்றனர். போலீசார் கேட்கும் தொகையை கொடுக்காவிட்டால், தீவிரவாதிகளுடன் தொடர்புள்ளதாக கூறி வழக்கு போடுவதாகவும் மிரட்டுகின்றனர்.இப்படியெல்லாம் தொல்லை கொடுத்தால் தாங்களாகவே கிராமத்தை காலி செய்துவிட்டுப் போய்விடுவார்கள். பின்னர் கன்னடர்களை இந்த கிராமங்களில் குடியமர்த்தலாம் என ஒகேனக்கல்லை சொந்தம் எனக் கூறும் கன்னட அமைப்பினர் திட்ட மிட்டுள்ளனர்.

***நன்றி - தென்செய்தி.காம்***

எனக்கு ஒரு சந்தேகம்... கர்நாடக இந்தியாவில் தானே இருக்கிறது?...

புஷ் ஜோக் - பாமரன்

2008-03-21T23:58:00.001-04:00